Zakaria 3:2 - BAIBLO ALOO NGMAMI KLƆUKLƆU Ɔ

² Yawɛ de Abosiami ke, “Abosiami, Yawɛ nɛ wo mo hiɔ! Yawɛ, nɔ nɛ hla Yerusalem kɛ pee e nɔ́ ɔ nɛ wo mo hiɔ. Nyumu nɛ ɔ, anɛ pi la tso nɛ ngɛ tsoe nɛ a hia kɛ je la nya nɛ ɔ.”

Zakaria 3:2 ပူးပေါင်းရင်းမြစ်များ

Amos 4:11

“I kpata nyɛ ti ni komɛ a hɛ mi kaa bɔ nɛ i pee Sodom kɛ Gomora ma amɛ ɔ. Ni nɛmɛ nɛ a he je mi ɔ ngɛ kaa la tso nɛ a hia kɛ je la mi. Se loloolo ɔ, nyɛ kpale we kɛ bɛ ye ngɔ.” Yawɛ lɛ de.

Yuda 1:23

nyɛ je ni komɛ hu kɛ je la a mi; nyɛɛ na ni kpa komɛ hu mɔbɔ nɛ gbeye yemi ngɛ mi. Se tadehi nɛ a wo ɔ tete po nyɛɛ hie; ejakaa a kɛ he lo akɔnɔ wo he mu.

Yuda 1:9

Mawu bɔfo nɔkɔtɔma Mikael tete po pee we enɛ ɔ. Benɛ e kɛ Abosiami pɛ, nɛ e kɛ lɛ sã nya kaa mɛnɔ lɛ sa kaa e ngɔ Mose flɔ̃ ɔ, Mikael jɛ we Abosiami; e yi e he fɛu hulɔ. Nɔ́ nɛ e de lɛ ji, “Nyɔmtsɛ ɔ nɛ ka o hɛ mi!”

Romabi 8:33

Nihi nɛ Mawu hla a, mɛnɔ maa po a nya? Mawu nitsɛ lɛ woɔ nɔ nguɔ.

Zakaria 1:17

Bɔfo ɔ de mi hulɔ ke ma fiɛ ke, “Yawɛ Tabohiatsɛ ɔ ke e ma amɛ ma ná ní kpɔtɔɔ ekohu. Yawɛ maa kpale ba ngɔ Yerusalem ekohu kaa lɛ nitsɛ e ma; nɛ e maa wo Zion bua.”

Zakaria 2:12

Jehanɛ, Yawɛ maa ngɔ Yuda kaa e nɔ́ nɛ he hia saminya ngɛ e zugba klɔuklɔu ɔ nɔ, nɛ Yerusalem maa pee ma nɛ e suɔ pe kulaa ekohu.

1 Yohane 3:8

Nɔ nɛ peeɔ yayami lɛɛ Abosiami bi ji lɛ, ejakaa kɛ je sisije tɔɔ nɛ Abosiami bɔni yayami peemi. Enɛ ɔ he tutuutu nɛ Mawu Bi ɔ ba a nɛ, konɛ níhi nɛ Abosiami tsu ɔ, e ba kpata lɛ tsuo hɛ mi.

Romabi 16:20

E be kɛe kulaa nɛ he jɔmi Mawu ɔ ma kpata Abosiami hɛ mi, nɛ wa maa ye e nɔ. Wa Nyɔmtsɛ Yesu Kristo dloomi ɔ kɛ nyɛ nɛ hi si.

Yohane 13:18

“Pi nyɛ tsuo nyɛ he nɛ i ngɛ enɛ ɔ dee; ejakaa nihi nɛ i hla a, i le bɔ nɛ a ngɛ. Se e sa kaa ngmami ɔ nɛ deɔ ke, ‘Nɔmlɔ nɛ kɛ mi dla ye abolo ɔ te si ngɔ si mi,’ ɔ nɛ ba mi.

Luka 22:32

Se imi lɛɛ i sɔle ha mo Simon, nɛ o hemi kɛ yemi kó ta, konɛ ke o kpale o se kɛ ba ye ngɔ ekohu ɔ, mo hu o wo o nyɛmimɛ ɔmɛ he wami.”

Luka 4:35

Yesu nga mumi ɔ yi ke, “Ma o nya! Jee kpo ngɛ nyumu ɔ mi!” Mumi yayami ɔ sake nyumu ɔ ngɔ fia si ngɛ a hɛ mi, nɛ e je e mi. Se e yi lɛ awi.

Daniel 12:1

Bɔfo ɔ nɛ wo kploba tade ɔ de ke, “Jamɛ a be ɔ mi ɔ, Mikael maa ba. Lɛ ji ganɔ ngua a nɛ buu o ma a he ɔ nɛ. Jehanɛ, haomi nɛ a nɛ eko hyɛ kɛ je be nɛ je ma amɛ bɔ ade ɔ maa ba. Ke jamɛ a be ɔ su ɔ, o ma mi bi ɔmɛ tsuo nɛ a ngma a biɛ kɛ wo Mawu womi ɔ mi ɔ, a ma he a yi wami.

La 109:31

Ejakaa e yeɔ dɛgutsɛ sane ha lɛ. Nihi nɛ buɔ dɛgutsɛ gbenɔ fɔ ɔ, e jeɔ lɛ kɛ jee a dɛ mi.

Kpojemi 17:14

Lohwe ɔ, kɛ matsɛmɛ ɔmɛ ma ya tua To bi ɔ. Se To bi ɔ, kɛ e se nyɛɛli ɔmɛ maa ye a nɔ kunimi. Lɛ ji nyɔmtsɛmɛ a nyɔmtsɛ, kɛ matsɛmɛ a matsɛ, nɛ e se nyɛɛli ɔmɛ ji nihi nɛ Mawu tsɛ, nɛ e hla mɛ ngɔ to, nɛ a yeɔ lɛ anɔkuale.”

Marko 1:25

Yesu nga mumi yayami ɔ yi ke, “Ma o nya! Jee kpo ngɛ e ɔ mi.”

Kronika II, 6:6

Se jehanɛ lɛɛ i hla Yerusalem, konɛ a ja mi ngɛ lejɛ ɔ; i hla mo David hulɔ, nɛ o ye ye ma Israel ɔ nɔ.’ ”

Luka 9:42

Benɛ jokuɛ ɔ ma a, mumi yayami ɔ po lɛ fɔ si, nɛ e ha e lua gaganii. Se Yesu nga mumi ɔ yi, nɛ e tsa jokuɛ ɔ, nɛ e ngɔ lɛ ngɔ ha e tsɛ ɔ ekohu.

Marko 9:25

Benɛ Yesu na kaa nihi babauu sa fo kɛ ma e ngɔ ɔ, e ke mumi ɔ yi nɛ e de lɛ ke, “Mo amuɛti kɛ tue kpoku mumi, i ngɛ mo fae ke, jee e mi, nɛ o ko sɛ e mi hu!”

Yesaya 7:4

De lɛ ke e ko ye Matsɛ Rezin, kɛ Siria bi ɔmɛ, kɛ Matsɛ Peka gbeye. A mi mi fumi ɔ ngɛ kaa la tso enyɔ nɛ a ngɛ tsoe tikɔɔ kɛkɛ.

Kronika II, 6:5

‘Kɛ je be nɛ i jé ye ma Israel kɛ je Egipt ɔ, i hla we ma ko ma ko kɛ ji Israel wɛtso ko mi nɛ a po we ha mi, nɛ a ja mi ngɛ lejɛ ɔ; nɛ i hla we nɔ ko nɔ ko nɛ ba ye ganɔ ngɛ ye ma Israel ɔ nɔ.