Zakaria 14:12 - BAIBLO ALOO NGMAMI KLƆUKLƆU Ɔ

¹² Nihi nɛ ma je ta kɛ wo Yerusalem ɔ, nɔ́ nɛ Yawɛ maa pee mɛ ji nɛ ɔ nɛ: be mi nɛ a ngɛ a nane nya a, a he lo ma pɔtɔ; a hɛngmɛ ma pɔtɔ ngɛ to puɔ mi, nɛ a lilɛ ma pɔtɔ ngɛ a nya mi.

Zakaria 14:12 ပူးပေါင်းရင်းမြစ်များ

Zakaria 12:9

Jamɛ a be ɔ, je ma tsuaa je ma nɛ maa te si kɛ si Yerusalem ɔ, ma kpata e hɛ mi.

Zakaria 14:3

Jehanɛ, Yawɛ kɛ je ma amɛ maa to ní kaa bɔ nɛ e peeɔ ngɛ ta nga nɔ ɔ.

La 90:11

Mɛnɔ lɛ le bɔ nɛ o mi mi fumi ɔ nya wa ha? Bɔ nɛ o he ngɛ gbeye ɔ, ja lɛ o mi mi fumi ɔ ngɛ.

Kronika II, 21:15

Mo nitsɛ lɛɛ o maa nu mi mi hiɔ nɛ nya wa; hiɔ nɛ ɔ maa hi o he daa kɛ yaa si o mi ní maa je pue si.”

Mose V, 28:59

e ma ha hiɔhi nɛ be tsa ba, kɛ gbenɔ hiɔ nɛ nɔ ko nɔ ko be nya nyɛe maa tsi maa nu nyɛɛ, kɛ nyɛ nina tsuo.

Mose V, 28:22

Yawɛ ma ha hiɔ nɛ sãã nɔ kaa gugue hiɔ maa ba; e ma ha nɛ aslã kɛ fuumi hiɔ maa ba. Jehanɛ, nyu hwɔ maa ye, pu maa tso, nɛ je mi maa dɔ la wawɛɛ; kɛkɛ ɔ, nyɛ ngmɔ mi níhi a hɛ mi ma kpata. Haomi nɛ ɔmɛ be tae kɛ yaa si nyɛ gbenɔ be.

Mose III, 26:28

lɛɛ ye mi mi ma fu nyɛ, nɛ ma je nyɛ se. Imi nitsɛ ma gbla nyɛ tue kɛ bɔ he totoe kpaago ngɛ nyɛ he yayami ɔmɛ a he.

Mose III, 26:24

lɛɛ imi Yawɛ hu i kɛ nyɛ maa to ní; imi nitsɛ ma gbla nyɛ tue kɛ bɔ he totoe kpaago ngɛ nyɛ he yayami ɔmɛ a he.

Mose III, 26:21

“Ke nyɛ tsɔ ye hɛ mi atuã, nɛ nyɛ bui mi kɛ mwɔɔ ɔ, ma kpale gbla nyɛ tue totoe kpaago ekohu.

Mose III, 26:16

lɛɛ ma ngɔ amanehlu gbeyegbeye nɛ ɔmɛ kɛ gbla nyɛ tue: hiɔ nɛ be tsa ba, kɛ asla nɛ puɛɔ nɔ hɛngmɛ, nɛ haa nɔ peeɔ hiɔtsɛ kulaa. Nyɛ ma du ní, se nɔ́ kpakpa ko be mi jee; ejakaa nyɛ he nyɛli maa ye nyɛ nɔ, nɛ mɛ mohu a ma ba ye ní ɔmɛ nɛ nyɛ du ɔ.

Kpojemi 17:16

Koli nyɔngma amɛ nɛ o na a, kɛ lohwe awi yelɔ ɔ maa te si ngɔ wo yo ajuama a; a maa ngɔ e níhi tsuo nɛ e ngɛ ɔ, nɛ e maa hɛɛ e he gu. A maa ye e he lo ɔ, nɛ a kɛ la ma kpata e hɛ mi pɛsɛpɛsɛ.

Ni Tsumi 12:23

Amlɔ nɔuu ɔ, Nyɔmtsɛ ɔ bɔfo ɔ fia Herode nɔ́. Gɔgɔ ye lɛ, nɛ e gbo; ejakaa e wui Mawu hɛ mi nyami.

Mose III, 26:18

“Ke ní nɛ ɔmɛ tsuo na ba mi, se nyɛ bui ye munyu ɔ kɛ sa a, ma gbla nyɛ tue kɛ bɔ he si kpaago ngɛ nyɛ yayami ɔmɛ a he.

Mose V, 28:21

Yawɛ ma ha hiɔ nɛ gbee nɔ maa ba nyɛ nɔ nɔtonɔto kɛ yaa si e ma kpata nɔ tsuaa nɔ hɛ mi ngɛ zugba a nɛ nyɛ yaa ngɔ ɔ nɔ.

Hiob 18:13

Hiɔ yaya maa ha e he womi tsuo nɔ, nɛ e kɔnihi, kɛ e nanehi maa sa ngɛ e he.

Zakaria 14:15

Kikɛmɛ hiɔ nɛ ɔ nɔuu maa nu okpɔngɔ, teji okpɔngɔ, afukpɔngɔ, teji, kɛ lohwe saisaa nɛ ngɛ a ta a mi.

Zakaria 14:18

Ke Egipt bi hu ma kua ke a be yae nɛ a ya ye Gbasisihimi nyami be ɔ, Yawɛ ma ha haomihi nɛ ba je ma amɛ nɛ kua yami nɛ a ya ja lɛ ɔ a nɔ ɔ nɔuu maa ba Egipt bi ɔmɛ a nɔ.

Zakaria 1:15

Se mahi nɛ a he mi jɔ mɛ, nɛ a tue mi hu jɔ mɛ ɔ, ye mi mi fu mɛ wawɛɛ nitsɛ. Ejakaa imi lɛɛ be bɔɔ ko kɛkɛ ye mi mi fu ye ma a, se jamɛ a ma kpa amɛ lɛɛ a ha ye ma a nɔ́ nami ɔ ngɛ nɔ yae mohu.

Zakaria 2:4

Kekle bɔfo ɔ de e nyɛmi ɔ ke, “Tú fo nɛ o ya de niheyo ɔ nɛ hɛɛ nɔ́ susumi kpa a ke nimlihi kɛ nahi babauu maa ba Yerusalem, nɛ e he be hiae kaa a fia gbogbo kɛ wo ma a he.