Zakaria 14:10 - BAIBLO ALOO NGMAMI KLƆUKLƆU Ɔ

¹⁰ Zugba a tsuo, kɛ je Geba ngɛ omleyi je kɛ yaa su Rimon ngɛ Yerusalem leneyi je ɔ maa pee kplanaa. Se Yerusalem lɛɛ bɔ nɛ e maa si gojoo ɔ, ja nɔuu e maa hi, kɛ je Benyamin agbo ɔ he kɛ ya agbo momo ɔ, kɛ Kɔ nya agbo ɔ he; jehanɛ kɛ je Hananel mɔ ɔ he kɛ ya su matsɛ dã ngami he ɔmɛ tsuo.

Zakaria 14:10 ပူးပေါင်းရင်းမြစ်များ

Zakaria 12:6

“Jamɛ a be ɔ, ma ha Yuda we puɔ nya amɛ maa pee kaa buɛ kɛ e he la gegeege nɛ a to lɛ́ ngɔ wo sisi, loo kaa blɛfo nɛ a kpɔ, nɛ a bua nya pue jatɛ kɛ e nya la nɔ. Je ma amɛ nɛ bɔle mɛ ɔ tsuo a hɛ mi ma kpata, se Yerusalem lɛɛ e maa ma e ma he ɔ nɔuu.

Yoshua 15:32

Lebaot, Shilhim, Ain, Rimon. Ma amɛ tsuo pɛpɛɛpɛ a yibɔ ji nyingmi enyɔ kɛ nɛɛ kɛ a he kɔpehi.

Yeremia 37:13

Se benɛ i su Benyamin agbo ɔ nya a, bulɔ ko nu mi nɛ e po ye nya ke, “Babilonia bi ɔmɛ a ngɔ o tu fo kɛ yaa nɛ ɔ nɛ!” Bulɔ ɔ nɛ nu mi ɔ biɛ ji Iriya, nɛ Hanania bi Shelemia lɛɛ e bi ji lɛ.

Yeremia 30:18

Yawɛ ke, “Ma kpale ye ma a kɛ ba a zugba a nɔ ekohu, nɛ ma na we puɔ nya tsuaa we puɔ nya mɔbɔ. A maa ma Yerusalem ekohu ngɛ kpo ɔ nɔ, nɛ matsɛ we ɔ maa ma si ngɛ e ma he.

Matsɛmɛ I, 15:22

Pee se ɔ, Matsɛ Asa ha a fiɛ ngɛ Yuda tsuo ke nɔ tsuaa nɔ nɛ ba, konɛ ma a tsuo ba bua kɛ muɔ tɛhi, kɛ tsohi nɛ Baasha kɛ ba ngɛ Rama mae ɔ kɛ ho. Matsɛ Asa ngɔ ní nɛ ɔmɛ kɛ po Geba ma a ngɛ Benyamin, kɛ Mizpa ma a hulɔ.

Zakaria 2:4

Kekle bɔfo ɔ de e nyɛmi ɔ ke, “Tú fo nɛ o ya de niheyo ɔ nɛ hɛɛ nɔ́ susumi kpa a ke nimlihi kɛ nahi babauu maa ba Yerusalem, nɛ e he be hiae kaa a fia gbogbo kɛ wo ma a he.

Yeremia 38:7

Se Ebedmelek, Etiopia no nɛ a puɛ lɛ, nɛ e tsuɔ ní ngɛ matsɛ we ɔ nu kaa a kɛ mi wo vu mi. Jamɛ a be ɔ mi ɔ, matsɛ ɔ ngɛ sane mi hyɛe ngɛ Benyamin agbo ɔ nya.

Nehemia 3:1

Bɔ nɛ a pee kɛ fia Yerusalem gbogbo ɔ ekohu ji nɛ ɔ nɛ. Osɔfo nɔkɔtɔma pe kulaa Eliashib, kɛ e nyɛmimɛ osɔfo ɔmɛ ya ma To Agbo ɔ ekohu, nɛ a tsukɔ he; nɛ a ma agbo ɔmɛ ngɛ a blɔ hehi. A tsukɔ gbogbo ɔ he kɛ ya su Lafa Mɔ ɔ kɛ Hananel Mɔ ɔ a he.

Manyadali 20:47

Nyumuhi lafa ekpa pɛ ji ni nɛmɛ nɛ na blɔ tu fo kɛ ho Rimon tɛ sa a he ya; a ya hi lejɛ ɔ nyɔhiɔ eywiɛ.

Manyadali 20:45

Ni nɛmɛ nɛ piɛ ɔ, mɛɛ a plɛ a se nɛ a tu fo kɛ gu nga a nɔ blɔ kɛ ho Rimon tɛ sa a he ya. Se Israel bi ɔmɛ gbe a kpɛti ni akpe enuɔ ngɛ gbɛjegbɛ ɔmɛ a nɔ. Israel bi ɔmɛ nyɛɛ a se kɛ ya si Gidom, nɛ a gbe ni akpe enyɔ kɛ piɛ he.

Amos 9:11

Yawɛ ke, “Amlɔ nɛ ɔ, David matsɛ yemi kpetekpleenyɛ ɔ pee kaa we ko nɛ hule ngɔ pue si. Se be ma nɛ ma ha nɛ matsɛ yemi nɛ ɔ maa da si ekohu kaa bɔ nɛ e ngɛ sa a.

Yesaya 10:29

A gu yo kpɛ blɔ ɔ kɛ ya hwɔ Geba nyɔ mi! Nihi nɛ a ngɛ Rama ma a mi ɔ ye gbeye, nɛ Matsɛ Saul ma, Gibea bi ɔmɛ ma fo.

Yesaya 2:2

Hwɔɔ se ko ɔ, Yawɛ we ɔ maa ma yo gagaa ko yi mi; yo nɛ ya hiɔwe gojoo pe yo ɔmɛ tsuo yi mi e maa ma. Je ma amɛ tsuo ma bu yuu kɛ ba e he,

Nehemia 12:39

Wa tsa nɔ kɛ ya gu Efraim Agbo ɔ nɔ, Yeshana Agbo ɔ nɔ, Lo Agbo ɔ nɔ, Hananel Mɔ ɔ he, kɛ Lafa Mɔ ɔ he, hluu kɛ ya su To Agbo ɔ nɔ. Wa ba gbe nya ngɛ Buli Agbo ɔ nya.

Kronika II, 25:23

Israel matsɛ, Yehoash nu Yuda matsɛ Amazia, nɛ e kɛ lɛ ba Yerusalem. Benɛ a ba su Yerusalem ɔ, Yehoash ha nɛ a ku Yerusalem gbogbo ɔ gugue lafa ngɔ pue si kɛ je Efraim agbo ɔ nya, kɛ ya si kɔ nya agbo ɔ nya.

Kronika I, 6:77

Zebulun wɛtso ɔ ha Merari bi ɔmɛ nɛ piɛ ɔ ma nɛ ɔmɛ, kɛ kɔpehi nɛ bɔle ma amɛ: Rimono, kɛ Tabor.

Kronika I, 4:32

A hi ma kpa enuɔ komɛ, kɛ kɔpehi nɛ bɔle mɛ ɔ hu a mi. Ma amɛ ji Etam, Ain, Rimon, Token, kɛ Ashan. Ni komɛ hu hi Baalat tɔɔ. Sanehi nɛ a ngma kɛ to nɛ kɔɔ a weku ɔmɛ a he, kɛ he slɔɔtoslɔɔtohi nɛ a hi ɔ ji nɛ ɔmɛ nɛ.

Manyadali 21:13

Ma kpekpemi ɔ tsɔ nihi kɛ ho Benyamin bi ɔmɛ a ngɔ ya ngɛ Rimon tɛ sa a nɔ, nɛ a kɛ mɛ ya kpata.

Yoshua 21:17

Jehanɛ, a ha osɔfo Aaron nina a ma eywiɛ ngɛ Benyamin zugba a mi: Gibeon, Geba,

Matsɛmɛ II, 14:13

Israel matsɛ, Yehoash nu Yuda matsɛ, Amazia nyɔguɛ. Lɔ ɔ se ɔ, e ho Yerusalem ya nɛ e ya ku Yerusalem gbogbo ɔ gugue lafa, kɛ je Efraim agbo ɔ nya kɛ ya si kɔ nya agbo ɔ nya.

Yeremia 20:2

Kɛkɛ nɛ Pashur ha nɛ a fia mi ní, nɛ a bɔ mi pã ngɛ Benyamin agbo ɔ yiti je ngɛ Yawɛ we ɔ mi.

Kronika II, 26:9

Uzia fia gbogbo ngɔ wo Yerusalem he, nɛ e ma mɔ gagaagahi ngɛ kɔ̃ nya agbo ɔ, kɛ kɔ̃ agbo ɔ a nɔ, kɛ he nɛ gbogbo ɔ lɔgɔ si ngɛ ɔ.

Mika 4:1

Nyagbe be ɔ mi ɔ, yo ɔ nɛ Yawɛ we ɔ maa si ngɛ nɔ ɔ ma ba pee yo nɛ he biɛ pe yo ɔmɛ tsuo. Je mahi babauu ma ba hyɛ,

Zakaria 8:3

Ma kpale kɛ ba Zion, nɛ ma ba hi Yerusalem. Jehanɛ lɛɛ a ma tsɛ ma a ke ma nɛ yeɔ anɔkuale; nɛ a ma tsɛ Yawɛ Tabohiatsɛ yo ɔ ke yo klɔuklɔu.