Zakaria 14:9 - BAIBLO ALOO NGMAMI KLƆUKLƆU Ɔ

⁹ Nɛ Yawɛ maa ye tsɛ ngɛ je ɔ mi he tsuaa he. Nɔ tsuaa nɔ ma ja Mawu kake too ɔ, nɛ e biɛ pɛ a ma tsɛ.

Zakaria 14:9 ပူးပေါင်းရင်းမြစ်များ

Kpojemi 11:15

Jehanɛ ɔ, bɔfo kpaagone ɔ kpa e titimati ɔ, nɛ i nu gbihi nɛ ngɛ pɛe wawɛɛ ngɛ hiɔwe ke, “Amlɔ nɛ ɔ, wa Nyɔmtsɛ ɔ kɛ e Kristo ɔ nɛ a ngɛ je ɔ nɔ yee. Nɛ a maa ye matsɛ kɛ maa ya neneene!”

Daniel 7:27

A maa ngɔ matsɛ yemihi tsuo nɛ ngɛ je ɔ mi ɔ a he wami, kɛ agboje ngɔ ha Hiɔwe No ɔ we ni klɔuklɔu ɔmɛ a ma a. A matsɛ yemi ɔ se be poe gblegbleegble, nɛ je nɛ ɔ mi matsɛmɛ ɔmɛ tsuo ma sɔmɔ mɛ, nɛ a maa bu mɛ tue.”

Zefania 3:9

“Jamɛ a be ɔ, ma ha je ma amɛ gbi nɛ he tsɔ. Mɛ tsuo a maa fa kue ha imi Yawɛ, nɛ a maa pee a nya kake kɛ sɔmɔ mi.

Mose V, 6:4

“Israel ma, nyɛ hɛ nɛ hi nɔ kaa Yawɛ, wa Mawu ɔ, lɛ pɛ ji Mawu.

La 72:17

Matsɛ ɔ biɛ nɛ hi si kɛ ya neneene. E biɛ nɛ pɛ be abɔ nɛ pu ngɛ nɛ ɔ. Mawu nɛ gbaa je ma amɛ tsuo, nɛ a ha matsɛ ɔ bua jɔmi.

Mateo 1:23

“Hyɛ, yiheyo ko ma na muklii, nɛ e ma fɔ binyumu; a ma tsɛ lɛ ke Yimanuel” nɛ sisi ji, “Mawu kɛ wɔ ngɛ.”

Yeremia 23:6

E yi nɔ ɔ, a ma he Yuda yi wami, nɛ tue mi jɔmi maa ba Israel. A ma tsɛ lɛ ke ‘Yawɛ ji wa yi wami hemi.’ ”

Yesaya 54:5

O bɔlɔ ɔ ma ba pee o huno. E biɛ ji Yawɛ Tabohiatsɛ. Israel Mawu Klɔuklɔu ɔ ma he o yi wami; lɛ ji je ɔ tsuo Mawu.

La 86:9

Nyɔmtsɛ, je ma amɛ tsuo nɛ o bɔ ɔ ma ba kpla si ngɛ o hɛ mi, nɛ a ma je o he wami kpetekpleenyɛ ɔ yi.

Mateo 28:19

Lɔ ɔ he ɔ, nyɛɛ ya je ma amɛ tsuo a ngɔ ngɛ he tsuaa he, nɛ nyɛɛ pee mɛ ye kaseli. Nyɛɛ sɔle mɛ ngɔ wo Tsɛ ɔ, kɛ Bi ɔ, kɛ Mumi Klɔuklɔu ɔ biɛ mi,

La 67:4

Ha nɛ je ma amɛ a bua nɛ jɔ nɛ a la kɛ bua jɔmi, ejakaa o kojoɔ je ma amɛ pɛpɛɛpɛ nɛ nɔ hɛ mi hyɛmi be mi. Mo lɛ o tsɔɔ ma amɛ tsuo blɔ ngɛ je ɔ mi.

Amos 9:12

Nɛ nyɛ Israel bi, nyɛ maa ngɔ Edom zugba nɛ piɛ ɔ, kɛ je mahi tsuo nɛ nyɛ ye a nɔ sa be ko kɛ ha mi ɔ.” Bɔ nɛ Yawɛ de ji nɛ ɔ nɛ, nɛ nɔ́ nɛ e to nɛ e maa pee ɔ hu ji nɛ ɔ nɛ.

Samuel I, 2:10

A ma kpata Yawɛ he nyɛli ɔmɛ a hɛ mi pɛsɛpɛsɛ; hiɔwe ma si wo mɛ. Yawɛ maa kojo je ɔ tsuo; e kɛ he wami ma ha e matsɛ ɔ, nɛ e ma ha matsɛ nɛ a pɔ lɛ nu ɔ maa ye kunimi.”

Mose I, 49:10

Yuda maa hɛɛ matsɛ tso ɔ, E nina maa ye matsɛ daa. Je ma amɛ ma tsu to ba ha lɛ, Nɛ a ma ba kpla si ngɛ e hɛ mi.

Mika 5:4

Ke matsɛ nɛ ɔ ba a, e maa ye e ma a nɔ kɛ he wami, kɛ kã nɛ je Yawɛ Mawu ɔ nitsɛ ngɔ. E ma mi bi ɔmɛ maa hi si ngɛ he jɔmi mi, ejakaa a maa bu lɛ ngɛ je ɔ mi he tsuaa he.

Yesaya 45:21

Nyɛɛ kɛ nyɛ sane ɔ nɛ ba nɛ waa hyɛ mi. Nihi nɛ ma je a sane ɔ nya a, nyɛ ha nɛ a ya kpe yi! Nyɛ mawu ɔmɛ a kpɛti mɛnɔ nyɛ́ de nɔ́ ko kɛ to blema lokoo? Nɔ ko nɔ ko be. Anɛ pi imi Yawɛ lo? Anɛ pi imi Mawu nɛ da, nɛ heɔ e ma a yi wami ɔ lo? Ye se ɔ, Mawu kpa ko be hu.

Obadia 1:21

Yerusalem manye yeli ɔmɛ ma ya tua Edom, nɛ a maa ye ma a nɔ. Nɛ Yawɛ nitsɛ maa pee a matsɛ.” Mawu lɛ de.

Habakuk 2:14

Se be ma nɛ je ɔ ma yɔse Yawɛ hɛ mi nyami ɔ kɛ pi si kaa bɔ nɛ wo ɔ hyi tɔ kɛ nyu ɔ.

Zakaria 9:9

Zion, nyá oo, nyá! Yerusalem, mo he ose! Hyɛ, o matsɛ ɔ ma! E ma kɛ agbo jemi kɛ kunimi yemi. E ba e he si, nɛ e hi teji okpɔngɔ nɔ; ee, e hi teji okpɔngɔ bi nɔ.

Malaki 1:14

Nɔ nɛ to ku ngɛ e to tsu mi, nɛ e wo si ke e kɛ lɔ ɔ maa sã bɔ ha mi, se mohu e ngɔ nɔ́ nɛ kpa ngɛ he kɛ ba a, musu tloo kikɛmɛ a sisilɔ nɛ ɔ! Ejakaa matsɛ nguaa ji mi, nɛ je ma amɛ tsuo yeɔ mi gbeye.” Yawɛ Tabohiatsɛ ɔ lɛ de.

La 97:1

Yawɛ ngɛ matsɛ yee! Mo je, mo nya koo! Nyɛ zugbahi tsuo nɛ wo bɔle nyɛ, nyɛ bua nɛ jɔ, nɛ nyɛ nya!