Zakaria 4:10 - BAIBLO ALOO NGMAMI KLƆUKLƆU Ɔ

¹⁰ Amlɔ nɛ ɔ nɛ ní tsumi ɔ yɛ nɔ kpakpa ko ɔ, nɛ ni ɔmɛ pee kaa nɔ́ nɛ a kɔni mi jɔ̃. Se ke a na Zerubabel nɛ ngɛ Mawu we ɔ mae ekohu ɔ, a bua maa jɔ.”

Zakaria 4:10 ပူးပေါင်းရင်းမြစ်များ

Hiob 8:7

Hwɔɔ se ɔ, Mawu ma ha mo ní babauu nɛ maa hiɛ kulaa pe kekle nɔ́ ɔ.

Kronika II, 16:9

Yawɛ hɛngmɛ ngɛ je ɔ tsuo he; nihi nɛ yeɔ lɛ anɔkuale ɔ, e woɔ mɛ he wami. O je kuasia. Lɔ ɔ he ɔ, kɛ je mwɔnɛ ɔ kɛ yaa a, ta maa nyɛɛ o se daa nɛ.”

Hagai 2:3

“Anɛ nɔ ko ngɛ nyɛ kpɛti nɛ ma nyɛ kai bɔ nɛ Mawu we ɔ he fɛu ngɛ sa a lo? Jehanɛ lɛɛ kɛ nyɛ na lɛ kɛɛ? E peeɔ nyɛ kaa enɛ ɔ pí nɔ ko saasaa.

Abɛ Womi 15:3

Yawɛ hɛngmɛ ngɛ he tsuaa he; e naa kpakpa peeli, kɛ yayami peeli tsuo.

Kpojemi 5:6

Jehanɛ, i na To bi ko nɛ daa si ngɛ matsɛ sɛ ɔ kɛ hɛ kali eywiɛ ɔmɛ, kɛ nikɔtɔma amɛ a kpɛti. To bi ɔ ngɛ kaa nɔ́ nɛ a gbe. E ngɛ koli kpaago, kɛ hɛngmɛ kpaago. Hɛngmɛ nɛ ɔmɛ ji Mawu mumi slɔɔto kpaago nɛ e tsɔ kɛ ya je ɔ mi tsuo.

Zakaria 3:9

I ngɔ tɛ kake too kɛ e hɛ mi kpaago kɛ ngɛ Yoshua hɛ mi mae. Ma kpɛ́ ningma ngɛ tɛ ɔ mi, nɛ ma ha yayami maa ta zugba a nɔ ligbi kake too.

Abɛ Womi 4:18

Blɔ nɛ dali nyɛɛɔ nɔ ɔ ngɛ kaa mɔtu pu la nɛ ngɛ kpɛe hluu kɛ yaa si piani.

Yesaya 66:14

Ke enɛ ɔ ba mi ɔ, nyɛ ma na bua jɔmi. Nyɛ ma na he wami he. Lɔ ɔ loko nyɛ maa le kaa imi Yawɛ ɔ, nihi nɛ buɔ mi tue ɔ, i piɛɔ a he, nɛ i kɛ abofu gblaa ye he nyɛli a tue.”

Yesaya 66:11

E ní nɛ e na a, nyɛ maa ye eko, nɛ nyɛ bua maa jɔ kaa bimwɔyo ngɛ e nyɛ nyɔ nya!

Kpojemi 8:2

Kɛkɛ nɛ i na bɔfo kpaago ɔmɛ nɛ daa si ngɛ Mawu hɛ mi ɔ, nɛ a ha mɛ titimati kpaago.

Hosea 6:3

Nyɛ ha waa bɔ mɔde nɛ waa le Yawɛ saminya. Kaa bɔ nɛ je naa daa ligbi, nɛ hiɔmi hu nɛɛɔ ngɔ pueɔ zugba daa gbo kɛ gbiɛ ɔ, ke wa hla Yawɛ se blɔ ɔ, lɛ hu e maa ba wa ngɔ.”

Luka 15:32

Se e sa kaa wa nya, nɛ wa na bua jɔmi, ejakaa o nyɛmi nɛ ɔ gbo, se e kpale ba wami mi ekohu; e laa, se a na lɛ.’ ”

Yeremia 16:17

Nɔ́ tsuaa nɔ́ nɛ a ngɛ pee ɔ, i ngɛ hyɛe. Nɔ́ ko nɔ́ ko be nɛ a ngɛ pee nɛ i nɛ; a ní yayami ɔmɛ fɔɔ si ngɛ ye hɛ mi.

Ezekiel 1:14

Hɛ kali ɔmɛ saa fo kɛ yaa kɛ baa kaa oslabai nɛ ngɛ gbae.

Amos 7:2

Benɛ baalɛ ɔmɛ miɔ nɛ a ma kpe nga mumu ɔ tsuo ta zugba a nɔ ɔ, i fa kue ha Nyɔmtsɛ Yawɛ ke, “Nyɔmtsɛ Yawɛ, i kpa mo pɛɛ, ngɔɔ o ma a he yayami ɔ kɛ pa mɛ! Kɛ o ma a maa pee kɛɛ nɛ a yi ma na wami? Israel ɔ, ma wayoo kɛkɛ ji mɛ; a he wɛ tsɔ ko!”

Amos 7:5

Kɛkɛ nɛ i fa kue ha Nyɔmtsɛ Yawɛ ke, “Nyɔmtsɛ Yawɛ lee, i kpa mo pɛɛ, ha nɛ la a se nɛ po! Kɛ o ma a maa pee kɛɛ nɛ a yi ma na wami? Israel ɔ, ma wayoo kɛkɛ ji mɛ; a he wɛ tsɔ ko!”

La 33:14

Yawɛ hyɛɛ nɔ tsuaa nɔ ngɛ zugba a nɔ kɛ jeɔ he nɛ e kojoɔ ngɛ ɔ.

Zakaria 9:1

Yawɛ sɛ gbi ji nɛ ɔ nɛ. Yawɛ ke a maa gbla Hadrak zugba a, kɛ Damasko ma a a tue, ejakaa tsa pi Israel wɛtso ɔmɛ pɛ ji Yawɛ níhi; mohu ɔ, Syria matsɛ ma a hu e nɔ́.