Zakaria 14:11 - BAIBLO ALOO NGMAMI KLƆUKLƆU Ɔ

¹¹ Nimli maa kpale ba hi Yerusalem, ejakaa gbiɛmi nɛ a gbiɛ mɛ ɔ se maa po. Tue mi jɔmi maa ba Yerusalem.

Zakaria 14:11 ပူးပေါင်းရင်းမြစ်များ

Kpojemi 22:3

Nɔ́ ko nɛ Mawu gbiɛ be ma a mi hie hu. Mawu, kɛ To bi ɔ matsɛ sɛ ɔ maa hi ma a mi, nɛ Mawu tsɔli ɔmɛ ma sɔmɔ lɛ.

Amos 9:15

Ma to nyɛ si ngɛ zugba a nɛ i ngɔ kɛ ha nyɛ ɔ nɔ. Nɛ i be hae nɛ nɔ ko ba je nyɛ kɛ je lejɛ ɔ hu.” Yawɛ, nyɛ Mawu ɔ lɛ de.

Kpojemi 21:4

Mawu ma tsu a hɛ mi vo nyu tsuo. Nɔ ko be gboe hu; nɔ ko be kɔmɔ yee hu; nɔ ko be ya foe hu, nɛ nɔ ko be nɔ́ nae hu. Ejakaa ní momo ɔmɛ a se po.”

Zakaria 8:8

Ma ya kpale mɛ kɛ ba Yerusalem, nɛ a maa pee ye ma, nɛ imi hu ma pee a Mawu. Ma ye mɛ anɔkuale, nɛ ma pee nɔ́ nɛ da.”

Zakaria 8:4

Nimowi, kɛ yimowi nɛ bwɔ kotokoto kɛ a dɛ mi dɛma tso maa hi gbɛjegbɛ ɔmɛ a nɔ.

Zakaria 2:4

Kekle bɔfo ɔ de e nyɛmi ɔ ke, “Tú fo nɛ o ya de niheyo ɔ nɛ hɛɛ nɔ́ susumi kpa a ke nimlihi kɛ nahi babauu maa ba Yerusalem, nɛ e he be hiae kaa a fia gbogbo kɛ wo ma a he.

Yoel 3:20

Ma ye ni ɔmɛ nɛ a gbe yaka a a he lue; i be blɔ ngmɛe nɛ nɔ tɔli nɛ ɔmɛ nɛ a ye a he. Jehanɛ, nimli maa hi Yuda kɛ Yerusalem daa kɛ daa; nɛ Imi, Yawɛ nitsɛ ma hi Zion yo ɔ nɔ.”

Yoel 3:17

“Israel, jamɛ a be ɔ mi nɛ o ma na maa le kaa imi ji Yawɛ, o Mawu ɔ nɛ. I hii Zion yo klɔuklɔu ɔ nɔ. Yerusalem maa pee ma klɔuklɔu; nibwɔhi be nyɛe ma ba tua ma a gblegbleegble hu.

Ezekiel 37:26

I kɛ mɛ maa so he jɔmi somi. E maa pee somi nɛ maa hi si daa. Ma baa a yi saminya. Ma gbaa ma a, nɛ a he maa hiɛ babauu. Ma ma ye we klɔuklɔu ɔ ngɛ zugba a nɔ he nɛ a ngɛ ɔ, nɛ we ɔ maa hi lejɛ ɔ daa.

Yeremia 31:40

Nɛ kɔ̃ ɔ tsuo maa pee klɔuklɔu kɛ ha mi: gɔ ɔ, kuku ɔ, kɛ ngmɔ ɔmɛ nɛ ngɛ Kidron pa a yi mi ɔ, hluu kɛ yaa si okpɔngɔ agbo ɔ beleku je. Nɔ ko nɔ ko be ma a ngɔe hu, nɛ a be e hɛ mi kpatae hu gblegbleegble.”

Yesaya 66:22

“Bɔ nɛ zugba he, kɛ hiɔwe he nɛ ma pee ɔ maa hi si daa ngɛ ye he wami nya a, ja nyɛ nina, kɛ nyɛ biɛ tsuo maa hi si.

Yesaya 60:18

A be yi mi wami he nue ngɛ zugba a nɔ hu; a be ní puɛmi, kɛ hɛ mi kpatami he nue ngɛ o huza amɛ a nɔ hu. Ma bu o he, nɛ ma fa o he. Ma pee kaa gbogbo ngɛ o se. Nɛ o ma je ye yi, ejakaa i he o yi wami.

Yesaya 26:1

Be ma nɛ ma a ma la la nɛ ɔ ngɛ Yuda zugba a nɔ: Wa ngɛ ma nɛ he wa! Mawu nitsɛ lɛ buu ma a gbogbo ɔmɛ a he!

Mose IV, 21:3

Yawɛ bu Israel bi ɔmɛ a gbi tue, nɛ e ngɔ Kanaan bi ɔmɛ kɛ wo a dɛ mi; nɛ a kpata a kɛ a ma amɛ a hɛ mi pɛsɛpɛsɛ. Lɔ ɔ he ɔ, a wo lejɛ ɔ biɛ ke Horma.

Yeremia 32:37

Ma bua ma a nya kɛ je zugbahi a nɔ hehi nɛ i fie mɛ kɛ ho, benɛ ye mi mi fu mɛ ɔ, nɛ ma ngɔ mɛ kɛ ba hiɛmɛ nɛ ɔ ekohu nɛ a ba hi si ngɛ he jɔmi mi.

Zakaria 8:13

Nyɛ Yuda bi, kɛ Israel bi, sa a, nyɛ ngɛ kaa gbiɛmi kɛ ha je ma amɛ, se jehanɛ lɛɛ ma he nyɛ yi wami, nɛ nyɛ maa pee gbaami. Lɔ ɔ he ɔ, nyɛ wlua nyɛ; nɛ nyɛ ko ye gbeye!”

Mose V, 33:28

Lɔ ɔ he ɔ, Yakob nina maa hi si ngɛ tue mi jɔmi mi; a nine maa su zugba kpakpa nɔ, he nɛ bɔ́ nɛɔ ngɛ, nɛ́ blɛfo kɛ wai baa saminya ngɛ.

Zakaria 12:6

“Jamɛ a be ɔ, ma ha Yuda we puɔ nya amɛ maa pee kaa buɛ kɛ e he la gegeege nɛ a to lɛ́ ngɔ wo sisi, loo kaa blɛfo nɛ a kpɔ, nɛ a bua nya pue jatɛ kɛ e nya la nɔ. Je ma amɛ nɛ bɔle mɛ ɔ tsuo a hɛ mi ma kpata, se Yerusalem lɛɛ e maa ma e ma he ɔ nɔuu.