Zakaria 4:6 - BAIBLO ALOO NGMAMI KLƆUKLƆU Ɔ

⁶ Mawu bɔfo ɔ de mi ke ma ngɔ Yawɛ sɛ gbi nɛ ɔ kɛ ya ha Zerubabel: “Pi o nyɛ́mi, loo o he wami nya; se ye mumi ɔ nɛ ma tsu enɛ ɔ. Yawɛ Tabohiatsɛ ɔ lɛ de.

Zakaria 4:6 ပူးပေါင်းရင်းမြစ်များ

La 33:16

Pi ta buli babauu nɛ haa matsɛ yeɔ kunimi; ta bulɔ be nyɛe maa ngɔ e kã kɛ he lɛ nitsɛ e yi wami.

Hosea 1:7

Se Yuda ma a lɛɛ, ma suɔ a sane. Imi Yawɛ, a Mawu ɔ, ma he a yi wami. Pi ta nga nɔ nɛ ma pee nɔ́ nɛ ɔ ngɛ; pi klaate, loo kɛ̃ɛ̃ kɛ kɛ̃ɛ̃ mi bi, loo okpɔngɔhi kɛ a nɔ hili nɛ ma ngɔ kɛ tsu nɔ́ nɛ ɔ.”

Kronika II, 14:11

Asa fa kue ha Yawɛ e Mawu ɔ ke, “Yawɛ lee, mo nɛ o piɛɔ nihi nɛ a he wa, kɛ ni nɛmɛ nɛ a he wɛ tsuo a he! Yawɛ, wa Mawu, moo piɛ wa he koo! Ejakaa wa ngɔ wa hɛ ngɔ fɔ o nɔ. Wa ba ngɛ o biɛ mi, konɛ waa kɛ asafo babauu nɛ ɔ ba kpe. Yawɛ, mo ji wa Mawu; ko ha nɛ nɔmlɔ adesa nɛ ye o nɔ kunimi.”

Yesaya 32:15

Se wɔ lɛɛ, Mawu ma ha wɔ e mumi ɔ kɛ je hiɔwe ekohu, nɛ wa ma na niye ní babauu kɛ je ngmɔ ɔmɛ a mi.

Yesaya 30:1

Yawɛ ke, “Musu tloo Yuda ma nimeli ɔmɛ, ejakaa a kua mi. A toɔ gahi, nɛ a peeɔ níhi ngɛ mɛ nitsɛmɛ a dɛ he. A kɛ nihi soɔ nɛ pi ye suɔmi nya. Bɔ nɛ a peeɔ kɛ tĩaa yayami ngɔ haa a he ji nɛ ɔ nɛ.

Mose IV, 27:16

“Yawɛ, mo nimli adesahi tsuo a Mawu, i kpa mo pɛɛ nɛ mo nitsɛ o hla nyumu ko kɛ da ma kpekpemi nɛ ɔ nya,

Ezra 5:2

Kɛkɛ nɛ Shealtiel bi Zerubabel, kɛ Yehozadak bi Yoshua ya bɔni Mawu we ɔ mami ekohu, nɛ Mawu gbali ɔmɛ piɛ a he kɛ tsu ní ɔ.

1 Petro 1:12

Mawu je tsɔɔ gbali nɛ ɔmɛ kaa ní tsumi nɛ a ngɛ tsue ɔ, pi mɛ nitsɛmɛ nɛ a ma na he se, se nyɛ mohu. Amlɔ nɛ ɔ, a fiɛ sane kpakpa ngɔ ha nyɛ tsuo. Mumi Klɔuklɔu ɔ nɛ a tsɔ kɛ je hiɔwe, nɛ e kɛ mɛ tu munyu ɔ, lɛ nɔuu e he wami a kɛ fiɛ ha nyɛ. Ní nɛ ɔmɛ ji níhi nɛ bɔfo ɔmɛ tete ko suɔ kaa a maa nu sisi.

Efesobi 6:17

Yi wami hemi nɛ pee dade pɛɛ nɛ nyɛ bu. Nyɛɛ pɛtɛ Mawu munyu ɔ nɛ ji mumi ɔ klaate ɔ he.

Mose I, 41:16

Yosef he nɔ ke, “Nɛnɛ, pi imi. Mawu ji nɔ nɛ maa tsɔɔ mo nlami ɔ sisi bɔ nɛ maa sa o hɛ mi.”

Samuel I, 14:6

Yonatan de niheyo ɔ nɛ hɛɛ e ta hwumi ní ɔmɛ ke, “Ha waa ho mɔmlɔtɔtsɛmɛ ɔmɛ a sito he ɔ ya. Eko piɔ, Yawɛ ma tsu nyakpɛ ní ha wɔ; ejakaa nɔ́ ko nɔ́ ko tsi Yawɛ nya kaa e kɛ nihi fuu, loo bɔɔ ma he nihi a yi wami.”

Samuel I, 17:47

nɛ ma a nɛ bua ngɛ hiɛ ɔ hu maa le kaa pi klaate kɛ akplɔ nɛ Yawɛ kɛ heɔ nɔ yi wami. Yawɛ ye kunimi momo ngɛ ta a nya, nɛ e ma je nyɛ kɛ wo wa dɛ mi.”

Matsɛmɛ I, 19:12

Zugba mimiɛmi ɔ se ɔ, la ba, se Yawɛ be la a mi. La a se ɔ, gbi ko nɛ he jɔ pɛ blɛuu.

Ezra 3:10

Benɛ tsu mali ɔmɛ bɔni Mawu we ɔ sisi tomi ɔ fiami ɔ, osɔfo ɔmɛ kɛ a he tade ɔmɛ kɛ a dɛ mi titimati ya da a blɔ hehi. Levi bi nɛ je Asaf we puɔ ɔ nya a hu hɛɛ gɔgɔhi ngɛ a dɛ kɛ ya da si ngɛ lejɛ ɔ. A je Yawɛ yi kaa bɔ nɛ Matsɛ David to blɔ nya ha mɛ kɛ je blema a.

Fiɛlɔ 9:11

Nɔ́ kake hu nɛ i na ngɛ je nɛ ɔ mi ji: tsa pi nihi nɛ le fo tumi wawɛɛ ji nihi nɛ yeɔ kekleekle blɔ he be tsuaa be; pi katsɛmɛ ji ni nɛmɛ nɛ yeɔ kunimi ngɛ ta mi daa. Pi ní leli tsuo a dɛ nɛ niye ní ngɛ; pi juɛmitsɛmɛ tsuo ji matsɛmɛ, nɛ gali hu, pi mɛ tsuo nɛ a hɛ mi baa nyami. Haomi baa mɛ tsuo a nɔ fiee.

Daniel 2:34

Benɛ o ngɛ amaga a hyɛe kɛ mwɔɔ ɔ, tɛ agbo ko nɛ nɔ ko nine sɛ he, hia kɛ je yo ɔ mi ba fia amaga a nanewɛɛhi nɛ a kɛ dade kɛ zu pee ɔ.

Hagai 1:1

Persia matsɛ, Darius yi nɔ, jeha enyɔne ɔ mi, nyɔhiɔ ekpane ɔ we kekleekle ligbi ɔ, Yawɛ ngɔ sɛ gbi kɛ gu gbalɔ Hagai nɔ kɛ ha nimli nɛ ɔmɛ: Sheatiel bi Zerubabel, Yuda amlaalo ɔ, kɛ Yehozadak bi Yoshua, osɔfo nɔkɔtɔma pe kulaa a.

Hagai 2:21

nɛ e ya de Zerubabel, amlaalo nɛ hyɛɛ Yuda zugba a nɔ ɔ ke, “Ma mimiɛ hiɔwe kɛ zugba,

Zakaria 6:12

De lɛ ke bɔ nɛ Yawɛ Tabohiatsɛ ɔ de ji nɛ ɔ nɛ: ‘Nɔ ko ji nɛ ɔ nɛ. A tsɛɛ lɛ Tso Kɔni. E ma gba kɔni nɛ e ma ba ma Yawɛ we ɔ ekohu.

Ezra 2:2

Nihi nɛ kɛ mɛ ba ji Zerubabel, Yoshua, Nehemia, Seraya, Reelaya, Mordekai, Bilshan, Mispar, Bigvai, Rehum, kɛ Baana. Israel bi nɛ kpale kɛ je ma se kɛ ba a ji nɛ ɔmɛ nɛ:

Yesaya 34:16

Nyɛ hla ngɛ Yawɛ womi ɔ mi nɛ nyɛɛ kane. Nyɛ maa na kaa nibɔ ní nɛ ɔmɛ a ti ekoeko be laae, nɛ e he piɛlɔ be lɛ bɔe. Yawɛ lɛ fa, nɛ e mumi ɔ ha e ba mi ja.

Yesaya 59:19

Kɛ je beleku je kɛ yaa su bonyoku je ɔ, nɔ tsuaa nɔ maa ye Yawɛ gbeye. E maa ba kaa pa nɛ hia; e maa ba kaa ahumi nɛ hia kɛ ma.