Zakaria 5:2 - BAIBLO ALOO NGMAMI KLƆUKLƆU Ɔ

² Bɔfo ɔ bi mi ke, “Mɛni o na?” I he nɔ ke, “I na womi kpo ko nɛ ngɛ tee kɛ bee; e kami maa pee gugue enuɔ, nɛ e blimi maa pee gugue enyɔ kɛ fa.”

Zakaria 5:2 ပူးပေါင်းရင်းမြစ်များ

Yeremia 36:2

“Yaa hla womi kpo nɛ o ngma níhi tsuo nɛ i de mo nɛ kɔɔ Israel, Yuda, kɛ je ma amɛ tsuo a he ɔ kɛ wo mi. Ngmaa nɔ́ tsuaa nɔ́ nɛ i de mo kɛ je be nɛ i kɛ mo tu munyu kekleekle ngɛ matsɛ, Yosia yi nɔ kɛ ba si mwɔnɛ ligbi nɛ ɔ.

Amos 7:8

E bi mi ke, “Amos, mɛni o na?” I he nɔ ke, “Sumui kɛ e nya kpa.” Kɛkɛ nɛ e de mi ke, “I ngɔ sumui kɛ e nya kpa nɛ ɔ kɛ ngɛ ye ma Israel ɔ susue kaa a susuɔ gbogbo. Enɛ ɔ he je ɔ, i be ye yi mi tomi ɔ tsakee hu; ja i gbla a tue kokooko!

Zefania 1:14

Jamɛ a ligbi nguaa a nɛ Yawɛ maa gbla e ma a tue ɔ ma kɛ fo; e su si ta! E maa pee aywilɛho ligbi, ejakaa ta buli katsɛmɛ po a hɛ maa dɔ, nɛ a ma fo ya boboobo.

Zakaria 4:2

E bi mi ke, “Mɛni o na?” I he nɔ ke, “I na kane tso nɛ a kɛ sika tsu pee. Tɔ maa si ngɛ e yi mi. Kane kpaago ngɛ kane tso ɔ he. Kane ɔmɛ eko fɛɛ eko hɛɛ puɔ kpaago.

2 Petro 2:3

Kikɛmɛ a lakpa tsɔɔli nɛ ɔmɛ maa tu nyɛ munyuhi nɛ a po de, konɛ a kɛ sisi nyɛ nɛ a ná nyɛ he se. Se Mawu bu mɛ fɔ momo be saii ji nɛ, nɛ a hɛ mi kpatami be ɔ hu su ta.

Kpojemi 18:5

Ejakaa a to e yayami ɔmɛ kɛ ya si hiɔwe tɔɔ. Nɛ Mawu miɔ nɛ e maa gbla ma a tue ngɛ e yayami ɔmɛ a he.