Zakaria 12:11 - BAIBLO ALOO NGMAMI KLƆUKLƆU Ɔ

¹¹ Jamɛ a be ɔ, a maa nyɛ ya wawɛɛ ngɛ Yerusalem kaa bɔ nɛ a pee ha Hadadrimon ngɛ Magido nga a nɔ ɔ.

Zakaria 12:11 ပူးပေါင်းရင်းမြစ်များ

Kronika II, 35:24

E tsɔli ɔmɛ je lɛ ngɛ ta zugba lɛ ɔ mi kɛ wo ta zugba lɛ enyɔne ɔ nɛ e hɛɛ kɛ ba a mi, nɛ a kɛ lɛ ba Yerusalem. Lejɛ ɔ e ba gbo ngɛ, nɛ a pu lɛ ngɛ matsɛmɛ ɔmɛ a yɔkɔ ɔmɛ eko mi. Yuda ma a, kɛ Yerusalem ma mi bi ɔmɛ tsuo nyɛ ya ha lɛ.

Matsɛmɛ II, 23:29

Benɛ Yosia ngɛ tsɛ yee ɔ, Egipt matsɛ, Neko hia ta ya je ngmlaa ha Asiria matsɛ ngɛ Yufrate pa a nya. Matsɛ Yosia hia ta nɛ e kɛ Egipt bi ɔmɛ ya bua ngɛ Megido; nɛ e ba mi kaa Matsɛ Neko gbe lɛ ngɛ ta mi ngɛ lejɛ ɔ.

Mateo 24:30

Kɛkɛ ɔ, Nɔmlɔ Bi ɔ we okadi ɔ maa je kpo ngɛ hiɔwe. Zugba a nɔ wɛtso ɔmɛ tsuo maa na Nɔmlɔ Bi ɔ nɛ ma ngɛ hiɔwe bɔku ɔmɛ a mi kɛ he wami, kɛ hɛ mi nyami babauu. Nɛ mɛ tsuo pɛpɛɛpɛ a maa wo yana.

Kpojemi 1:7

Hyɛ! E ngɛ bɔku ɔmɛ a mi kɛ ma, nɛ nɔ tsuaa nɔ maa na lɛ; nihi nɛ gbɔɔ lɛ ní ɔ hu maa na lɛ. Nihi tsuo nɛ ngɛ je ɔ mi ɔ maa wo yana ha lɛ. Ee, é ba mi ja! Amen.

Kpojemi 16:16

Jehanɛ ɔ, mumi yayami ɔmɛ ngɔ matsɛmɛ ɔmɛ kɛ ba he ko nɛ a tsɛɛ ngɛ Hebri gbi mi ke Harmagedon ɔ.

Zakaria 12:12

Zugba a tsuo maa nyɛ ya weku nya weku nya. Weku tsuaa weku maa pee e nɔ́ kɔklɔɔ. David we ɔ maa pee a nɔ́ kɔklɔɔ, nɛ a yi ɔmɛ hu maa pee a nɔ́. Natan we ɔ maa pee a nɔ́ kɔklɔɔ, nɛ a yi ɔmɛ hu maa pee a nɔ́. Levi we ɔ maa pee a nɔ́ kɔklɔɔ, nɛ a yi ɔmɛ hu maa pee a nɔ́; nɛ Shimei we ɔ hu maa pee a nɔ kɔklɔɔ nɛ a yi ɔmɛ hu maa pee a nɔ́. Weku kpa amɛ nɛ piɛ ɔ hu maa pee a nɔ́ kɔklɔɔ, nɛ a yi ɔmɛ hu maa pee a nɔ́ ja nɔuu.”

Kronika II, 35:22

Se Yosia to e yi mi momo kaa e kɛ lɛ maa hwu. Nɔ́ nɛ Mawu ngɛ lɛ dee kɛ gu Matsɛ Neko nɔ ɔ, e bui fɛɛ; mohu ɔ, e tsake e he nɛ e ya gba ta kɛ ho Megido nga kplanaa a nɔ ya.