Zakaria 11:6 - BAIBLO ALOO NGMAMI KLƆUKLƆU Ɔ

⁶ Yawɛ de mi ke, “I be nɔ ko nɔ ko mɔbɔ nae hu ngɛ zugba a nɔ. Imi nitsɛ ma ha ni ɔmɛ tsuo a ti nɔ tsuaa nɔ maa sɛ e nyɛmi kpá mi. Ee, a maa sɛ matsɛ ɔ kpá mi. A ma kpata zugba a hɛ mi, nɛ nɔ ko nɔ ko he be mi jee.”

Zakaria 11:6 ပူးပေါင်းရင်းမြစ်များ

Yeremia 13:14

Lɔ ɔ se ɔ, ma nuu tsɛmɛ kɛ bimɛ ngɔ fia a sibi, nɛ a ma gbo ngɔ pue si kaa tɔ nɛ ywia. Ma kpata a hɛ mi; ye tsui mi be mi sãe ngɛ a he, nɛ i be mɛ mɔbɔ nae.”

Mateo 22:7

Matsɛ ɔ mi mi fu, nɛ e tsɔ ta buli kɛ ho, nɛ a ya kpata jamɛ a awi yeli ɔmɛ a hɛ mi, nɛ a sã ma a.

Mika 5:8

Israel bi nɛ maa piɛ ngɛ je ma amɛ a kpɛti ɔ, a he ma ba wa kaa jata ngɛ pu mi lohwehi, loo we mi lohwehi a kpɛti. Ke e sɛ a kpɛti kikɛ nɛ ɔ, e maa naa a nɔ, nɛ e ma tsɔtslɔɔ a mi nɛ nɔ ko be nyɛe ma kpɔ mɛ.

La 50:22

“Nyɛ nihi tsuo nɛ nyɛ hɛ je imi Mawu, ye nɔ ɔ, nyɛ susu nɔ́ nɛ ɔ he saminya. Ke pi ja a, ma tsɔtslɔɔ nyɛ, nɛ nɔ ko nɔ ko be nɛ ma kpɔ nyɛ.

Yakobo 2:13

Ejakaa nɔ nɛ nɛ́ mɔbɔ ɔ, benɛ a maa kojo lɛ ɔ, Mawu be lɛ mɔbɔ nae; se ke o naa mɔbɔ ɔ, Mawu be mo fɔ bue.

Hebribi 2:3

Ke wɔɔ lɛɛ wa bui yi wami hemi kpetekpleenyɛ nɛ ɔ, kɛ wa maa pee kɛ ye wa he kɛɛ? Nyɔmtsɛ ɔ nitsɛ lɛ tu yi wami hemi nɛ ɔ he munyu kekle; nɛ nihi nɛ nu ɔ, mɛ hu a ma nɔ mi ha wɔ.

1 Tesalonikabi 2:16

Ma je li tete po a ke wa ko fiɛ ha mɛ, konɛ a ko he a yi wami. Lɔ ɔ he ɔ, yayami ɔ, pe a ngɛ pee kɛ ngɛ nɔ toe babauu daa ligbi. Se jehanɛ lɛɛ Mawu kɛ e mi mi fumi ɔ kple a nɔ!

Yohane 19:15

Se mɛɛ lɛɛ a kpa ngmlaa ke, “O kɛ lɛ nɛ ya! O kɛ lɛ nɛ ya! Sɛu lɛ!” Pilato bi mɛ ke, “Nyɛ matsɛ ɔ, ma sɛu lɛ lo?” Osɔfo nikɔtɔma amɛ he nɔ ke, “Wa be matsɛ ko kaa ja Kaisare ɔ pɛ.”

Mateo 24:10

Jamɛ a be ɔ mi ɔ, nihi babauu a nane ma kpata; huɛmɛ maa tsɔɔ huɛmɛ a se blɔ, nɛ a maa nyɛ a he.

Mateo 10:21

“Nyɛmi maa ngɔ e nyɛmi ngɔ ha nɛ a ya gbe lɛ, nɛ tsɛmɛ hu maa ngɔ a bimɛ ngɔ ha ja nɔuu. Bimɛ maa te si ngɔ wo a fɔli, nɛ a ma ha nɛ a gbe mɛ.

Malaki 4:6

Lɛ nɛ e maa dɔ tsɛmɛ a tsui kɛ ba a bimɛ a he, nɛ bimɛ hu a tsui maa ba a tsɛmɛ a he; nɛ e maa pee mɛ kake ekohu. Ke pi ja a, ma ba, nɛ ma ba kpata nyɛ zugba a hɛ mi.” Yawɛ Tabohiatsɛ ɔ lɛ de.

Zakaria 14:13

Jamɛ a be ɔ, Yawɛ ma ha nɛ a juɛmi ma tsaka, nɛ a maa nu a sibi a kɔni si, nɛ a maa hi a sibi nɔ́ fiae.

Zakaria 11:14

Jehanɛ, dɛma tso enyɔne ɔ nɛ biɛ ji “Kakepeemi” ɔ, i ku mi kɛ tsɔɔ kaa Yuda kɛ Israel pi nyɛmimɛ hu.

Zakaria 11:9

Kɛkɛ nɛ i de to kuu ɔ ke, “Jehanɛ, i be nyɛ nɔ hyɛe hu. Nyɛ ti ni nɛmɛ nɛ ma gbo ɔ, a gbo. Ni nɛmɛ nɛ a hɛ mi ma kpata a, a hɛ mi nɛ kpata. Ni nɛmɛ nɛ maa piɛ ɔ, a tsɔtslɔɔ a sibi a mi.”

Zakaria 11:5

Totsɛmɛ ɔmɛ juaa to ɔmɛ, nɛ a deɔ ke, ‘Wa ná ní. Nyɛ ha wa je Yawɛ yi.’ Nihi nɛ heɔ to ɔmɛ ɔ, ya gbee mɛ nɛ nɔ ko gbla we a tue. To hyɛli ɔmɛ nitsɛmɛ lɛɛ, to ɔmɛ a he mɔbɔ ko kulaa pee we mɛ.”

Zakaria 8:10

Benɛ jamɛ a be ɔ na we nɛ e su ɔ, nɔ ko nɔ ko nyɛ we nɛ e bɔ nɔmlɔ, loo lohwe apaa kɛ tsu ní. Nɔ ko nɔ ko nyɛ we nɛ e je kpo ya tsu nɔ́ ko, ejakaa he nyɛli ha we nɔ he jɔmi kulaa. I ha nɛ nɔ tsuaa nɔ te si kɛ wo e nyɛmi.

Hagai 2:22

nɛ ma ngɔ nɔ yemi ɔmɛ kɛ a he wami ɔmɛ ngɔ fia si. Ma ha ta zugba lɛ ɔmɛ maa nɔɔ si kɛ a kudɔli ɔmɛ; okpɔngɔ ɔmɛ ma gbo, nɛ a nɔ hili ɔmɛ maa gbe a sibi.

Mika 6:14

Nyɛ maa ye ní, se nyɛ be tɔe; anɔkuale mi ɔ, hwɔ maa hi nyɛ yee kɛ sa. Nyɛ maa muɔ níhi kɛ ya, se nyɛ be nyɛe kɛ to; ke nyɛɛ kɛ nɔ́ ko to po, ma kpata hɛ mi ngɛ ta mi.

Hosea 2:10

Ma kpa bo ngɛ e he ngɛ e pla amɛ a hɛ mi paa; nɛ nɔ ko nɔ ko be nyɛe ma kpɔ lɛ.

Hosea 1:6

E na mi ekohu nɛ e fɔ yo. Yawɛ de Hosea ke, “Moo wo lɛ ke, ‘Asumemo’. Ejakaa i be Israel sane suɔe hu, nɛ i be a tɔmi ngɔe kɛ pa mɛ.

Ezekiel 9:10

Se i be mɛ mɔbɔ nae; i be a yi bae. Bɔ nɛ a pee ni kpa amɛ ɔ, ja pɛpɛɛpɛ ma pee mɛ.”

Ezekiel 8:18

Lɔ ɔ he ɔ, i kɛ abofu nɛ nya wa ma kple a nɔ. A be mɔbɔ nami ko kulaa nae ngɛ ye hɛngmɛ mi, nɛ i be a yi bae hulɔ. A maa fa kue boboobo kɛ tsɛ mi, se i be mɛ tue bue.”

Yesaya 27:11

Tso kɔni ɔmɛ gbli, nɛ a ku kɛ pueɔ si; yi ɔmɛ ya buaa nya kaa lɛ́ nɛ a ma slɛ, ejakaa ma a nui nɔ́ ko nɔ́ ko sisi. Mawu, a bɔlɔ ɔ mi mi be lɛ sãe ngɛ a he, nɛ e be mɛ mɔbɔ nae hulɔ.

Yesaya 3:5

A maa wa a sibi yi mi. Nihewi maa hyɛ nikɔtɔma hɛ mi, nɛ nihi nɛ bu be a he maa wo a he ha nihi nɛ a hɛ mi ngɛ nyami.

Kɔmɔ Yemi 2:21

Jokuɛwi kɛ nikɔtɔmahi tsuo gbo kɛ pueɔ si ngɛ gbɛjegbɛ ɔmɛ a nɔ. He nyɛli ɔmɛ kɛ klaate gbe nihewi, kɛ yihewi. Ligbi ɔ nɛ o mi mi wo la a, o gbe mɛ tsuo basabasa nɛ o nɛ́ mɔbɔ kulaa.

Kɔmɔ Yemi 5:8

Nyɔguɛhi lɛ a ngɛ wa nɔ yee; nɛ nɔ ko nɔ ko be nɛ ma kpɔ wɔ kɛ je a dɛ mi.