Zakaria 4:7 - BAIBLO ALOO NGMAMI KLƆUKLƆU Ɔ

⁷ Mo yo gagaa, mɛni kulaa ji mo ngɛ Zerubabel hɛ mi? E maa ba mo si, nɛ o maa pee kaa nga kplanaa. Be nɛ o kɛ nyagbe tɛ ɔ maa ma e blɔ he ngɛ tsu ɔ yi mi ɔ, ma a tsuo ma he ose ke, ‘Afɛu nɔ oo, afɛu nɔ!’ ”

Zakaria 4:7 ပူးပေါင်းရင်းမြစ်များ

Ezra 3:10

Benɛ tsu mali ɔmɛ bɔni Mawu we ɔ sisi tomi ɔ fiami ɔ, osɔfo ɔmɛ kɛ a he tade ɔmɛ kɛ a dɛ mi titimati ya da a blɔ hehi. Levi bi nɛ je Asaf we puɔ ɔ nya a hu hɛɛ gɔgɔhi ngɛ a dɛ kɛ ya da si ngɛ lejɛ ɔ. A je Yawɛ yi kaa bɔ nɛ Matsɛ David to blɔ nya ha mɛ kɛ je blema a.

La 114:4

Yo ɔmɛ tuu kaa agbosuhi, yoku ɔmɛ tuu kaa jijɔhi.

La 114:6

Nyɛ yohi, mɛni ba nɛ nyɛ ngɛ tuue kaa agbosuhi ɔ? Nyɛ yokuhi, mɛni ha nɛ nyɛ ngɛ tuue kaa jijɔhi ɔ?

La 118:22

Tɛ ɔ nɛ tsu fiali ɔmɛ sake fɔ he ɔ, lɔ ɔ nɔuu ba pee kɔ nya tɛ.

La 84:11

Yawɛ Mawu ji wa pu kɛ wa tsɛ̃i. E naa wɔ mɔbɔ, nɛ e woɔ wa hɛ mi nyami. Nihi nɛ peeɔ nɔ́ nɛ da a, e ha we nɛ nɔ́ ko hiaa mɛ.

Yesaya 28:16

Lɔ ɔ he ɔ, nɔ́ nɛ Nyɔmtsɛ Yawɛ ngɛ dee ji nɛ ɔ nɛ: “I ngɛ sisi tomi ko nɛ he wa nɛ maa si kpɛii fiae ngɛ Zion; nɛ i ngɔ kɔ nya tɛ agbo ko kɛ ma mi. Nɔ́ nɛ a ngma ngɛ nɔ ji nɛ ɔ nɛ: ‘Nɔ nɛ heɔ yeɔ ɔ, e toɔ e tsui si.’

Yesaya 41:15

Hyɛ, ma pee mo kaa ngma mi sami he klama kɛ e lunguhi nɛ a nya ba. O maa ywia yo ɔmɛ, nɛ o maa pee mɛ butuu; o maa pee yoku ɔmɛ kaa jakati.

Yeremia 33:11

bua jɔmi, kɛ lele hwɔmi gbi ekohu. Nyɛ maa nu ayɛflo kɛ e huno a gbi, kɛ la nɛ nihi nɛ ngɔ sina bɔhi kɛ ma Yawɛ we ɔ ngɛ lae ke, ‘Nyɛɛ na Yawɛ Tabohiatsɛ ɔ si, ejakaa Yawɛ hi, nɛ e suɔmi ɔ ngɛ daa!’ Ma ha nɛ kplɔkɔtɔ, kɛ he jɔmi maa ba zugba nɛ ɔ nɔ kaa kekle ko ɔ. Imi, Yawɛ lɛ i de.”

Yeremia 51:25

Mo Babilonia nɛ o ngɛ kaa yoku, nɛ o ngɛ je ɔ tsuo hɛ mi kpatae, i kɛ mo na! Ma nu mo, nɛ ma kpɛne mo kɛ je tɛ sa amɛ a nɔ ba ko si, nɛ o maa pee kaa yo nɛ sã.

Mika 1:4

Yo ɔmɛ maa sile ngɛ e nane sisi kaa hwo gbaku ngɛ la mi; nɔ́ nɛ sile ɔ ma kpa ngɔ pue kɔ̃ ɔmɛ a mi kaa pa nɛ hia kɛ bee ngɛ yoku he kɛ yaa kɔ̃ mi.

Mika 4:1

Nyagbe be ɔ mi ɔ, yo ɔ nɛ Yawɛ we ɔ maa si ngɛ nɔ ɔ ma ba pee yo nɛ he biɛ pe yo ɔmɛ tsuo. Je mahi babauu ma ba hyɛ,

Habakuk 3:6

Ke e da si ɔ, zugba a mimiɛɔ, ke e wo e hɛ mi nɔ kikɛ nɛ ɔ, ma amɛ a he doɔ blibliibli. E ywia blema yo ɔmɛ; e ba yoku ɔmɛ nɛ ngɛ daa a si; yo nɛ ɔmɛ a nɔ e nyɛɛ blema a nɛ.

Zakaria 4:8

Jehanɛ hu Yawɛ ha mi sɛ gbi kpa ke,

Zakaria 4:9

“Zerubabel nɛ fia Mawu we nɛ ɔ sisi tomi ɔ, lɛ nɔuu nɛ maa ma tsu ɔ kɛ gbe nya. Ke nɔ́ nɛ ɔ ba mi pɛ ye ma a maa le kaa imi Yawɛ Tabohiatsɛ ɔ nitsɛ nɛ i tsɔ mo a ngɔ.

Mateo 21:21

Yesu he nɔ ke, “Niinɛ, i ngɛ nyɛ dee ke, ke nyɛ ngɛ hemi kɛ yemi nɛ nyɛ ji nɔ́ ɔ, pi nɔ́ nɛ a pee ngmɔkɔ tso nɛ ɔ kɛkɛ nɛ nyɛ ma nyɛ pee. Ke nyɛ de yo nɛ ɔ tete po ke, ‘Hiaa, nɛ o ya nɔ wo mi ɔ,’ e maa ba mi ja.

Mateo 21:42

Yesu de mɛ ke, “Anɛ nyɛ kane we enɛ ɔ ngɛ ngmami ɔmɛ a mi hyɛ?” Ngmami ɔ ke, “Tɛ ɔ nɛ tsu fiali ɔmɛ sake fɔ he ɔ, lɔ ɔ tutuutu ba plɛ kɔ nya tɛ. Nyɔmtsɛ ɔ lɛ pee enɛ ɔ; hyɛ bɔ nɛ e ngɛ nyakpɛ ha!”

Marko 12:10

Tse nyɛ kane kikɛmɛ a ngmami nɛ ɔ hyɛ? ‘Tɛ ɔ nɛ tsu fiali ɔmɛ bui, nɛ a sake fɔ he ɔ, lɔ ɔ nɔuu lɛ plɛ pee kɔ nya tɛ.

Luka 20:17

Yesu hyɛ mɛ kɛ kpe, nɛ e bi ke, “Lɛɛ mɛni ji ngmami nɛ ɔ sisi mɔ? ‘Tɛ ɔ nɛ tsu fiali ɔmɛ sake fɔ he ɔ, lɔ ɔ nɔuu nɛ ba plɛ kɔ nya tɛ nɛ ɔ nɛ.’

Luka 3:5

Á tsi kɔ̃ tsuaa kɔ̃; á ba kpo tsuaa kpo, kɛ yo tsuaa yo si. Á pee blɔhi nɛ kpɛ̃ ɔ tlɔmɔɔ, nɛ ní nɛmɛ nɛ ngɛ googagooga a, a nɔ nɛ sɔ.

Ni Tsumi 4:11

Yesu nɛ ɔ nɔuu he ngmami ɔ deɔ ngɛ ke, ‘Tɛ ɔ nɛ nyɛ tsu fiali ɔmɛ nyɛ sake fɔ he ɔ plɛ kɔ nya tɛ.’

Romabi 11:6

Nɛ ke dloomi nya a, lɛɛ pi ní tsumi ko nɛ a tsu he hu. Kaa ní tsumi ko nɛ a tsu he ɔ, jinɛ dloomi ɔ pi dloomi hu.

Efesobi 2:20

Sisi tomi nɛ a fia nyɛ ngɔ ma nɔ ji sɛ gbi ɔ nɛ bɔfo ɔmɛ, kɛ gbali ɔmɛ fiɛ ɔ; nɛ Kristo Yesu nitsɛ ngɛ kaa tsu ɔ kɔ nya tɛ.

1 Petro 2:7

Nyɛ nihi nɛ nyɛ he ye ɔ, e he jua wa ha nyɛ saminya; se ni nɛmɛ nɛ he we yi ɔ, “Tɛ ɔ nɛ tsu fiali ɔmɛ kua a, lɔ ɔ tutuutu ba plɛ pee kɔ nya tɛ.”

Kpojemi 16:20

Zugba kpɔhi tsuo nɛ wo bɔle mɛ ɔ laa, nɛ a nɛ yokuhi hu.