Zakaria 14:2 - BAIBLO ALOO NGMAMI KLƆUKLƆU Ɔ

² Yawɛ ma bua je ma amɛ tsuo a nya kɛ ba tua Yerusalem. A maa ngɔ ma a; a maa ha ní ngɛ we ɔmɛ a mi, nɛ a maa pee yi ɔmɛ basabasa. A maa nuu ma a mi dlami enyɔ mi kake kɛ ho ma se ya; se ni nɛmɛ nɛ maa piɛ ngɛ Yerusalem ɔ, a be a hɛ mi kpatae.

Zakaria 14:2 ပူးပေါင်းရင်းမြစ်များ

Yesaya 13:16

A maa ngɔ a bimwɔwi ngɔ fiaa si, nɛ a ma gbo; a maa ha a we mi níhi, nɛ a maa pee a yi ɔmɛ basabasa ngɛ a hɛ mi paa.”

Marko 13:14

“Ke nyɛ na nɛ ‘He hiami ngua a’ nɛ ɔ ba su he nɛ e sɛ́ kaa e baa a (nɔ nɛ ngɛ kanee ɔ nɛ kɔ se), lɛɛ nihi nɛ ngɛ Yudea a, a tu fo kɛ ya yo ɔmɛ a nɔ.

Mateo 22:7

Matsɛ ɔ mi mi fu, nɛ e tsɔ ta buli kɛ ho, nɛ a ya kpata jamɛ a awi yeli ɔmɛ a hɛ mi, nɛ a sã ma a.

Amos 7:17

Enɛ ɔ he je ɔ, Amazia, Yawɛ ngɛ mo dee ke, ‘O bimɛ ma gbo ngɛ ta nga nɔ. He nyɛli ma ba ngɔ o ma a, nɛ o zugba a maa pee ni kpahi a nɔ nɛ a maa dla. O yo maa bɔ ajuama ngɛ ma a mi, nɛ mo nitsɛ lɛɛ a maa ngɔ mo kɛ ho, nɛ o ma ya gbo ngɛ ma se. A maa nuu Israel bi ɔmɛ nyɔguɛ kɛ maa ho.’ ”

Yoel 3:2

Ma bua je ma amɛ tsuo a nya, nɛ i kɛ mɛ maa ba Kojomi kɔ̃ ɔ mi. Ma kojo mɛ ngɛ lejɛ ɔ, ngɛ níhi tsuo nɛ a pee ye ma a he. A gbɛ Israel bi ɔmɛ kɛ fĩa zugba kpahi a nɔ; nɛ a gbá Israel, ye zugba a mi.

Yesaya 5:26

Yawɛ pee okadi ko kɛ tsɛ ma ko kɛ je ma se lokoo. E kpa bɛ kɛ tsɛ mɛ kɛ je je ɔ nyagbe he ɔmɛ. O nɛ mɛ nɛ a ma kɛ fo esɔesɔ.

Luka 2:1

Jamɛ a be ɔ mi ɔ, Kaisare Augusto fa ke a kane nihi tsuo nɛ ngɛ Roma nɔ yemi he ɔ, nɛ a ngma a biɛ.

Marko 13:19

Jamɛ a be ɔ mi ɔ, he hiami nɛ a nɛ́ e nɔ eko hyɛ kɛ je benɛ Mawu bɔ ade kɛ ba su mwɔnɛ ɔ maa ba, nɛ jehanɛ hu, nɔ́ ko kaa jã be bae hu.

Kɔmɔ Yemi 1:10

E he nyɛli ɔmɛ kpɔ e june ní tsuo ngɛ e dɛ. E ngɛ he nyɛli ɔmɛ hyɛe kikɛ nɛ ɔ nɛ a bu kɛ sɛ sɔlemi we ɔ mi nitsɛnitsɛ. He nɛ mlaa ngmɛ́ ma je li blɔ nɛ a ya a po, a sɛ lejɛ ɔ.

Yeremia 34:1

Benɛ Babilonia matsɛ, Nebukadnezar kɛ e tabo ɔ, kɛ je mahi tsuo nɛ ngɛ e sisi ɔ ba tua Yerusalem kɛ mahi nɛ bɔle Yerusalem ɔ, i ná sɛ gbi kɛ je Yawɛ ngɔ.

Yesaya 65:18

Nyɛ nya, nɛ nyɛ bua nɛ jɔ kɛ ya neneene ngɛ níhi nɛ i ngɛ bɔe ɔ a he. Ejakaa i ngɛ Yerusalem he bɔe kaa he ko nɛ bua jɔmi sɔuu lɛ a naa ngɛ lejɛ ɔ, nɛ́ ma a mi bi ɔmɛ hu a bua jɔɔ saminya.

Yeremia 21:4

a ya de Zedekia ke, bɔ nɛ Yawɛ Israel Mawu ɔ, de ji nɛ ɔ nɛ: “Babilonia matsɛ ɔ, kɛ Kaldea bi nɛ ba sa nyɛ ma a yi, nɛ nyɛɛ kɛ mɛ ngɛ ta hwue ɔ, ma ha nɛ nyɛ ta hwumi ní ɔmɛ nɛ nyɛ hɛɛ ɔ maa pee yaka ngɛ a hɛ mi. Ma bua nya kɛ ba pue ma nɛ ɔ kpɛti tutuutu.

Ezekiel 5:8

imi Nyɔmtsɛ Yawɛ hu, i kɛ mo ná. Ma gbla o tue ngɛ je ma amɛ a hɛ mi paa.

Yoel 3:9

“Nyɛɛ fiɛ kɛ ha je ma amɛ ke, ‘Nyɛ dla nyɛ he kɛ ha ta; nyɛ tsɛ nyɛ ta buli ɔmɛ kɛ ba; nyɛ bua nyɛ ta buli ɔmɛ a nya, nɛ nyɛɛ hia ta.

Zakaria 12:2

“Hyɛ, ma ha Yerusalem maa pee kaa kplu kɛ e mi duɔ ha je ma amɛ tsuo nɛ bɔle lɛ ɔ. Ke he nyɛli ba sá Yerusalem yi ɔ, a ma sá Yuda zugba a hu yi ja nɔuu.

Zakaria 12:3

Jamɛ a be ɔ, ma ha Yerusalem maa pee tɛ nɛ jiɔ ha je ma amɛ tsuo. Ma tsuaa ma nɛ ma wo tɛ nɛ ɔ nɔ ɔ, e maa ye e he awi. Je ma amɛ tsuo ma bla, nɛ a maa te si kɛ wo Yerusalem.

Zakaria 12:9

Jamɛ a be ɔ, je ma tsuaa je ma nɛ maa te si kɛ si Yerusalem ɔ, ma kpata e hɛ mi.

Yesaya 4:3

Nɔ tsuaa nɔ nɛ maa piɛ ngɛ Yerusalem, nɛ Mawu ma ha e yi ma na wami ɔ, a ma tsɛ lɛ nɔ klɔuklɔu.