Zakaria 2:12 - BAIBLO ALOO NGMAMI KLƆUKLƆU Ɔ

¹² Jehanɛ, Yawɛ maa ngɔ Yuda kaa e nɔ́ nɛ he hia saminya ngɛ e zugba klɔuklɔu ɔ nɔ, nɛ Yerusalem maa pee ma nɛ e suɔ pe kulaa ekohu.

Zakaria 2:12 ပူးပေါင်းရင်းမြစ်များ

Zakaria 1:17

Bɔfo ɔ de mi hulɔ ke ma fiɛ ke, “Yawɛ Tabohiatsɛ ɔ ke e ma amɛ ma ná ní kpɔtɔɔ ekohu. Yawɛ maa kpale ba ngɔ Yerusalem ekohu kaa lɛ nitsɛ e ma; nɛ e maa wo Zion bua.”

Mose V, 32:9

Se Yakob nina lɛɛ, Yawɛ hla lɛ kaa lɛ nitsɛ e ma.

Yeremia 10:16

Yakob Mawu ɔ be kaa mɛ; lɛ ji nɔ nɛ pee nɔ́ tsuaa nɔ́, nɛ e hla Israel kɛ pee lɛ nitsɛ e ma. E biɛ ji Yawɛ Tabohiatsɛ.

La 33:12

A gbaa ma nɛ a Mawu ji Yawɛ. A gbaa ma nɛ Yawɛ hla kaa lɛ nitsɛ e ma a.

Yeremia 51:19

Yakob Mawu ɔ be kaa mɛ; lɛ ji nɔ nɛ pee nɔ́ tsuaa nɔ́, nɛ e hla Israel kɛ pee lɛ nitsɛ e ma. E biɛ ji Yawɛ Tabohiatsɛ.

Yesaya 41:9

I ngɔ mo kɛ je je ɔ nyagbe he ɔmɛ kɛ ba; i tsɛ mo kɛ je ma se lokoo, nɛ i de mo ke, ‘Ye tsɔlɔ ji mo.’ I kua we mo, se mohu, i hla mo.

La 135:4

Yawɛ nitsɛ lɛ hla Yakob kɛ ha e he; e hla Israel kɛ pee e ma.

La 82:8

Mawu, ba nɛ o ba kojo je ɔ, ejakaa je ma amɛ tsuo o níhi ji mɛ.

Kronika II, 6:6

Se jehanɛ lɛɛ i hla Yerusalem, konɛ a ja mi ngɛ lejɛ ɔ; i hla mo David hulɔ, nɛ o ye ye ma Israel ɔ nɔ.’ ”

La 132:13

Yawɛ nitsɛ lɛ suɔ nɛ e hla Zion kaa lejɛ ɔ nɛ e maa hi.

La 132:14

E de ke, “Hiɛmɛ nɛ ɔ ma hi kɛ maa ya neneene; hiɛmɛ nɛ ɔ ma jɔɔ ye he ngɛ; ejakaa i suɔ hiɛmɛ nɛ ɔ.

Yesaya 14:1

Yawɛ maa na e ma Israel mɔbɔ ekohu, nɛ e ma ná a he tsui kaa lɛ nitsɛ e ma. E maa to mɛ si ngɛ mɛ nitsɛmɛ a zugba nɔ. Nibwɔhi ma ba to mɛ, nɛ a kɛ mɛ maa hi si.

Zakaria 3:2

Yawɛ de Abosiami ke, “Abosiami, Yawɛ nɛ wo mo hiɔ! Yawɛ, nɔ nɛ hla Yerusalem kɛ pee e nɔ́ ɔ nɛ wo mo hiɔ. Nyumu nɛ ɔ, anɛ pi la tso nɛ ngɛ tsoe nɛ a hia kɛ je la nya nɛ ɔ.”

Mose V, 32:10

“E na lɛ ngɛ nga kplanaa a nɔ, he nɛ nɔ ko nɔ ko be. E bu e he, nɛ e hyɛ e nɔ saminya kaa bɔ nɛ nɔ hyɛɛ e bi kpakpa nɛ e suɔ lɛ nɔ.

Ester 6:13

E de e yo, Zeresh, kɛ e huɛmɛ ɔmɛ tsuo níhi nɛ ba e nɔ ɔ. Kɛkɛ nɛ e yo ɔ, kɛ e huɛmɛ ní leli ɔmɛ de Haman ke, “Mordekai bɔni o he wami kpɔmi. Yuda no ji lɛ, lɔ ɔ he ɔ, o be lɛ nyɛe. Bɔ tsuaa bɔ nɛ pee ɔ, e maa ye o nɔ.”

La 105:15

“Ye nihi nɛ i pɔ mɛ nu ji nɛ ɔmɛ nɛ; nyɛ ko ye mɛ awi! Ye gbali ji nɛ ɔmɛ nɛ, nyɛ ko ta a he.”

Yesaya 17:14

Gbɔkuɛ nya si ɔ, a woɔ wa he gbeye, se benɛ mɔtu ke e suu ɔ, a be. Ni nɛmɛ nɛ ba fiaa wɔ ojo, nɛ a kpakpaa wa he ní kɛ yaa a, bɔ nɛ a nyagbe maa ba ji nɛ ɔ nɛ.

Yeremia 30:16

Se jehanɛ lɛɛ, nihi tsuo nɛ kpataa nyɛ hɛ mi ɔ, a ma kpata mɛ hu a hɛ mi. A maa nuu nyɛ he nyɛli ɔmɛ tsuo pɛpɛɛpɛ kɛ ho ma se ya. Nihi tsuo nɛ waa nyɛ yi mi ɔ, a maa wa mɛ hu yi mi. Ni nɛmɛ nɛ haa nyɛ níhi ɔ, a maa ha mɛ hu a níhi.