Zakaria 12:4 - BAIBLO ALOO NGMAMI KLƆUKLƆU Ɔ

⁴ Jamɛ a be ɔ, ma ha gbeye maa nu okpɔngɔ ɔmɛ tsuo, nɛ okpɔngɔ nɔ hili ɔmɛ maa nu godo. Ma bu Yuda ma a he, se a he nyɛli ɔmɛ a we okpɔngɔ ɔmɛ lɛɛ ma ha a hɛ ma yu.

Zakaria 12:4 ပူးပေါင်းရင်းမြစ်များ

Zakaria 12:3

Jamɛ a be ɔ, ma ha Yerusalem maa pee tɛ nɛ jiɔ ha je ma amɛ tsuo. Ma tsuaa ma nɛ ma wo tɛ nɛ ɔ nɔ ɔ, e maa ye e he awi. Je ma amɛ tsuo ma bla, nɛ a maa te si kɛ wo Yerusalem.

Mose V, 28:28

Yawɛ ma ha nyɛ maa fo godo, nyɛ hɛngmɛhi ma yu, nɛ nyɛ juɛmi maa pee basaa.

Zakaria 12:6

“Jamɛ a be ɔ, ma ha Yuda we puɔ nya amɛ maa pee kaa buɛ kɛ e he la gegeege nɛ a to lɛ́ ngɔ wo sisi, loo kaa blɛfo nɛ a kpɔ, nɛ a bua nya pue jatɛ kɛ e nya la nɔ. Je ma amɛ nɛ bɔle mɛ ɔ tsuo a hɛ mi ma kpata, se Yerusalem lɛɛ e maa ma e ma he ɔ nɔuu.

Ni Tsumi 17:30

Benɛ adesa li ɔ, Mawu ku e hɛ ngɔ fɔ nɔ, se jehanɛ lɛɛ e ngɛ nimli tsuo ngɛ he tsuaa he fae ke a tsake a tsui.

Zakaria 14:15

Kikɛmɛ hiɔ nɛ ɔ nɔuu maa nu okpɔngɔ, teji okpɔngɔ, afukpɔngɔ, teji, kɛ lohwe saisaa nɛ ngɛ a ta a mi.

Zakaria 12:11

Jamɛ a be ɔ, a maa nyɛ ya wawɛɛ ngɛ Yerusalem kaa bɔ nɛ a pee ha Hadadrimon ngɛ Magido nga a nɔ ɔ.

Zakaria 10:5

Ma ha nɛ Yuda bi a he maa wa. Mɛ tsuo a maa pee kaa ta buli katsɛmɛ ngɛ ta nya; a maa naa a he nyɛli a nɔ, nɛ a maa pee mɛ kaa zugba zu. I kɛ ye ma a ngɛ saminya, lɔ ɔ he ɔ, ma ha a kɛ a he nyɛli ɔmɛ maa to ní, nɛ ta okpɔngɔ nɔ hili ɔmɛ po a hɛ mi ma pue si.

Zakaria 9:8

Ma bu ye zugba a he nɛ nɔ ko kó ba tua mɛ. I be yiwutsotsɛmɛ blɔ ngmɛe hu nɛ a ba ye ye ma a nɔ. Imi nitsɛ i ngɛ hyɛe kɛ ye hɛngmɛ paa.

Daniel 9:18

Ye Mawu lee, wa kpa mo pɛɛ nɛ o bu wɔ tue. Hyɛ haomi mi nɛ wa ngɛ, kɛ bɔ nɛ ma a nɛ a kɛ o biɛ wo lɛ ɔ pee ma doku ha. Wa ngɛ kue fae ha mo, ejakaa mɔbɔ nalɔ ji mo, se pi kaa wa pee nɔ́ nɛ da.

Ezekiel 39:20

Ma ngɔ okpɔngɔhi, ta zugba lɛhi, katsɛmɛ, kɛ ta buli slɔɔtoslɔɔto babauu kɛ ngmɛ mɛ okplɔɔ; a maa ye ní nɛ a maa tɔ saminya. Imi, Nyɔmtsɛ Yawɛ lɛ i de.”

Ezekiel 38:4

Ma mlɔɔ e hɛ mi, nɛ ma ngɔ gbowe kɛ wo e tsitsa mi. Ma gbla e tabo ɔ, e we okpɔngɔ ɔmɛ, kɛ okpɔngɔ ta buli babauu nɛ a mia kɛ ha ta a kɛ je. Ta bulɔ tsuaa ta bulɔ hɛɛ tsɛ̃i, nɛ e mia kɛ klaate.

Yeremia 24:6

Ma bu a he, nɛ ma kpale mɛ kɛ ba zugba nɛ ɔ nɔ ekohu. I be hae nɛ a na nɔ, se mohu ma piɛ a he. I be a hɛ mi kpatae, se mohu ma to mɛ si kaa bɔ nɛ a duɔ tso ɔ.

Yesaya 37:17

Yawɛ, wa kpa mo pɛɛ jehanɛ, mo bli o hɛngmɛ nɛ o hyɛ nɔ́ nɛ a ngɛ wɔ pee! Yawɛ, mo ta tue nɛ o nu munyuhi nɛ Senakerib ngɛ tue kɛ ngɛ mo, Mawu hɛ kalɔ ɔ, o he guɛ gbee!

Yesaya 24:21

Be ma nɛ Yawɛ maa gbla hiɔwe ta a, kɛ zugba a nɔ matsɛmɛ ɔmɛ tsuo a tue.

Nehemia 1:6

Yawɛ, moo hyɛ mi, nɛ o ba o tue si ha mi. Kue nɛ i ngɛ fae ha mo nyɔ kɛ pia kɛ ha o tsɔli ɔmɛ nɛ ji Israel bi ɔmɛ ɔ, moo bu tue. I ngɛ jajee ke wɔ Israel ma a, wa pee yayami. I kɛ ye nɛmɛ ɔmɛ tsuo wa pee yayami.

Kronika II, 7:15

Ma bu we nɛ ɔ he daa, nɛ kue nɛ a maa fa ha mi ngɛ hiɛmɛ nɛ ɔ, ma nu,

Kronika II, 6:40

“Ye Mawu lee, i kpa mo pɛɛ nɛ o ba o tue si ha wɔ nɛ o hyɛ wɔ, konɛ ke nɔ ko ba fa kue ha mo ngɛ hiɛmɛ nɛ ɔ, o bu tue.

Kronika II, 6:20

Bu we nɛ ɔ he nyɔ kɛ pia. O wo si kaa hiɛmɛ nɛ ɔ ji he nɛ a ma ja mo ngɛ. Lɔ ɔ he ɔ, ke i plɛ ye hɛ mi ngɔ kpee we nɛ ɔ nɛ i fa kue ha mo ɔ, moo bu mi tue.

Matsɛmɛ II, 6:18

Benɛ Siria bi ɔmɛ ba tua Elisha a, e fa kue ha Yawɛ ke, “I kpa mo pɛɛ, ha nɛ nimli nɛ ɔmɛ a hɛ nɛ yu!” Yawɛ bu e kue fami ɔ tue, nɛ e ha a hɛ yu.

Matsɛmɛ II, 6:14

e wo ta buli babauu blɔ, kɛ okpɔngɔhi, kɛ ta zugba lɛhi kɛ ho lejɛ ɔ ya. A ya su lejɛ ɔ nyɔ mi, nɛ a sa ma a yi.

Matsɛmɛ I, 8:29

We nɛ ɔ, he nɛ o hla ngɔ to kaa a ja mo ngɛ ɔ, moo bu he nyɔ kɛ pia, konɛ ke i ba hiɛmɛ nɛ ɔ ba sɔle ɔ, o nu.

Zakaria 12:5

Kɛkɛ ɔ, Yuda we puɔ nya amɛ ma de a he ke, ‘Nihi nɛ ngɛ Yerusalem ɔ, Yawɛ Tabohiatsɛ Mawu ɔ ji nɔ nɛ woɔ mɛ he wami.’