Zakaria 14:16 - BAIBLO ALOO NGMAMI KLƆUKLƆU Ɔ

¹⁶ Mahi tsuo nɛ te si kɛ wo Yerusalem ɔ, a mi nihi nɛ a yi ma na wami ɔ, daa jeha a, a maa ya Yerusalem nɛ a ya ja Yawɛ Tabohiatsɛ ɔ kaa matsɛ, nɛ a maa ye Gbasisihimi nyami be ɔ ngɛ lejɛ ɔ.

Zakaria 14:16 ပူးပေါင်းရင်းမြစ်များ

Yesaya 66:23

Nyɔhiɔhe nyami be tsuaa Nyɔhiɔhe nyami be, kɛ Hejɔɔmi ligbi tsuaa Hejɔɔmi ligbi ɔ, nimli adesahi nɛ ngɛ je ma amɛ tsuo a mi ɔ ma ba ja mi ngɛ Yerusalem.” Yawɛ lɛ de.

Yoel 2:32

Se nihi tsuo nɛ ma sɔmɔ Yawɛ ɔ, a ma he a yi wami. Kaa bɔ nɛ Yawɛ de to ɔ, ‘Nihi nɛ ngɛ Yerusalem ɔ, a ti ni komɛ a yi ma na wami; mɛ ji ni nɛmɛ nɛ i hla a nɛ.’ ”

Kpojemi 19:16

Nɛ a ngma biɛ ko ngɛ e tade klɔii ɔ, kɛ e fiɔ he ke, “Matsɛmɛ a matsɛ, kɛ nyɔmtsɛmɛ a nyɔmtsɛ.”

Kpojemi 11:13

Jamɛ a be ɔ nɔuu ɔ, zugba mimiɛ wawɛɛ; ma a mi dlami nyɔngma mi kake hɛ mi kpata, nimli akpe kpaago gbo, nɛ ni nɛmɛ nɛ piɛ ɔ ye gbeye, nɛ a wo Mawu nɛ ngɛ hiɔwe ɔ hɛ mi nyami.

Romabi 11:26

Lɔ ɔ he ɔ, a ma he Israel tsuo yi wami kaa bɔ nɛ a ngma a ke, “Yi wami helɔ ɔ maa je Zion kɛ ba; e ma ha Yakob nina a ma kpa musu bɔmi.

Romabi 11:16

Ke má bɔbɔyoo nɛ a ti kɛ sã bɔ ha Mawu ɔ ngɛ klɔuklɔu ɔ, lɛɛ má a tsuo ngɛ klɔuklɔu. Jã kɛ̃ ke tso sipoku ɔ ngɛ klɔuklɔu ɔ, tso kɔni ɔmɛ hu peeɔ klɔuklɔu.

Romabi 11:5

Ja nɔuu, amlɔ nɛ ɔ, nihi bɔɔ piɛ nɛ Mawu hla mɛ ngɛ dloomi nya.

Ni Tsumi 15:17

Kɛkɛ ɔ, adesahi nɛ piɛ ɔ tsuo maa ba ye ngɔ; nɛ ma je li ɔmɛ tsuo nɛ i tsɛ ɔ maa ba ma ba pee ye ma.

Yohane 7:2

Benɛ Yuda bi ɔmɛ a Gbasisihimi nyami be ɔ ngɛ sue ɔ,

Yohane 1:49

Natanael kpale he nɔ ke, “Tsɔɔlɔ, niinɛ, mo ji Mawu Bi ɔ! Mo ji Israel matsɛ ɔ nɛ!”

Luka 19:38

A de ke, “Mawu nɛ gbaa matsɛ ɔ nɛ ma ngɛ Nyɔmtsɛ ɔ biɛ mi ɔ! He jɔmi ngɛ hiɔwe, kɛ hɛ mi nyami ha Mawu!”

Malaki 1:14

Nɔ nɛ to ku ngɛ e to tsu mi, nɛ e wo si ke e kɛ lɔ ɔ maa sã bɔ ha mi, se mohu e ngɔ nɔ́ nɛ kpa ngɛ he kɛ ba a, musu tloo kikɛmɛ a sisilɔ nɛ ɔ! Ejakaa matsɛ nguaa ji mi, nɛ je ma amɛ tsuo yeɔ mi gbeye.” Yawɛ Tabohiatsɛ ɔ lɛ de.

Zakaria 9:7

Lo nɛ muɔ ngɛ mi, kɛ ní hiemi ní kpahi ɔ, ma ha nɛ a kpa yemi. Nihi nɛ piɛ ngɛ ma a mi ɔ ma ba pee ye we bi kaa Yuda we puɔ nya amɛ eko. Ma ha Ekron bi ma ba pee ye we bi kaa bɔ nɛ Yebus ba pee ɔ.

Hosea 12:9

Imi ji Yawɛ, nyɛ Mawu ɔ nɛ. Imi nɛ i je nyɛ kɛ je Egipt zugba a nɔ. Ma ha nyɛ maa hi bo tsuhi a mi ekohu kaa bɔ nɛ nyɛ hi si be ko ngɛ nga kplanaa a nɔ ɔ.

Yeremia 51:57

Ma ha nɛ a ma nimeli ɔmɛ, ní leli ɔmɛ, amlaalo ɔmɛ, ma ní tsuli ɔmɛ, kɛ ta buli ɔmɛ maa tɔ dã. Ke a hwɔ si ɔ, a be si tee hu. Imi, matsɛ ɔ lɛ i de. Ye biɛ ji Yawɛ Tabohiatsɛ.

Yeremia 48:15

A kpata Moab zugba a, kɛ ma amɛ tsuo a hɛ mi; a gbe Moab nihewi kpakpa amɛ tsuo. Imi matsɛ ɔ, Yawɛ Tabohiatsɛ ɔ, imi lɛ i de.

Yeremia 46:18

Imi Yawɛ Tabohiatsɛ ɔ, imi ji Mawu hɛ kalɔ ɔ nɛ. Kaa bɔ nɛ Tabor yo ɔ daa si gagaa ngɛ yo ɔmɛ a kpɛti, aloo kaa bɔ nɛ Karmel yo ɔ daa si ngɛ wo tue ɔ, jã ji bɔ nɛ nɔ nɛ ma mo tuami ɔ e he wami ngɛ.

Yesaya 6:5

Kɛkɛ nɛ i de ke, “Akuanyɛ! Ye yi ta pɛ! Ejakaa i na matsɛ ɔ nɛ ji Yawɛ Tabohiatsɛ ɔ! Ye nya mi munyu he tsɔ we; nɛ nimli nɛ i ngɛ a kpɛti ɔ, mɛ hu a nya mi munyu he tsɔ we ja nɔuu!”

Ezra 3:4

A ye Gbasisihimi nyami ɔ pɛpɛɛpɛ. Daa ligbi ɔ, a sãã sami bɔhi nɛ a to kɛ ha jamɛ a ligbi ɔ kaa bɔ nɛ mlaa tsɔɔ ɔ.

Kronika II, 8:13

E sã sami bɔhi, kaa bɔ nɛ Mose mlaa a tsɔɔ kaa a pee nyami be ɔmɛ, Hejɔɔmi ligbihi, Nyɔhiɔhe nyami behi, kɛ nyami be etɛ ɔmɛ nɛ a yeɔ ngɛ jeha mi ɔ. Mɛ ji Abolokplolo nyami be, Ngmakpami nyami be, kɛ Gbasisihimi nyami be.

La 66:4

Nihi tsuo nɛ ngɛ je ɔ mi jaa mo, a laa kɛ jeɔ o yi, a jeɔ o biɛ ɔ yi!”

Yesaya 18:7

Be ma nɛ Yawɛ Tabohiatsɛ ɔ ma na nike ní kɛ je zugba kɛ e nɔ pahi babauu ɔ nɔ. E ma na nike ní kɛ je nimli gagaagahi kɛ a he tlotlootlo nɛ je ɔ tsuo yee mɛ gbeye ɔ a dɛ mi. A maa ba Zion yo ɔ nɔ, he nɛ a jaa Yawɛ Tabohiatsɛ ɔ ngɛ ɔ.

Yesaya 19:21

Yawɛ ma je e he si kɛ tsɔɔ Egipt bi ɔmɛ, nɛ a maa le lɛ; a ma ja lɛ, nɛ a kɛ sami bɔhi, kɛ nike ní ma ba ha lɛ. A ma ka Yawɛ kita nɛ a maa ye nɔ pɛpɛɛpɛ.

Yesaya 27:13

Ke jamɛ a ligbi ɔ su ɔ, a ma kpa titimati nguaa ko kɛ tsɛ Israel bi ɔmɛ tsuo nɛ a nuu kɛ ho ma se ya a kɛ je Asiria kɛ Egipt. A maa ba, nɛ a ma ba ja Yawɛ ngɛ Yerusalem, ngɛ yo klɔuklɔu ɔ nɔ.

Mika 4:2

nɛ a ma de a sibi ke, “Nyɛ ha waa kuɔ Yawɛ ɔ kɛ ya Israel Mawu ɔ we ɔ. E maa tsɔɔ wɔ nɔ́ nɛ e suɔ kaa waa pee, nɛ wa maa nyɛɛ e blɔ ɔmɛ a nɔ. Ejakaa Yawɛ mlaa a maa je Zion; e kɛ e ma a maa tu munyu kɛ je Yerusalem.”

Zakaria 14:9

Nɛ Yawɛ maa ye tsɛ ngɛ je ɔ mi he tsuaa he. Nɔ tsuaa nɔ ma ja Mawu kake too ɔ, nɛ e biɛ pɛ a ma tsɛ.