Zakaria 2:4 - BAIBLO ALOO NGMAMI KLƆUKLƆU Ɔ

⁴ Kekle bɔfo ɔ de e nyɛmi ɔ ke, “Tú fo nɛ o ya de niheyo ɔ nɛ hɛɛ nɔ́ susumi kpa a ke nimlihi kɛ nahi babauu maa ba Yerusalem, nɛ e he be hiae kaa a fia gbogbo kɛ wo ma a he.

Zakaria 2:4 ပူးပေါင်းရင်းမြစ်များ

Ester 9:19

Enɛ ɔ he je ɔ, Yuda bi nɛ ngɛ ma wawi a mi ɔ yeɔ nyɔhiɔ nɛ a tsɛɛ Adar a we ligbi nɛ ji nyɔngma kɛ eywiɛ ɔ kaa a nyami ligbi, nɛ a bua jɔɔ a he. A yeɔ ní nɛ a nuɔ ní, nɛ a kee a sibi niye ní.

Yesaya 33:20

Hyɛ, Zion, ma nɛ wa yeɔ wa nyami ligbi ɔmɛ ngɛ mi ɔ ji nɛ ɔ nɛ! Yerusalem, ma nɛ tue mi jɔmi ngɛ mi ɔ ji nɛ ɔ nɛ! Yerusalem ngɛ kaa bo tsu nɛ maa si nɛ be si nɔe gblegbleegble. Tso plɛɛkohi nɛ a ka kɛ wo zu mi ɔ ekoeko be hiae; tangme kpa amɛ hu be tsɔe.

Yesaya 44:26

Ke i tsɔ ye tsɔlɔ ke e ya je ye yi mi tomi kpo kɛ tsɔɔ ɔ, munyu nɛ e tuɔ ɔ, i maa nɔ mi, nɛ gbami ɔmɛ tsuo baa mi pɛpɛɛpɛ. I ngɛ Yerusalem dee ke, nihi ma ba hi ma a mi ekohu; a maa ma Yuda ma amɛ ekohu, nɛ nimli ma ba hi a mi. A maa to jamɛ a ma amɛ si ekohu ngɛ ma doku ɔmɛ a nane mi.

Yesaya 49:20

Jehanɛ hu, o bimɛ nɛ o fɔ ngɛ ma se ɔ, hwɔɔ se ɔ, a ma de mo ke, ‘Zugba nɛ ɔ klee we ha wɔ; e hia wɔ zugba nɛ kle nɛ waa hi nɔ.’

Yesaya 54:16

“Imi ji nɔ nɛ bɔ sɔ̃lɔ nɛ huu la mi, nɛ e sɔ̃ɔ̃ ta hwumi níhi. Imi nɔuu ji nɔ nɛ bɔ ta hwulɔ ɔ nɛ ngɔɔ ta hwumi dade kɛ kpataa nɔ hɛ mi.

Yeremia 1:6

I he nɔ ke, “Ao, Nyɔmtsɛ Yawɛ! I li munyu tumi; niheyo kɛkɛ ji mi.”

Yeremia 31:24

Nihi maa pee kake kɛ hi si ngɛ Yuda zugba a nɔ, kɛ ma amɛ a mi: ngmɔ huli, kɛ to hyɛli kɛ a tohi.

Yeremia 31:27

“Imi Yawɛ, i ngɛ dee ke, be ma nɛ ma ha nɛ nimlihi, kɛ lohwehi ma hyi Israel zugba a, kɛ Yuda zugba a nɔ tɔ.

Yeremia 33:22

Ma ha nɛ ye tsɔlɔ David nina, kɛ osɔfohi nɛ je Levi wɛtso ɔ mi ɔ a he maa hiɛ babauu kaa hiɔwe dodoehi, loo wo nya zia; nɔ ko nɔ ko be nyɛe maa kane mɛ.”

Ezekiel 38:11

O ma de ke o ma ya tua ma ko nɛ e mi bi hii si kpoo ngɛ tue mi jɔmi, kɛ he jɔmi mi. Gbogbo be ma amɛ a he ɔ, agbo se lami dade ko hu be.

Daniel 1:17

Mawu ha nihewi eywiɛ nɛ ɔmɛ nile, kɛ juɛmi nɛ a kɛ kaseɔ womi, kɛ je mi nile. Daniel lɛɛ Mawu dloo lɛ ninahi kɛ nlamihi a sisi tsɔɔmi ngɔ piɛ he.

Daniel 1:4

nihi nɛ a he ngɛ fɛu, nɛ a le ní hulɔ, nihi nɛ a je blɔ tsɔse mɛ, nihi nɛ a ní tsɔɔmi yi, nɛ jehanɛ hu, kpa ko be a he. Nihewi nɛ ɔmɛ nɛ a hi kikɛmɛ a su nɛ ɔmɛ, konɛ a nyɛ nɛ a sɔmɔ ngɛ matsɛ we ɔ. Ashpenaz maa tsɔɔ mɛ Babilonia gbi ɔ kanemi kɛ e ngmami.

Mika 7:11

Nyɛ Yerusalem bi, be ma nɛ a maa fia gbogbo kɛ wo nyɛ ma a he ekohu. Jamɛ a be ɔ, a maa hɛ nyɛ huzu ɔ mi kɛ maa ya se tsitsaa.

Zakaria 1:16

Lɔ ɔ he ɔ, i kpale kɛ ba Yerusalem, konɛ ma ba na ma a mɔbɔ. A maa ma ye sɔlemi we ɔ ekohu, nɛ a ma dla maa fia Yerusalem ma a hulɔ.”

Zakaria 1:17

Bɔfo ɔ de mi hulɔ ke ma fiɛ ke, “Yawɛ Tabohiatsɛ ɔ ke e ma amɛ ma ná ní kpɔtɔɔ ekohu. Yawɛ maa kpale ba ngɔ Yerusalem ekohu kaa lɛ nitsɛ e ma; nɛ e maa wo Zion bua.”

Zakaria 12:6

“Jamɛ a be ɔ, ma ha Yuda we puɔ nya amɛ maa pee kaa buɛ kɛ e he la gegeege nɛ a to lɛ́ ngɔ wo sisi, loo kaa blɛfo nɛ a kpɔ, nɛ a bua nya pue jatɛ kɛ e nya la nɔ. Je ma amɛ nɛ bɔle mɛ ɔ tsuo a hɛ mi ma kpata, se Yerusalem lɛɛ e maa ma e ma he ɔ nɔuu.

Zakaria 14:12

Nihi nɛ ma je ta kɛ wo Yerusalem ɔ, nɔ́ nɛ Yawɛ maa pee mɛ ji nɛ ɔ nɛ: be mi nɛ a ngɛ a nane nya a, a he lo ma pɔtɔ; a hɛngmɛ ma pɔtɔ ngɛ to puɔ mi, nɛ a lilɛ ma pɔtɔ ngɛ a nya mi.

1 Timoteo 4:12

Ko ha nɛ nɔ ko nɛ gbe o he guɛ kaa niheyo kɛkɛ ji mo. Se mohu bɔɔ mɔde nɛ o munyu tumi, o je mi bami, suɔmi nɛ o ngɛ, o hemi kɛ yemi, kɛ bɔ nɛ o he tsɔ ɔ nɛ pee nɔ hyɛmi nɔ́ ha ni nɛmɛ nɛ heɔ yeɔ ɔ.