Zakaria 11:3 - BAIBLO ALOO NGMAMI KLƆUKLƆU Ɔ

³ Nyɛɛ bu tue! To hyɛli ɔmɛ ngɛ awe nyae, ejakaa a hɛ mi nyami ɔ ta. Jata amɛ ngɛ huãe, ejakaa a kpata hue ɔ nɛ ngɛ Yordan pa a nya a hɛ mi.

Zakaria 11:3 ပူးပေါင်းရင်းမြစ်များ

Yeremia 50:44

“Kaa bɔ nɛ jata hiaa kpo vlai kɛ jeɔ pu mi ngɛ Yordan pa a he kɛ baa lohwehi a ní yemi he ɔ, ja imi Yawɛ, ma ba tlukaa nɛ ma ba fie Babilonia bi ɔmɛ kɛ je a ma a mi kɛ fo. Kɛkɛ ɔ, hɛ mi nyɛɛlɔ ɔ nɛ ma hla a, lɛ ji nɔ nɛ maa ye ma a nɔ. Mɛnɔ lɛ e kɛ mi sɔ? Mɛnɔ ma nyɛ nɛ e kɛ mi maa to ní? Te nɔ yelɔ nɛ ma nyɛ ye hɛ mi maa da?

Ni Tsumi 7:52

Gbali ɔmɛ nɛ hi si sa a, nyɛ nɛmɛ ɔmɛ wa mɛ yi mi. A gbe ni nɛmɛ nɛ de to ke dalɔ ɔ maa ba a. Amlɔ nɛ ɔ, lɛ nitsɛ hu nyɛ tsɔɔ e se blɔ, nɛ nyɛ gbe lɛ.

Mateo 15:14

Nyɛ ko hao nyɛ he ngɛ a he kulaa! Hɛ yuyuili nɛ ngɛ hɛ yuyuili blɔ tsɔɔe ji mɛ. Ke hɛ yuyuilɔ ngɛ hɛ yuyuilɔ blɔ tsɔɔe ɔ, mɛ ni enyɔ ɔmɛ tsuo a maa nɔ muɔ mi.”

Zakaria 11:8

Nyɔhiɔ kake mi ɔ, to hyɛli etɛ komɛ nɛ sume mi ɔ, i ngmɛɛ a he, ejakaa a sane ba gbe ye nya.

Zefania 3:11

Jamɛ a be ɔ, zo be nyɛ pee hu kaa nyɛ ye ma a, nyɛ tsɔ ye hɛ mi atuã. Ma je he woli, kɛ he nɔ woli kɛ maa je nyɛ kpɛti, nɛ nyɛ be ye hɛ mi atuã tsɔe hu gblegbleegble ngɛ ye yo klɔuklɔu ɔ nɔ.

Zefania 3:3

Tsɔli ɔmɛ ngɛ kaa jatahi nɛ ngɛ huãe. Kojoli ɔmɛ hu ngɛ kaa ogbeteehi nɛ hwɔ gbe mɛ; gbɔkuɛ ɔ, a yeɔ ní tsuatsuaatsua, nɛ ke je na a, a si we nɔ́ ko nɔ́ ko.

Zefania 1:10

“Jamɛ a ligbi ɔ, a maa wo yana ngɛ Lo Agbo ɔ nya ngɛ Yerusalem; a ma nya awe ngɛ Yerusalem ma he ɔ mi, nɛ a ma he ose ngɛ yoku ɔmɛ a nɔ.

Amos 8:8

A ní yayami ɔmɛ a he je ɔ, ma ha nɛ zugba ma mimiɛ, nɛ nɔ tsuaa nɔ nɛ ngɛ zugba a nɔ ɔ maa hao. Zugba a tsuo ma mimiɛ; e maa ya hiɔwe, nɛ e maa ba si kaa bɔ nɛ Nilo pa a nɛ ngɛ Egipt ɔ, hyiɔ nɛ e faa daa jeha a.

Yoel 1:13

Nyɛ osɔfohi nɛ nyɛ sɔmɔɔ ngɛ bɔ sami la tɛ ɔ he, nyɛɛ ha kpekpe ya bo, nɛ nyɛɛ wo yana! Nyɛɛ ya Mawu we ɔ mi, nɛ nyɛ ya ye kɔmɔ nyɔnyɔɔnyɔ tsuo. Ejakaa niye ní be ɔ, wai hu be nɛ nyɛɛ kɛ maa sã bɔ ha nyɛ Mawu ɔ.

Hosea 10:5

Samaria bi maa ye gbeye, nɛ a maa ye kɔmɔ ngɛ sika tsu na ku ɔ nɛ ngɛ Betel nɛ a kpata e hɛ mi ɔ he. A kɛ lakpa osɔfo ɔmɛ tsuo ma nya awe kaa amaga a hɛ mi nyami ɔ laa mɛ.

Yeremia 49:19

Kaa bɔ nɛ jata hiaa kpo vlai kɛ jeɔ pu mi ngɛ Yordan pa a he kɛ baa lohwehi a ní yemi he ɔ, ja ma ba tlukaa, nɛ ma ba fie Edom bi ɔmɛ kɛ je a zugba a nɔ kɛ fo. Kɛkɛ ɔ, hɛ mi nyɛɛlɔ ɔ nɛ ma hla a, lɛ ji nɔ nɛ maa ye ma a nɔ. Mɛnɔ lɛ e kɛ mi sɔ? Mɛnɔ ma nyɛ nɛ e kɛ mi maa to ní? Te nɔ yelɔ nɛ ma nyɛ ye hɛ mi maa da nɛɛ?

Yeremia 26:6

Lɔ ɔ he ɔ, i ngɛ nyɛ dee ke, ke nyɛ wa tue kɛ mwɔɔ ɔ, lɛɛ ma pee we nɛ ɔ kaa bɔ nɛ i pee Shilo ɔ. Nɛ ma ha nɛ ma nɛ ɔ ma plɛ pee gbiɛmi nɔ́ ko kɛ ha je ma amɛ tsuo.”

Yeremia 7:4

Munyuhi nɛ nihi tuɔ nɛ a kɛ sisiɔ nyɛ ɔ, nyɛ ko he ye. A deɔ nyɛ ke, ‘Yawɛ we ɔ ji nɛ ɔ nɛ! Yawɛ we ɔ ji nɛ ɔ nɛ! Yawɛ we ɔ ji nɛ ɔ nɛ!’

Yeremia 2:30

I gbla nyɛ bimɛ ɔmɛ a tue, se lɛ tsuo pee yaka; nyɛ sume tsɔsemi. Nyɛ nitsɛmɛ hu nyɛ gbe ye gbali ɔmɛ kaa bɔ nɛ jata tsɔtslɔɔ lohwe ɔ.

Yeremia 2:15

A ngɛ huãe kɛ ngɛ lɛ woe kaa jatahi; a pee e zugba a kaa nga kplanaa nɔ; e ma amɛ plɛ pee ma dokuhi, nɛ nɔ ko nɔ ko be ma amɛ a mi hu.

Yesaya 65:15

Nyɛ biɛ maa pee nɔ nɛ a kɛ gbiɛɔ ha ye ma nɛ i hla a; ejakaa imi Nyɔmtsɛ Yawɛ nitsɛ, ma kpata nyɛ hɛ mi; se ni nɛmɛ nɛ jaa mi ɔ lɛɛ ma wo mɛ biɛ he.

La 22:21

Mo je mi kɛ je jata nɛ ɔmɛ a nya mi; i be pu mi na ku nɛ ɔmɛ a nya nyɛe ma da.

Yesaya 5:29

Ta buli ɔmɛ hwɔ hoo kaa jatahi nɛ a gbe lohwe ko nɛ a ngɛ huãe ngɛ he, nɛ a kɛ yaa he nɛ nɔ ko nɔ ko be nyɛe ma kpɔ ngɛ a dɛ.

Zakaria 11:2

Nyɛ sɛsɛo tsohi, nyɛ nya awe, ejakaa seda tso ɔmɛ nɔɔ si; a kpata jamɛ a tso kpakpa amɛ a hɛ mi! Nyɛ Bashan tso nguahi, nyɛ nya awe, ejakaa a gba hue kusuu ɔ ngɔ pue si.

Ezekiel 19:2

La a deɔ ke, Mɛnɔ ji o nyɛ? O nyɛ ngɛ kaa jata yo ko nɛ buɔ si ngɛ jata kuhi a kpɛti! Lohwe katsɛmɛ nɛ ɔmɛ a kpɛti nɛ e lɛɔ e bimɛ ngɛ.