Zakaria 12:10 - BAIBLO ALOO NGMAMI KLƆUKLƆU Ɔ

¹⁰ “David nina, kɛ ni kpahi nɛ ngɛ Yerusalem ɔ, ma ngɔ mumi nɛ naa mɔbɔ, kɛ mumi nɛ faa kue ngɔ wo a mi tɔ. Kɛkɛ ɔ, ke a na nɔ nɛ a gbɔ lɛ nɔ́ ɔ, a maa nyɛ ya ha lɛ kaa bɔ nɛ a nyɛɛ ya ha bi kake too. A ma nya awe kaa nihi nyaa awe ha a bitɛte.

Zakaria 12:10 ပူးပေါင်းရင်းမြစ်များ

Kpojemi 1:7

Hyɛ! E ngɛ bɔku ɔmɛ a mi kɛ ma, nɛ nɔ tsuaa nɔ maa na lɛ; nihi nɛ gbɔɔ lɛ ní ɔ hu maa na lɛ. Nihi tsuo nɛ ngɛ je ɔ mi ɔ maa wo yana ha lɛ. Ee, é ba mi ja! Amen.

Ezekiel 39:29

Ma ngɔ ye mumi kɛ pue Israel ma a nɔ, nɛ i be mɛ kuae hu. Imi, Nyɔmtsɛ Yawɛ lɛ i de.”

Yeremia 6:26

Yawɛ de e ma a ke, “Nyɛ bu kpekpe ya bo, nɛ nyɛɛ ngɔ nyɛ he kɛ wuwlua si ngɛ la zu mi. Nyɛɛ wo yana nɛ nyɛɛ ye kɔmɔ kaa a yeɔ kɔmɔ kɛ haa bi kake too nɛ gbo, ejakaa ta a nɛ ma nyɛ hɛ mi kpatami ɔ ma ba tua nyɛ tlukaa.

Ni Tsumi 2:33

A wo e nɔ kɛ ho e Tsɛ Mawu ɔ hiɔ nɔ ya, nɛ e ná Mumi Klɔuklɔu nɛ a wo he si ɔ kɛ je e dɛ. Nɔ́ nɛ nyɛ ngɛ hyɛe, kɛ nɔ́ nɛ nyɛ ngɛ nue nɛ ɔ, Yesu lɛ ha nɛ e ba.

Efesobi 6:18

Nyɛɛ sɔle kɛ kpa Mawu pɛɛ kaa bɔ nɛ mumi ɔ maa tsɔɔ nyɛ. Enɛ ɔ he ɔ, nyɛɛ bu mumi ɔ tue, konɛ nyɛ mia nyɛ hɛ mi kɛ kpa pɛɛ ha ni klɔuklɔu ɔmɛ daa.

Romabi 8:26

Ja nɔuu, ke wa gbede ɔ, mumi ɔ piɛɔ wa he. Ejakaa ke wa ngɛ sɔlee ɔ, wa li nɔ́ tutuutu nɛ sa kaa wa deɔ. Mumi ɔ nitsɛ daa mi ha wɔ kɛ kɔmɔ yemi nɛ a be nyɛe maa kale.

Romabi 8:15

Mawu ha we nyɛ mumi nɛ peeɔ nɔ nyɔguɛ, nɛ nyɛ ma pa hi gbeye yee; se mohu e peeɔ nyɛ Mawu bimɛ. Mumi ɔ lɛ woɔ wɔ he wami, nɛ wa nyɛɔ faa kue kɛ ngmlaa ke, “Tsaatsɛ! Tsaatsɛ!”

Mateo 24:30

Kɛkɛ ɔ, Nɔmlɔ Bi ɔ we okadi ɔ maa je kpo ngɛ hiɔwe. Zugba a nɔ wɛtso ɔmɛ tsuo maa na Nɔmlɔ Bi ɔ nɛ ma ngɛ hiɔwe bɔku ɔmɛ a mi kɛ he wami, kɛ hɛ mi nyami babauu. Nɛ mɛ tsuo pɛpɛɛpɛ a maa wo yana.

Amos 8:10

Jehanɛ se hu, be mi nɛ nyɛ ngɛ ní yee, nɛ nyɛ ngɛ nyae ɔ, ma ha nɛ nyɛ ma bɔni kɔmɔ yemi jamɛ a be ɔ mi nɔuu; ma tsake nyɛ bua jɔmi la amɛ kɛ pee kɔmɔ yemi lahi. Ma ha nɛ nyɛ ma sã nyɛ yi nɔ, nɛ nyɛ ma bu kpekpe ya bo. Ma ha nɛ nyɛ maa ye kɔmɔ kaa nɔ ko nɛ e bi kake too pɛ ɔ gbo; nɔ tsuaa nɔ maa pee mɔbɔmɔbɔ jamɛ a ligbi ɔ.

Hebribi 12:2

Nyɛ ha waa hyɛ Yesu, ejakaa e nɔ wa hemi kɛ yemi ɔ daa si ngɛ. Akɛnɛ e le bua jɔmi nɛ e ma na pee se he je ɔ, gbenɔ nɛ e ma gbo ngɛ sɛumi tso ɔ nɔ ɔ pi zo nɔ́ ko kulaa kɛ ha lɛ. Mohu ɔ, e to e tsui si kɛ na amanehlu ngɛ sɛumi tso ɔ nɔ, nɛ amlɔ nɛ ɔ, e hii si ngɛ Mawu matsɛ sɛ ɔ hiɔ nɔ.

Ni Tsumi 11:15

Benɛ i bɔni munyu ɔ tumi nɔuu kɛkɛ nɛ Mumi Klɔuklɔu ɔ ba a nɔ kaa bɔ nɛ e ba wɔ hu wa nɔ kekleekle Pentekoste ligbi ɔ.

Ni Tsumi 10:45

Enɛ ɔ ha Yuda bi nɛ he ye, nɛ a kɛ Petro je Yopa kɛ ba a a nya kpɛ a he kaa Mawu ha nɛ nɔke nɔ́ nɛ ji Mumi Klɔuklɔu ɔ ba ma je li ɔmɛ hu a nɔ.

Ni Tsumi 2:17

‘Mawu ke, Nyagbe be ɔ, ma ngɔ ye Mumi ɔ kɛ wo nɔ tsuaa nɔ mi. Nyɛ binyumu ɔmɛ, kɛ nyɛ biyi ɔmɛ maa fiɛ ye sɛ gbi ɔ; nihewi maa na nina, nɛ nikɔtɔmahi maa nla.

Yeremia 50:4

Yawɛ ke, “Jamɛ a be ɔ, Israel bi ɔmɛ, kɛ Yuda bi ɔmɛ tsuo maa wo yana kɛ ba, nɛ a ma ba hla imi, a Mawu ɔ, ye se blɔ.

Yeremia 31:9

Ma kpale mɛ kɛ ba kɛ a hɛ mi ya, kɛ kue fami. Ma kpaka mɛ kɛ nyɛɛ pahi a tue ngɛ blɔ tlɔmɔɔ nɔ, konɛ a ko tɛ nɔ. I ngɛ kaa tsɛ kɛ ha Israel, nɛ Efraim ji ye kekleekle bi.”

Yesaya 32:15

Se wɔ lɛɛ, Mawu ma ha wɔ e mumi ɔ kɛ je hiɔwe ekohu, nɛ wa ma na niye ní babauu kɛ je ngmɔ ɔmɛ a mi.

Yuda 1:20

Se nyɛ ye nyɛmimɛ nɛ i suɔ! Nyɛɛ lɛɛ nyɛɛ hɛɛ nyɛ hemi kɛ yemi klɔuklɔu ɔ mi wawɛɛ nɛ nyɛ nane nɛ pi si ngɛ mi. Nyɛɛ sɔle ngɛ Mumi Klɔuklɔu ɔ he wami ɔ nya.

Ni Tsumi 2:37

Benɛ ni ɔmɛ nu munyu nɛ ɔ, e hao mɛ wawɛɛ, nɛ a bi Petro kɛ bɔfo kpa amɛ nɛ piɛ e he ɔ ke, “Wa nyɛmimɛ, kɛ wa maa pee kɛɛ?”

Abɛ Womi 1:23

Nyɛɛ bu tue nɛ ma ka nyɛ hɛ mi. Ma wo nyɛ ga kpakpa, nɛ i kɛ nyɛ maa tu nile munyu.

La 51:12

Ha ma na bua jɔmi ekohu kaa mo ji ye yi wami helɔ; nɛ́ o ha nɛ ma bu mo tue daa.

Mateo 26:75

Nɛ Petro kai munyu ɔ nɛ Yesu tu lɛ ke, “Loko kungwɔ ma kpa nɔ́ ɔ, o ma de si etɛ ke o li mi” ɔ. Nɛ e je kpo, nɛ e ya fo ya wawɛɛ.

Yohane 1:29

E nɔ jena a, Yohane na Yesu nɛ ma e ngɔ. Kɛkɛ nɛ e de ke, “Hyɛ, Mawu To Bi ɔ nɛ woɔ je ɔ he yayami kɛ yaa a, lɛ ji nɛ ɔ nɛ.

Abɛ Womi 4:3

Tsaatsɛ kɛ maa a bi kake too ji mi. Benɛ jokuɛyo bɔbɔyoo kɛkɛ ji mi ɔ,

Yesaya 45:22

“Nyɛ nimli tsuo ngɛ je ɔ mi, nyɛɛ kpale kɛ ba ye ngɔ jehanɛ, konɛ a he nyɛ yi wami! Ejakaa imi nɔ kake too ji Mawu; Mawu kpa ko be.

Yeremia 31:19

Jinɛ wa je o se, se wa pia wa he, nɛ wa tsake wa tsui. Benɛ o gbla wa tue se ɔ, wa ywilɛ ho wa he. Zo gbe wɔ kpɔtɔɔ; ejakaa wa pee yayamihi babauu ngɛ wa nihe mi.’

Ezekiel 20:43

Kɛkɛ ɔ, ngɛ lejɛ ɔ, nyɛ ma kai nyɛ blɔ yaya amɛ, kɛ nyɛ ní peemi ní ɔmɛ tsuo nɛ nyɛ kɛ ble nyɛ he ɔ. Nyɛ nitsɛmɛ nyɛ he maa nyɛɛ nyɛ ngɛ nyɛ ní hiemi ní ɔmɛ tsuo nɛ nyɛ pee ɔ a he.

Ezekiel 37:14

Ma ngɔ ye mumi ɔ ngɔ wo a mi, nɛ ma ha a maa ba wami mi ekohu. Ma ha a ma ba hi mɛ nitsɛmɛ a zugba nɔ ekohu. Kɛkɛ ɔ, a maa le kaa imi ji Yawɛ. Imi ji nɔ nɛ wo si ɔ, nɛ ma ye nɔ sisiisi. Imi, Yawɛ lɛ i de.”

Zakaria 13:9

Ma ngɔ mi dlami etɛ mi kake nɛ ɔ kɛ wo la mi, nɛ ma tsu a he kaa bɔ nɛ a tsuɔ sika hiɔ he ɔ. Ma tsu a he kaa bɔ nɛ a tsuɔ sika tsu he. Kɛkɛ ɔ, a maa fa kue ma tsɛ mi, nɛ ma he nɔ. Ma de mɛ ke, ‘Ye ma ji nyɛ,’ nɛ a ma de ke, ‘Yawɛ ji wa Mawu.’ ”

Mose I, 45:1

Jehanɛ lɛɛ Yosef nyɛ we nɛ e mia e hɛ mi hu ngɛ e tsɔli ɔmɛ nɛ daa si ɔ a hɛ mi. Lɔ ɔ he ɔ, e fa mɛ ke mɛ tsuo a je tsu ɔ mi. Benɛ tsɔli ɔmɛ tsuo je lejɛ ɔ, Yosef je e he si ngɔ tsɔɔ e nyɛmimɛ ɔmɛ.

Mose I, 45:2

E fo ya boboobo. Egipt bi ɔmɛ nu he, nɛ munyu ɔ ya pɛ ngɛ matsɛ we ɔ mi hulɔ.

Mose IV, 21:9

Mose pee akɔblee sinɔ, nɛ e kɛ kpla tso he; nɛ nɔ tsuaa nɔ nɛ sinɔ kɔ lɛ, nɛ e hyɛ akɔblee sinɔ ɔ, e yi na wami niinɛ.

Samuel I, 7:2

Yawɛ somi daka a hi Kiriat Yearim be babauu, maa pee jeha nyingmi enyɔ sɔuu. Nɛ Israel tsuo fa kue kɛ bi yemi kɛ buami ngɛ Yawɛ ngɔ.