Zakaria 13:2 - BAIBLO ALOO NGMAMI KLƆUKLƆU Ɔ

² Jamɛ a be ɔ, ma ha amaga amɛ a biɛ maa laa pɛsɛpɛsɛ, nɛ nɔ ko nɔ ko be mɛ kaie hu ngɛ zugba a nɔ. Ma je gbali ɔmɛ, kɛ mumi yayami ɔmɛ kɛ je zugba a nɔ.

Zakaria 13:2 ပူးပေါင်းရင်းမြစ်များ

Matsɛmɛ I, 22:22

Yawɛ bi lɛ ke, ‘Kɛ o maa pee kɛ mlɔɔ lɛ kɛɛ?’ Mumi ɔ he nɔ ke, ‘Ma ya nɛ ma ya ha nɛ Ahab gbali ɔmɛ tsuo maa ye lakpa.’ Yawɛ de lɛ ke, ‘Yaa nɛ o ya mlɔɔ lɛ; o maa ye manye.’ ”

La 16:4

Nihi nɛ a he sɔɔ kɛ ya nyɛɛɔ mawu kpahi a se ɔ, a haomi maa hiɛ babauu. I be mɛ futue kɛ pee a tɛlimi kusumi ɔmɛ; i be a biɛ ta woe tete.

Mose II, 22:13

Jehanɛ hu, ke nga mi lohwehi nɛ tsɔtslɔɔ e mi ɔ, e ngɔ nɔ́ nɛ piɛ ɔ kɛ ba ye odase. Ke e ba ja a, kɛkɛ lɛɛ nane mi tomi ko be nɛ e maa to ha nɔtsɛ ɔ hu.

Mose II, 23:13

“Nyɛɛ bu níhi tsuo nɛ imi Yawɛ, i de nyɛ ɔ tue saminya nɛ nyɛɛ ye nɔ. Nyɛ ko fa kue ha mawu kpa komɛ, nɛ a ko nu a biɛhi tete po ngɛ nyɛ nya.

Yesaya 2:20

Jamɛ a be ɔ, ni ɔmɛ ma sake amaga amɛ nɛ a kɛ sika tsu kɛ sika hiɔ pee nɛ a ma ja a ngɔ hɛ fɔ he ha jesihi kɛ apanihi.

Yeremia 29:23

Nɔ́ nɛ maa ba a nɔ ji nɛ ɔ nɛ, ejakaa a pee ní yayamihi ngɛ Israel; a puɛ gba, nɛ a tu lakpa munyuhi ngɛ Yawɛ biɛ mi, pohu e fa we mɛ ke a tu jamɛ a munyu ko. Pi Yawɛ suɔmi nya ní ji nɛ ɔ; nɔ́ tsuaa nɔ́ nɛ a pee ɔ, e na, nɛ e ma nyɛ maa ye he odase. Yawɛ lɛ de.”

Ezekiel 12:24

“Lakpa nina, loo klaami nɛ a kɛ sisiɔ nɔ ɔ, ekoeko be si hie hu ngɛ Israel ma a mi tsuo.

Ezekiel 13:23

Lɔ ɔ he ɔ, yakayaka nina ko be kpo jee ha nyɛ hu; nɛ nyɛ be klae hu. Ma kpɔ ye ma a kɛ je nyɛ he wami sisi, nɛ nyɛ be he wami hie ngɛ a nɔ; kɛkɛ ɔ, nyɛ maa le kaa imi ji Yawɛ.”

Ezekiel 14:9

“Se ke a mlɔɔ gbalɔ ko nɛ e de nɔ́ ko ɔ, lɛɛ imi Yawɛ lɛ i mlɔɔ jamɛ a gbalɔ ɔ nɛ. Ma gbla e tue; ma kpata e hɛ mi; ma je lɛ kɛ je ye ma Israel ɔ a kpɛti.

Ezekiel 30:13

Nyɔmtsɛ Yawɛ ke, “Ma kpata wɔ ɔmɛ, kɛ amaga amɛ nɛ ngɛ Memfis ɔ a hɛ mi. Ganɔ ko be Egipt zugba a nɔ yee hu; lejɛ ɔ maa pee gbeye. Ma ha nɛ sawale maa nu nɔ tsuaa nɔ.

Ezekiel 36:25

Ma ngɔ nyu klɔuklɔu kɛ fĩa nyɛ nɔ, nɛ nyɛ he ma tsɔ. Ma tsu nyɛ he kɛ je amagahi, kɛ mu níhi tsuo nɛ nyɛ kɛ ble nyɛ he ɔ a mi.

Ezekiel 36:29

Níhi tsuo nɛ bleɔ nyɛ ɔ, ma je nyɛ kɛ je a mi. Ma ha nɛ ngma maa ba ha nyɛ babauu, nɛ hwɔ be nyɛ yee hu.

Ezekiel 37:23

Jehanɛ a be amaga jae hu, nɛ a be ní hiemi níhi, kɛ yayami pee kɛ ble a he hu. Se yayamihi gbegbeegbe nɛ a pee kɛ si mi ɔ, ma ngɔ kɛ pa mɛ. Ma tsu a he, nɛ a maa pee ye ma, nɛ imi hu ma pee a Mawu.

Ezekiel 43:7

“Nɔmlɔ adesa, ye matsɛ sɛ maa si ngɛ hiɛmɛ nɛ ɔ; ma hi Israel bi ɔmɛ a kpɛti ngɛ hiɛmɛ nɛ ɔ kɛ maa ya neneene. Kɛkɛ ɔ, Israel ma a jio, a matsɛmɛ ɔmɛ jio, a be ye hɛ mi si puee hu; a be mawu kpahi jae, nɛ a be a matsɛmɛ ɔmɛ a gbogboe ɔmɛ pue ngɛ hiɛmɛ nɛ ɔ hu.

Ezekiel 6:6

Nyɛ ma amɛ nɛ nyɛ ngɛ a mi ɔ ma ba pee ma dokuhi. Nyɛ jami he ɔmɛ a hɛ mi ma kpata; kɛkɛ ɔ, nyɛ bɔ sami la tɛ ɔmɛ, kɛ amaga amɛ maa ku dukuduku ngɔ pue si. Níhi nɛ nyɛ sãã tsopa kɛ e he via ngɛ mi ɔ maa ywia, nɛ nyɛ nine nya ní tsumi ɔmɛ tsuo a hɛ mi ma kpata.

Hosea 14:8

Israel ma, mɛni peemi i kɛ amagahi ngɛ? Imi nɛ i buu nyɛ kue fami tue nɛ i hyɛɛ nyɛ nɔ. I ngɛ kaa sɛsɛo tso nɛ ba mumu tɛ̃ e nɔ gblegbleegble. Imi lɛ i haa ma a niye ní.”

Hosea 2:17

Baal biɛ maa laa lɛ pɛsɛpɛsɛ, nɛ e be e ta woe hu.

Hosea 2:19

Israel, i kɛ mo maa hi si kaa ye yo; ma ye mo anɔkuale. Ye suɔmi kɛ mɔbɔ nami nɛ ngɛ daa a, ma je kpo kɛ tsɔɔ mo, nɛ ma ngɔ mo kɛ pee ye nɔ́ kɛ maa ya neneene.

Mika 2:11

“Gbalɔ nɛ ma nɛ ɔ suɔ ji lakpatsɛ kɛ nɔ sisilɔ; nɔ nɛ ma de mɛ ke, ‘Ma gba nɛ wai kɛ da nɛ nya wa nɛ ba ha nyɛ.’

Zefania 2:11

Yawɛ hɛ maa dɔ kɛ wo mɛ. Yawɛ ma kpata wɔ ɔmɛ tsuo a hɛ mi ngɛ zugba a nɔ, nɛ je ma amɛ, wo kpo ɔ, kɛ zugbahi nɛ wo bɔle mɛ ɔ tsuo ma ja lɛ, nɔ tsuaa nɔ ngɛ lɛ nitsɛ e zugba nɔ.

Mateo 12:43

“Ke mumi yayami je nɔ ko mi ɔ, e ya kpaa si ngɛ nga kplanaa nɔ nɛ e hlaa he nɛ e maa jɔɔ e he ngɛ. Ke e nɛ́ he ko ɔ,

Mateo 7:15

“Nyɛɛ hyɛ saminya ngɛ lakpa gbali a he. Ke a ba nyɛ ngɔ ɔ, a naa mɛ kaa jijɔ, se anɔkuale mi ɔ, a ngɛ kaa ogbeteehi;

Luka 11:20

Ee, Mawu he wami mohu i kɛ ngɛ mumi yayami ɔmɛ hiae ɔ nɛ; nɛ nɔ́ nɛ ɔ tsɔɔ kaa Mawu bɔni matsɛ yemi ngɛ nyɛ nɔ momo.

Mose V, 12:3

Nyɛɛ ku a bɔ sami la tɛ ɔmɛ, nɛ nyɛɛ ywia a wɔ titima amɛ wɔtsɔwɔtsɔ. Nyɛɛ sã a yo wɔ Ashera a, nɛ nyɛɛ poo a mawu ɔmɛ a we amaga amɛ pue he. Nyɛ kpata a hɛ mi pɛsɛpɛsɛ, konɛ a ko ja mɛ ngɛ lejɛ ɔmɛ hu.

Mose V, 18:20

Se ke gbalɔ ko te si nɛ e gba ngɛ ye biɛ mi, nɛ pi imi nɛ i fa lɛ ɔ, á gbe lɛ; á gbe gbalɔ saisaa nɛ gbaa ngɛ mawu kpahi a biɛ mi ɔ jã kɛ̃.’

Yoshua 23:7

bɔ nɛ pee nɛ nyɛɛ kɛ je ma nɛ ɔmɛ nɛ piɛ ngɛ nyɛ kpɛti ɔ ko bɔ. Nyɛ ko wo a mawu ɔmɛ a ta, nɛ nyɛɛ kɛ a biɛhi kó ka kita; nyɛ ko ja mɛ, nɛ nyɛ ko kpla si ha mɛ.

Kpojemi 18:2

E kpa ngmlaa wawɛɛ ke, “Babilon hɛ mi kpata! Babilon ma kpetekpleenyɛ ɔ hɛ mi kpata! Piɔ lɛɛ e plɛ mumi yayamihi tsuo a si himi he; e plɛ lohwe pɛlitsɛmɛ, kɛ lohwe awi yeli nɛ a hiee tsuo a si himi he.

Kpojemi 19:20

A nu lohwe awi yelɔ ɔ, kɛ lakpa gbalɔ ɔ nɛ pee nyakpɛ níhi ngɛ e hɛ mi ɔ tsuo. E pee nyakpɛ ní ɔmɛ kɛ sisi nihi nɛ a kɛ lohwe ɔ kadi mɛ ɔ, kɛ ni nɛmɛ nɛ jaa lohwe ɔ we amaga a. A hɛ lohwe ɔ, kɛ lakpa gbalɔ ɔ tsuo ngɔ fɔ taku kɛ e mi la nɛ ngɛ tsoe gegeege ɔ mi hɛ ngmengmle.