Zakaria 3:1 - BAIBLO ALOO NGMAMI KLƆUKLƆU Ɔ

¹ I na nina kpa ko. Yawɛ ha nɛ i na osɔfo nɔkɔtɔma pe kulaa Yoshua nɛ daa si ngɛ Yawɛ bɔfo ɔ hɛ mi; nɛ Abosiami ba daa si ngɛ Yoshua hiɔ nɔ, konɛ e po Yoshua nya.

Zakaria 3:1 ပူးပေါင်းရင်းမြစ်များ

1 Petro 5:8

Nyɛ hɛ nɛ ka si; nyɛɛ pee klaalo! Nyɛ he nyɛlɔ, Abosiami ɔ ngɛ nyɛɛe kɛ ngɛ yae kɛ ngɛ bae kaa jata nɛ ngɛ huae, nɛ ngɛ nɔ ko hlae nɛ e tsɔtslɔɔ e mi.

Luka 22:31

“Simon, Simon! Bu tue! Mawu ha Abosiami blɔ ke e ka nyɛ, nɛ e je nimli kpakpa amɛ kɛ je nimli yayami ɔmɛ a kpɛti kaa bɔ nɛ ngmɔ hulɔ saa ngma mi ɔ.

La 109:6

A deɔ ke, ha nɛ yiwutsotsɛ ko kɛ lɛ nɛ to ní; lɛ nitsɛ e he nyɛlɔ nɛ ya po e nya ngɛ sane yemi he.

Luka 21:36

Nyɛɛ hyɛ nyɛ he nɔ saminya, nɛ nyɛɛ sɔle daa, konɛ Mawu nɛ ha nyɛ he wami nɛ nyɛ kɛ gblee ní nɛ ɔmɛ tsuo nɛ maa ba a a mi slɔkee, nɛ nyɛ nyɛ nɛ nyɛɛ da Nɔmlɔ Bi ɔ hɛ mi.”

Malaki 3:1

Yawɛ Tabohiatsɛ ɔ ke, “Ma tsɔ ye tsɔlɔ ɔ, nɛ e ma ya dla blɔ ngɔ to mi. Lɔ ɔ se ɔ, Nyɔmtsɛ ɔ nɛ nyɛ ngɛ blɔ hyɛe ɔ maa ba e we ɔ tlukaa. Tsɔlɔ ɔ nɛ nyɛ hla kaa nyɛ maa na a maa ba, nɛ e ma ba fiɛ ye somi ɔ.”

Hagai 1:1

Persia matsɛ, Darius yi nɔ, jeha enyɔne ɔ mi, nyɔhiɔ ekpane ɔ we kekleekle ligbi ɔ, Yawɛ ngɔ sɛ gbi kɛ gu gbalɔ Hagai nɔ kɛ ha nimli nɛ ɔmɛ: Sheatiel bi Zerubabel, Yuda amlaalo ɔ, kɛ Yehozadak bi Yoshua, osɔfo nɔkɔtɔma pe kulaa a.

Kronika I, 21:1

Abosiami ba te si ngɔ wo Israel, nɛ e wo David ga yaya ke e kane Israel ma a.

Zakaria 6:11

Ngɔɔ sika hiɔ, kɛ sika tsu nɛ a kɛ ba ke ɔ kɛ pee matsɛ pɛɛ, nɛ o kɛ bu Yehozadak bi Yoshua, osɔfo nɔkɔtɔma pe kulaa a.

Zakaria 3:8

Jehanɛ Yoshua, mo osɔfo nɔkɔtɔma pe kulaa, kɛ o nyɛmimɛ nɛ hii si ngɛ o hɛ mi, nyɛɛ bu tue. Níhi nɛ maa ba hwɔɔ se he okadi ma de nyɛ nɛ ɔ nɛ. Ma ha ye tsɔlɔ nɛ ji Tso Kɔni ɔ maa ba.

Hagai 2:4

Se kɛ̃ ɔ, nyɛ ti nɔ ko nɔ ko kɔni mi ko wo nyu. Nyɛ tsu ní ɔ, ejakaa i kɛ nyɛ ngɛ.

Hagai 1:12

Kɛkɛ nɛ Shealtiel Zerubabel, kɛ Yehozadak bi Yoshua, kɛ ma a tsuo nɛ kpale kɛ je ma se ngɛ Babilonia kɛ ba a, pee nɔ́ nɛ Yawɛ, a Mawu ɔ de mɛ ke a pee ɔ, nɛ a bu gbalɔ Hagai, Yawɛ tsɔlɔ ɔ tue, ejakaa Yawɛ nɛ tsɔ lɛ. Ma a tsuo ye gbeye.

Kronika II, 29:11

Ye bimɛ! Nyɛ ko puɛ be ko hu. Nyɛ ji nihi nɛ Yawɛ hla nɛ nyɛɛ sã tsopa kɛ e he via kɛ ha lɛ. Yawɛ hla nyɛ nɛ nyɛɛ nyɛɛ ma a hɛ mi kɛ sɔmɔ lɛ.”

Mose I, 48:16

Mawu bɔfo ɔ nɛ hyɛ ye nɔ, nɛ je mi kɛ je haomihi tsuo a mi ɔ, e gbaa nyumuwi nɛ ɔmɛ! Nyumuwi nɛ ɔmɛ nɛ a wo imi, kɛ nɛnɛ Abraham, kɛ tsaatsɛ Isak wa biɛ ɔmɛ a hɛ mi nyami daa! A fɔ, nɛ a he nɛ hiɛ babauu ngɛ zugba a nɔ!”

Zakaria 2:3

Jehanɛ, i na nɛ Mawu bɔfo nɛ kɛ mi ba tu munyu ɔ hɛ lɛ kɛ ba hɛ mi, nɛ Mawu bɔfo kpa kɛ lɛ ba kpe.

Zakaria 1:19

Kɛkɛ nɛ i bi Yawɛ bɔfo ɔ nɛ kɛ mi tu munyu ɔ ke, “Koli nɛ ɔmɛ ɔ, mɛni a tsɔɔ?” E he nɔ ke, “Mɛ ji je ɔ mi he wami ɔmɛ nɛ gbɛ Yuda, Israel, kɛ Yerusalem bi ɔmɛ fĩa a nɛ.”

Zakaria 1:13

Yawɛ kɛ bɔfo ɔ tu munyu, nɛ e wo lɛ bua.

Zakaria 1:9

I bi Yawɛ bɔfo ɔ ke, “Ye nyɔmtsɛ, okpɔngɔ nɛ ɔmɛ ɔ, mɛni a tsɔɔ?” E he nɔ ke, “Ma tsɔɔ mo.

Ezekiel 44:15

Nyɔmtsɛ Yawɛ ke, “Benɛ Israel ma a nɛ piɛ ɔ tsuo kua mi ɔ, Levi weku ɔ mi osɔfohi nɛ ji Zadok nina a, mɛɛ lɛɛ a sɔmɔ mi saminya ngɛ ye we ɔ. Lɔ ɔ he ɔ, mɛ pɛ ji nihi nɛ maa ba ye hɛ mi nɛ a ba sɔmɔ mi. Mɛ ji nihi nɛ maa ngɔ zɔ, kɛ nu ɔ kɛ ba ha imi Nyɔmtsɛ Yawɛ.

Ezekiel 44:11

A ma sɔmɔ ngɛ ye we ɔ; a maa bu agbo ɔmɛ a nya, nɛ a ma tsu ní ngɛ we ɔ. Lohwehi nɛ a kɛ ba sãã sami bɔ, kɛ bɔ kpahi ɔ, mɛ lɛ a maa gbe lohwe ɔ, nɛ mɛ nɔuu lɛ a ma sɔmɔ nihi nɛ ba bɔ sami ɔ.

Yeremia 15:19

Yawɛ he nɔ ke, “Ke o kpale kɛ ba a, i kɛ o blɔ he ɔ ma ha mo, nɛ o ma ba pee ye tsɔlɔ ekohu. Ke o maa fiɛ fiɛmi kpakpa, nɛ o be munyu gu tue ɔ, lɛɛ o maa pee ye gbalɔ ekohu. Ma a maa kpale kɛ ba o ngɔ, nɛ e be hiae kaa moo o ya a ngɔ.

La 106:23

Benɛ Mawu de ke e ma kpata e ma a hɛ mi ɔ, e tsɔlɔ Mose nɛ e hla a nɛ da mi ha ma a. Mose lɛ jɔɔ Mawu abofu ɔ he, loko e kpataa we ma a hɛ mi ɔ nɛ.

Ezra 5:2

Kɛkɛ nɛ Shealtiel bi Zerubabel, kɛ Yehozadak bi Yoshua ya bɔni Mawu we ɔ mami ekohu, nɛ Mawu gbali ɔmɛ piɛ a he kɛ tsu ní ɔ.

Samuel I, 6:20

Kɛkɛ nɛ Bet Shemesh bi ɔmɛ bi ke, “Mɛnɔ po ma nyɛ Yawɛ, Mawu klɔuklɔu nɛ ɔ hɛ mi maa da? Nɛ jije wa ma je lɛ kɛ je wa ngɔ kɛ ya?”

Mose V, 18:15

Se mohu, Yawɛ nyɛ Mawu ɔ ma je gbalɔ ko nɛ ngɛ kaa imi kɛ je nyɛ nyɛmimɛ ɔmɛ a kpɛti ha nyɛ, nɛ lɛ tue nyɛɛ bu.

Mose V, 10:8

Benɛ a ngɛ yoku ɔ he ɔ, Yawɛ hla Levi wɛtso ɔ mi nyumuhi, konɛ a hyɛ somi daka a nɔ, nɛ a sɔmɔ kaa osɔfohi, nɛ́ a ngɔ Yawɛ biɛ kɛ gbaa ma a. A blɔ nya ní tsumihi ji enɛ ɔmɛ kɛ mwɔɔ.

Mose I, 3:15

Ma pee o kɛ yo ɔ he nyɛli; o nina kɛ lɛ hu e nina maa pee he nyɛli. A maa fia o yi nɔ́, nɛ mo hu o maa kɔ a nane se ja.”

Ezra 10:18

Nihi nɛ ngɔ ma se yihi a biɛhi ji nɛ ɔmɛ. Yehozadak binyumu Yoshua kɛ e nyɛminyumu ɔmɛ: Maaseya, Eliezer, Yarib, kɛ Gedalia.

Zakaria 4:14

E ya nɔ nɛ e de mi ke, “Ni nɛ ɔmɛ ji ni enyɔ nɛ a pɔ mɛ nu, nɛ a daa si ngɛ je ɔ tsuo Nyɔmtsɛ ɔ hɛ mi ɔ nɛ.”

Ezra 2:2

Nihi nɛ kɛ mɛ ba ji Zerubabel, Yoshua, Nehemia, Seraya, Reelaya, Mordekai, Bilshan, Mispar, Bigvai, Rehum, kɛ Baana. Israel bi nɛ kpale kɛ je ma se kɛ ba a ji nɛ ɔmɛ nɛ: