Zakaria 14:18 - BAIBLO ALOO NGMAMI KLƆUKLƆU Ɔ

¹⁸ Ke Egipt bi hu ma kua ke a be yae nɛ a ya ye Gbasisihimi nyami be ɔ, Yawɛ ma ha haomihi nɛ ba je ma amɛ nɛ kua yami nɛ a ya ja lɛ ɔ a nɔ ɔ nɔuu maa ba Egipt bi ɔmɛ a nɔ.

Zakaria 14:18 ပူးပေါင်းရင်းမြစ်များ

Zakaria 14:15

Kikɛmɛ hiɔ nɛ ɔ nɔuu maa nu okpɔngɔ, teji okpɔngɔ, afukpɔngɔ, teji, kɛ lohwe saisaa nɛ ngɛ a ta a mi.

Zakaria 14:12

Nihi nɛ ma je ta kɛ wo Yerusalem ɔ, nɔ́ nɛ Yawɛ maa pee mɛ ji nɛ ɔ nɛ: be mi nɛ a ngɛ a nane nya a, a he lo ma pɔtɔ; a hɛngmɛ ma pɔtɔ ngɛ to puɔ mi, nɛ a lilɛ ma pɔtɔ ngɛ a nya mi.

Zakaria 14:19

Egipt bi, kɛ je ma kpahi tsuo nɛ ma kua ke a be yae nɛ a ya ye Gbasisihimi nyami be ɔ, bɔ nɛ a maa gbla mɛ tsuo a tue ji nɛ ɔ nɛ.

Yesaya 60:12

Je ma, loo nɔ yemi nɛ be mo sɔmɔe ɔ, a ma kpata e hɛ mi pɛsɛpɛsɛ.

Yesaya 66:23

Nyɔhiɔhe nyami be tsuaa Nyɔhiɔhe nyami be, kɛ Hejɔɔmi ligbi tsuaa Hejɔɔmi ligbi ɔ, nimli adesahi nɛ ngɛ je ma amɛ tsuo a mi ɔ ma ba ja mi ngɛ Yerusalem.” Yawɛ lɛ de.

Mika 5:8

Israel bi nɛ maa piɛ ngɛ je ma amɛ a kpɛti ɔ, a he ma ba wa kaa jata ngɛ pu mi lohwehi, loo we mi lohwehi a kpɛti. Ke e sɛ a kpɛti kikɛ nɛ ɔ, e maa naa a nɔ, nɛ e ma tsɔtslɔɔ a mi nɛ nɔ ko be nyɛe ma kpɔ mɛ.