Zakaria 11:17 - BAIBLO ALOO NGMAMI KLƆUKLƆU Ɔ

¹⁷ Ye to hyɛlɔ nɛ o he be se nami lee! To hyɛlɔ nɛ tuɔ fo kɛ jeɔ to kuu ɔ he ɔ, klaate maa po e kɔni, kɛ e hiɔ nɔ hɛngmɛ. Ee, á po e kɔni nɛ je nya, nɛ e hiɔ nɔ hɛngmɛ nɛ yu kulaa.”

Zakaria 11:17 ပူးပေါင်းရင်းမြစ်များ

Yeremia 23:1

Ma nɔ yeli nɛ kpataa Yawɛ ma a hɛ mi, nɛ a gbɛɛ mɛ ngɔ fĩaa a, musu tloo mɛ!

Ezekiel 13:3

Bɔ nɛ Nyɔmtsɛ Yawɛ ngɛ dee ji nɛ ɔ nɛ: “Musu tloo gbali kuasiahi nɛ peeɔ mɛ nitsɛmɛ a suɔmi nya ní, nɛ nɔ́ nɛ a nɛ́ hu a gbaa.

1 Korintobi 8:4

Lɔ ɔ he ɔ, ma suɔ nɛ ma de nɔ́ ko ngɛ kusumi lo nɛ a kɛ haa amaga a yemi he. Wa le kaa amaga daa si ha nɔ́ ko nɛ be je nɛ ɔ mi. Wa le hu kaa mawu kpa ko be ngɛ anɔkuale Mawu kake ɔ se.

Ezekiel 34:2

E ke, “Nɔmlɔ adesa, gbaa kɛ si Israel nɔ yeli ɔmɛ. De mɛ ke bɔ nɛ imi Nyɔmtsɛ Yawɛ, i ngɛ mɛ dee ji nɛ ɔ nɛ. Musu tloo nyɛ Israel to hyɛli! Nyɛ nitsɛmɛ nyɛ he pɛ nyɛ ngɛ lɛe; nyɛ hyɛ we to ɔmɛ a nɔ! Anɛ pi to ɔmɛ mohu nɛ to hyɛlɔ hyɛɛ lo?

Mateo 23:16

“Nyɛ blɔ tsɔɔli hɛ yuyuili, musu tloo nyɛ! Nyɛ deɔ ke, ‘Ke nɔ ko kɛ sɔlemi we ɔ ka kita a, lɔ ɔ pi nɔ́ ko kulaa. Se ke e kɛ sɔlemi we ɔ sika tsu ka kita nɛ e yi nɔ ɔ, lɔ ɔ lɛɛ musu tloo lɛ.’

Yeremia 23:32

Nyɛɛ bu nɔ́ nɛ imi Yawɛ, i ngɛ dee ɔ tue! Gbali nɛ sɛɛɔ lakpa nlami ɔ, i kɛ mɛ ná. A sɛɛɔ kikɛmɛ a nlami nɛ ɔmɛ, nɛ a kɛ lakpa yemi, kɛ fiami kpataa ye ma a nane. I tsɔ we mɛ, nɛ i fa we mɛ ke a ya tsu nɔ́ ko kaa kikɛ nɛ ɔ; a he be se nami ko kulaa kɛ ha ma a. Imi, Yawɛ lɛ i de.”

Romabi 11:7

Lɛɛ kɛ ji lɛ kɛɛ? Israel nine sui nɔ́ nɛ a ngɛ hlae ɔ nɔ. Nihi nɛ Mawu hla a, mɛɛ lɛɛ a nine su nɔ. Ni nɛmɛ nɛ piɛ ɔ lɛɛ a wa tue.

Yohane 12:40

“Mawu ma a hɛngmɛ, nɛ e tsi a juɛmi nya hulɔ, konɛ a hɛngmɛ ko hyɛ nɔ́, nɛ a ko nu nɔ́ sisi. Mawu pee mɛ kikɛ nɛ ɔ, konɛ a ko kpale kɛ ba e ngɔ nɛ a tsa mɛ.”

Yohane 9:39

Yesu de ke, “I ba je nɛ ɔ mi nɛ ma ba kojo, konɛ hɛ yuyuili nɛ hyɛ nɔ; nɛ nihi nɛ susuɔ kaa a ngɛ nɔ hyɛe ɔ, a hɛ nɛ yu.”

Mateo 23:13

“Nyɛ mlaa tsɔɔli, kɛ Farisi bi, musu tloo nyɛ! Osatotsɛmɛ! Nyɛ ngaa hiɔwe matsɛ yemi ɔ nya ngɔ woɔ nihi, se nyɛ nitsɛmɛ lɛɛ nyɛ sɛ́ mi. Ni nɛmɛ nɛ a hlaa kaa a maa sɛ mi ɔ hu nyɛ ngmɛ́ mɛ blɔ! [

Yeremia 22:1

Yawɛ de mi ke ma ya Yuda matsɛ we ɔ, nɛ ma ya de Yuda matsɛ ɔ nɛ hii si ngɛ David sɛ ɔ nɔ ɔ, e tsɔli ɔmɛ, kɛ ma a nɛ guu agbo nɛ ɔmɛ a mi ɔ ke, “Bɔ nɛ lɛ, Yawɛ ɔ de ji nɛ ɔ nɛ:

Yesaya 44:10

Mɛnɔ lɛ puɛɔ amaga nɛ he be se nami, nɛ e jaa lɛ?

Yesaya 29:10

Yawɛ ha mahe vii nɔ nyɛ nɔ, nɛ nyɛ hwɔ mahe kulaa. Nyɛ gbali ɔmɛ ɔ, Mawu kɛ nɔ́ bu a hɛ mi, nɛ e ha a yi nɔ.

Yesaya 9:15

Nikɔtɔmahi, kɛ nihi nɛ a buu mɛ ji yi ɔ nɛ; nɛ lakpa gbali ɔmɛ ji hlemi ɔ nɛ.

Matsɛmɛ I, 13:4

Benɛ Yeroboam nu ngmlaa a nɛ gbalɔ ɔ kpa ngɔ wo bɔ sami la tɛ ɔ, e wo e nine nɔ ngɛ bɔ sami la tɛ ɔ he, nɛ e fa ke, “Nyɛɛ nu lɛ!” Amlɔ ɔ, nine ɔ nɛ matsɛ ɔ wo nɔ kɛ tsɔɔ gbalɔ ɔ wlua, nɛ e nyɛ we nɛ e ba lɛ si hu.

Samuel I, 2:31

Bu tue, be ma nɛ ma kpata nihewi nɛ ngɛ o we ɔ, kɛ o weku ɔ mi tsuo a hɛ mi, nɛ nɔmoyo ko be o we ɔ mi hie hu.

Zakaria 10:2

Amaga amɛ de we nɔ́ ko nɛ juɛmi ngɛ mi; klaali ɔmɛ lɛɛ lakpa munyuhi sɔuu a tuɔ. Ni komɛ hu tsɔɔ nlamihi a sisi, nɛ a kɛ sisiɔ nyɛ kɛ woɔ nyɛ bua kɛkɛ. Enɛ ɔ ha nɛ ma a tsuo ngɛ lalaalo woe kaa tohi, nɛ a ngɛ nɔ́ nae, ejakaa a be hyɛlɔ.

Zakaria 11:15

Enɛ ɔ se ɔ, Yawɛ de mi ke, “Jehanɛ lɛɛ ngɔɔ o he ngɔ pee kaa to hyɛlɔ nɛ he be se nami.