Zakaria 13:8 - BAIBLO ALOO NGMAMI KLƆUKLƆU Ɔ

⁸ A maa gbe zugba a tsuo nɔ bi mi dlami etɛ mi enyɔ nɛ a gbo, nɛ e maa piɛ mi dlami etɛ mi kake.

Zakaria 13:8 ပူးပေါင်းရင်းမြစ်များ

Ezekiel 5:12

Gbenɔ hiɔ, kɛ hwɔ maa gbe ma mi bi ɔmɛ a mi dlami etɛ mi kake; mi dlami etɛ mi kake maa nɔ ngɛ klaate nya kɛ maa bɔle ma a kɛ kpe, nɛ mi dlami etɛ mi kake ɔ hu, ma gbɛ mɛ ngɔ fĩa je ɔ mi tsuo; nɛ ma hia ta kɛ nyɛɛ a se.

Kpojemi 16:19

Ma nguaa a mi gba etɛ, nɛ je ma amɛ a hɛ mi kpata. Mawu kai Babilon ma kpetekpleenyɛ ɔ, nɛ e ha nɛ e nu wai kɛ je e kplu ɔ mi. Wai nɛ ɔ daa si ha Mawu mi mi fumi nɛ nya wa a.

Marko 13:20

Se Nyɔmtsɛ ɔ po ligbi ɔmɛ a nɔ; ke pi jã a, jinɛ a be nɔ ko nɔ ko yi wami hee. Nihi nɛ Mawu hla a a he ɔ, e po ligbi ɔmɛ a nɔ.

Daniel 9:27

Matsɛ nɛ ɔ kɛ nihi babauu maa so, nɛ a ma ka a he kita kɛ yaa si jeha kpaago. Se jeha kpaago ɔ kpɛti ɔ, e maa gu bɔ sami, kɛ nike ní hami. A maa ngɔ amaga ko nɛ he ngɛ gbeye kɛ ya ma Yawɛ we ɔ he nɛ ya hiɔwe pe lɛ tsuo ɔ. Nɛ e maa hi lejɛ ɔ kɛ yaa si be nɛ nɔmlɔ nɛ ble Yawɛ we ɔ kikɛ nɛ ɔ ma na e tue gblami nɛ Mawu to ngɔ ha lɛ ɔ.”

Yesaya 6:13

Ke nɔ kake pɛ nɛ maa piɛ ngɛ ni nyɔngma mi po, lɛ hu a ma kpata e hɛ mi; e maa pee kaa tso ngua ko nɛ a po, nɛ e piɛ tso kpɔ ɔ kɛkɛ.” (Tso kpɔ nɛ ɔ daa si ha Mawu ma he ɔ sisi jemi.)

Mateo 22:7

Matsɛ ɔ mi mi fu, nɛ e tsɔ ta buli kɛ ho, nɛ a ya kpata jamɛ a awi yeli ɔmɛ a hɛ mi, nɛ a sã ma a.

Malaki 3:5

Yawɛ Tabohiatsɛ ɔ ke, “Ma ba nyɛ ngɔ nɛ ma ba kojo, nɛ ma gbla nimli nɛ ɔmɛ a tue amlɔ: kunya yeli, gba puɛli, lakpa odase yeli, nihi nɛ sisiɔ ní tsuli nɛ a wui mɛ hiɔ susui, kɛ ni nɛmɛ nɛ waa yalɔyihi, awusahi, kɛ nibwɔhi yi mi. Ee, ma gbla nɔ tsuaa nɔ nɛ bui mi ɔ tue.” Yawɛ Tabohiatsɛ ɔ lɛ de.

Yeremia 30:11

Ma ba nyɛ ngɔ nɛ ma ba kpɔ nyɛ. Je ma amɛ nɛ i fie nyɛ kɛ ya a ngɔ ɔ, ma kpata mɛ tsuo a hɛ mi pɛsɛpɛsɛ; se nyɛɛ lɛɛ i be nyɛ hɛ mi kpatae kɛ pi si. I be hae nɛ nyɛɛ ye nyɛ he kulaa; se kɛ̃ ɔ, ma gbla nyɛ tue bɔ nɛ sa. Imi, Yawɛ lɛ i de.”

Yesaya 66:24

“Ke a je hiɛ ɔ, a ma ya na nihi nɛ kua mi ɔ a gbogboehi nɛ pueɔ si. Gɔgɔ nɛ gbogboe ɔmɛ wo ɔ be gboe gblegbleegble, nɛ la nɛ ngɛ mɛ sããe ɔ hu a be nyɛe maa gbe; a maa pee he mi nyɛɛmi nɔ́ ha nimli adesahi tsuo.”

Ezekiel 20:38

Ma je atuã tsɔli ɔmɛ, kɛ ni nɛmɛ nɛ tɔ̃ ye nɔ ɔ kɛ je nyɛ kpɛti. A maa je zugba nɔ he nɛ a ya to nibwɔ ngɛ ɔ mohu, se a be Israel zugba a nɔ bae, konɛ nyɛɛ le kaa imi ji Yawɛ.”

Amos 9:10

Se ye ma mi bi ɔmɛ a kpɛti yayami peeli nɛ deɔ ke, ‘Mawu be hae nɛ nɔ́ yayami ko maa ba wa nɔ’ ɔ, mɛɛ lɛɛ a ma gbo ngɛ ta nga nɔ.”

Zefania 3:12

Ma si nihi nɛ peeɔ a he humi, kɛ ohiatsɛmɛ ngɛ nyɛ kpɛti, nɛ a maa ngɔ a hɛ kɛ fɔ imi Yawɛ ye nɔ.