Zakaria 13:9 - BAIBLO ALOO NGMAMI KLƆUKLƆU Ɔ

⁹ Ma ngɔ mi dlami etɛ mi kake nɛ ɔ kɛ wo la mi, nɛ ma tsu a he kaa bɔ nɛ a tsuɔ sika hiɔ he ɔ. Ma tsu a he kaa bɔ nɛ a tsuɔ sika tsu he. Kɛkɛ ɔ, a maa fa kue ma tsɛ mi, nɛ ma he nɔ. Ma de mɛ ke, ‘Ye ma ji nyɛ,’ nɛ a ma de ke, ‘Yawɛ ji wa Mawu.’ ”

Zakaria 13:9 ပူးပေါင်းရင်းမြစ်များ

Samuel II, 7:24

O to o ma Israel sisi, nɛ o ngɔ lɛ ngɔ pee mo nitsɛ o ma kɛ yaa neneene. Nɛ mo, Yawɛ o ba pee a Mawu.

Hiob 23:10

Se Mawu le blɔ nɛ i nyɛɛɔ nɔ ɔ; ke e ka mi ɔ, e maa na kaa ye he tsɔ kaa sika tsu.

Hiob 28:1

Niinɛ, muɔhi ngɛ nɛ a tsuaa sika hiɔ ngɛ a mi. Sika tsu he tsumi hehi hu ngɛ.

La 144:15

Nihi nɛ a gbaa kikɛ nɛ ɔ, a bua maa jɔ. Nihi nɛ Yawɛ ji a Mawu ɔ, a bua maa jɔ.

La 43:4

Kɛkɛ ɔ, ma ya su o bɔ sami la tɛ ɔ he, ngɛ mo Mawu, ye bua wolɔ nitsɛnitsɛ ɔ o ngɔ. Ma fia kpa saku kɛ je o yi, mo Mawu, ye Mawu.

La 50:15

Ke nyɛ yi fi ɔ, nyɛ tsɛ mi; ma je nyɛ, konɛ nyɛɛ wo ye hɛ mi nyami.”

La 91:15

Ke e tsɛ mi ɔ, ma he nɔ; ke haomi ba e nɔ ɔ, ma piɛ e he. Ma je lɛ, nɛ ma wo e hɛ mi nyami.

Abɛ Womi 17:3

La a kɛ tsuɔ sika tsu kɛ sika hiɔ he, se Yawɛ lɛ kaa adesa tsui hyɛɔ.

Lahi 2:16

I ngɔ ye he ngɔ ha ye suɔlɔ ɔ, nɛ lɛ hu e ngɔ e he ngɔ ha mi. He nɛ nga nɔ mɔmɔhi ngɛ ɔ, lejɛ ɔ e haa e to ɔmɛ ní ngɛ.

Yesaya 43:2

Ke o haomi ɔmɛ pee kaa pa nɛ o ngɛ poe po, ma piɛ o he; o haomi ɔmɛ be nyɛe maa ye o nɔ. Ke o nyɛɛ la mi po, la a be mo sãe. Haomihi tsuo nɛ maa ba o nɔ ɔ, o maa ye a nɔ.

Yesaya 48:10

I ngɔ amanehlu kɛ ka nyɛ kaa bɔ nɛ a tsuɔ sika hiɔ he ngɛ flɔɔnɔɔ mi; se i na kaa nyɛ he be se nami ko kulaa.

Yesaya 58:9

Ke nyɛ fa kue ha mi ɔ, ma he nɔ. Ke nyɛ tsɛ mi ɔ, nyɛ maa nu ye he. “Ke nyɛ kpa yi wu tso ní peemi, ke nyɛ kpa nɔ nya pomi yaka gu, kɛ munyu yaya tumi;

Yeremia 24:5

“Imi Yawɛ, Israel Mawu ɔ, i buu ni ɔmɛ nɛ a nuu kɛ ho Babilonia ya a nimli kpakpahi saminya kaa bɔ nɛ ngmɔkɔ kpakpa nɛ ɔmɛ ngɛ ɔ pɛpɛɛpɛ. Enɛ ɔ he je ɔ, ma hyɛ a nɔ saminya.

Yeremia 31:33

Se somi he ɔ nɛ i kɛ Israel ma a maa so jehanɛ ɔ, bɔ nɛ lɛɛ e maa hi ji nɛ ɔ nɛ; ma ngɔ ye mlaa kɛ wo a mi, nɛ ma ngma ngɛ a tsui nɔ. Ma pee a Mawu, nɛ a maa pee ye ma.

Yeremia 32:38

Kɛkɛ ɔ, a maa pee ye ma, nɛ imi hu ma pee a Mawu.

Yeremia 9:6

A peeɔ yi wu tso níhi nɔtonɔto; jã kɛ̃ nɛ a sisiɔ nɔ. Yawɛ ke e ma mi bi ɔmɛ kua lɛ.

Ezekiel 11:20

bɔ nɛ pee nɛ a ye ye mlaa amɛ, kɛ ye blɔ nya tomi ɔmɛ a nɔ pɛpɛɛpɛ. Kɛkɛ ɔ, a ma plɛ pee ye ma, nɛ imi hu ma pee a Mawu.

Ezekiel 14:11

Kɛkɛ ɔ, Israel bi ɔmɛ be ye se jee kɛ ya pee yayami kɛ ble a he hu. Se mohu a maa pee ye ma, nɛ imi hu ma pee a Mawu.” Nyɔmtsɛ Yawɛ lɛ de.

Ezekiel 20:38

Ma je atuã tsɔli ɔmɛ, kɛ ni nɛmɛ nɛ tɔ̃ ye nɔ ɔ kɛ je nyɛ kpɛti. A maa je zugba nɔ he nɛ a ya to nibwɔ ngɛ ɔ mohu, se a be Israel zugba a nɔ bae, konɛ nyɛɛ le kaa imi ji Yawɛ.”

Ezekiel 36:28

Jehanɛ zugba a nɛ i ngɔ ha nyɛ nɛmɛ ɔmɛ ɔ, nyɛ maa hi nɔ. Nyɛ maa pee ye ma, nɛ imi hu ma pee nyɛ Mawu.

Ezekiel 37:27

I kɛ mɛ maa hi si. Ma pee a Mawu; nɛ mɛ hu a maa pee ye ma.

Daniel 11:35

A maa gbe ní leli nɛ ɔmɛ a ti ni komɛ. Se se nami mohu maa je mi kɛ ba, ejakaa a maa tsukɔ ma a he. Nɔ́ nɛ ɔ maa ya nɔ hluu kɛ yaa si nyagbe be ɔ nɛ Mawu to ɔ maa ba.

Daniel 12:10

A maa tsukɔ nihi babauu a he, nɛ a he ma tsɔ. Yiwutsotsɛmɛ be sisi nue; a maa ya nɔ maa pee yayami. Ní leli ɔmɛ lɛɛ a maa nu sisi.

Yoel 2:32

Se nihi tsuo nɛ ma sɔmɔ Yawɛ ɔ, a ma he a yi wami. Kaa bɔ nɛ Yawɛ de to ɔ, ‘Nihi nɛ ngɛ Yerusalem ɔ, a ti ni komɛ a yi ma na wami; mɛ ji ni nɛmɛ nɛ i hla a nɛ.’ ”

Mose III, 26:12

I kɛ nyɛ maa hi si. Ma pee nyɛ Mawu, nɛ nyɛ hu nyɛ maa pee ye ma.

Zakaria 10:6

“Ma wo Yuda ma a he wami; ma he Yosef we ɔ yi wami. Ma na mɛ mɔbɔ, nɛ ma kpale mɛ tsuo kɛ ba we ekohu. A maa pee kaa nihi nɛ i kua we mɛ hyɛ. Imi ji Yawɛ, a Mawu ɔ nɛ; ma he a kue fami ɔ nɔ.

Zakaria 12:10

“David nina, kɛ ni kpahi nɛ ngɛ Yerusalem ɔ, ma ngɔ mumi nɛ naa mɔbɔ, kɛ mumi nɛ faa kue ngɔ wo a mi tɔ. Kɛkɛ ɔ, ke a na nɔ nɛ a gbɔ lɛ nɔ́ ɔ, a maa nyɛ ya ha lɛ kaa bɔ nɛ a nyɛɛ ya ha bi kake too. A ma nya awe kaa nihi nyaa awe ha a bitɛte.

Zakaria 8:8

Ma ya kpale mɛ kɛ ba Yerusalem, nɛ a maa pee ye ma, nɛ imi hu ma pee a Mawu. Ma ye mɛ anɔkuale, nɛ ma pee nɔ́ nɛ da.”

Ni Tsumi 2:21

E maa ba mi kaa nɔ tsuaa nɔ nɛ ma kpa ngmlaa kɛ tsɛ Nyɔmtsɛ ɔ biɛ ɔ, a ma he e yi wami.’

Hebribi 8:10

Jehanɛ lɛɛ somi nɛ i kɛ Israel maa so hwɔɔ se ɔ ji nɛ ɔ nɛ. Ma ngɔ ye mlaa a kɛ wo a juɛmi mi, nɛ ma ngma ngɔ to a tsui nɔ. Ma pee a Mawu, nɛ mɛ hu a maa pee ye ma.

Yakobo 1:12

Nɔ nɛ ke a ngɛ lɛ kae ɔ, e toɔ e tsui si, nɛ e ngmɛɛ we e hemi kɛ yemi he ɔ, á gbaa lɛ. Ejakaa ke e nyɛ gblee ka a mi ɔ, neneene wami nɛ Mawu wo si kaa a ma ha nihi nɛ suɔ lɛ ɔ, e nine maa su nɔ.

1 Petro 4:12

Nyɛmimɛ nɛ i suɔ, bɔ nɛ a ngɛ nyɛ hemi kɛ yemi ɔ kae, nɛ nyɛ ngɛ nɔ́ nae ɔ, e ko pee nyɛ nyakpɛ. Nyɛ ko susu kaa nɔ́ ko nɛ bɛ hyɛ nyɛ ngɛ nae ɔ.

Kpojemi 21:7

Nihi tsuo nɛ maa ye kunimi ɔ ma na nike ní nɛ ɔ kɛ maa je ye dɛ mi; ma pee a Mawu, nɛ mɛ hu a maa pee ye ma.

Kpojemi 8:10

Bɔfo etɛne ɔ kpa e titimati ɔ, nɛ dodoe nguaa ko nɛ ngɛ kpɛe kaa jatɛ je hiɔwe ba nɔ pahi, kɛ nyu hɛngmɛhi a mi dlami etɛ mi kake a mi.

Kpojemi 8:11

Dodoe ɔ biɛ ji Doomi. Nyu ɔ mi dlami etɛ mi kake plɛ pee nɔ́ nɛ dooɔ. Nɛ nihi babauu nɛ nu nyu ɔ gbo, ejakaa nyu ɔ dooɔ.

Kpojemi 8:12

Jehanɛ ɔ, bɔfo eywiɛne ɔ kpa e titimati ɔ, nɛ nɔ́ ko sa pu, nyɔhiɔ, kɛ dodoe ɔmɛ tsuo a he, nɛ a nyɛ we nɛ a tsu ní bɔ nɛ sa. Lɔ ɔ he ɔ, piani ɔ, pu nyɛ we nɛ e tso piani be ɔ mi dlami etɛ mi kake; nyɔ mi hu nyɔhiɔ, kɛ dodoe ɔmɛ nyɛ we nɛ a kpɛ nyɔ mi be ɔ mi dlami etɛ mi kake.

Kpojemi 8:7

Kekleekle bɔfo ɔ kpa e titimati ɔ, nɛ gbiɛ ngo ngu, kɛ la nɛ muɔ futu mi ba pue zugba a nɔ, nɛ zugba a mi dlami etɛ mi kake, tsohi a mi dlami etɛ mi kake, kɛ ba mumu tsuo pɛpɛɛpɛ sã.

Kpojemi 8:8

Kɛkɛ nɛ bɔfo enyɔne ɔ kpa e titimati ɔ, nɛ a sake nɔ́ ko nɛ ngɛ kaa yo nguaa ko nɛ ngɛ tsoe ngɔ fɔ wo ɔ mi. Wo ɔ mi dlami etɛ mi kake plɛ muɔ.

Kpojemi 8:9

Wo ɔ mi nibɔ ní hɛ ngmengmlehi a mi dlami etɛ mi kake gbo, nɛ lɛhi tsuo nɛ ngɛ wo ɔ nɔ ɔ a mi dlami etɛ mi kake hɛ mi kpata.