Zakaria 11:14 - BAIBLO ALOO NGMAMI KLƆUKLƆU Ɔ

¹⁴ Jehanɛ, dɛma tso enyɔne ɔ nɛ biɛ ji “Kakepeemi” ɔ, i ku mi kɛ tsɔɔ kaa Yuda kɛ Israel pi nyɛmimɛ hu.

Zakaria 11:14 ပူးပေါင်းရင်းမြစ်များ

Yesaya 9:21

Manase bi, kɛ Efraim bi maa hwu ta, nɛ lɔ ɔ se ɔ, a ma bua kɛ wo Yuda he. Enɛ ɔ tsuo se ɔ, Yawɛ mi mi fumi ɔ se be poe kɛ yaa si e ma kpata a hɛ mi pɛsɛpɛsɛ.

Yakobo 3:16

He nɛ hunga jemi ngɛ, nɛ nihi suɔ kaa e hi ha mɛ pɛ ɔ, lejɛ ɔ nɛ a naa sakasaka peemi, kɛ awi yemi slɔɔtohi babauu ngɛ.

Yakobo 3:14

Se ke hunga jemi yaya, kɛ pɛ ngɛ nyɛ tsui mi, nɛ nyɛ ti nɔ tsuaa nɔ ngɛ hlae kaa e hi ha lɛ nɔ kake pɛ ɔ, nyɛ ko fĩa, nɛ́ nyɛ ba ye lakpa ngɔ si anɔkuale ɔ.

Galatabi 5:15

Se ke nyɛ pee nyɛ he lohwe dikali nɛ nyɛ ngɛ nyɛ he nɔ́ yeyee pee ɔ, lɔ ɔ lɛɛ nyɛ ma kpata nyɛ nitsɛmɛ nyɛ hɛ mi pɛsɛpɛsɛ.

Mateo 24:10

Jamɛ a be ɔ mi ɔ, nihi babauu a nane ma kpata; huɛmɛ maa tsɔɔ huɛmɛ a se blɔ, nɛ a maa nyɛ a he.

Zakaria 11:9

Kɛkɛ nɛ i de to kuu ɔ ke, “Jehanɛ, i be nyɛ nɔ hyɛe hu. Nyɛ ti ni nɛmɛ nɛ ma gbo ɔ, a gbo. Ni nɛmɛ nɛ a hɛ mi ma kpata a, a hɛ mi nɛ kpata. Ni nɛmɛ nɛ maa piɛ ɔ, a tsɔtslɔɔ a sibi a mi.”

Zakaria 11:7

To je juali ɔmɛ bɔ mi apaa, nɛ i hyɛ to kuu ɔ nɛ a yaa gbe ɔ nɔ. I ngɔ dɛma tso enyɔ. I wo kake biɛ ke “Dloomi”, nɛ i tsɛ enyɔne ɔ “Kakepeemi”. Nɛ i hyɛ to ɔmɛ a nɔ.

Yesaya 11:13

Israel, Efraim nina a kɛ Yuda be nɔ́ he plee hu; nɛ Yuda be Israel nya dooe hu.

Zakaria 11:6

Yawɛ de mi ke, “I be nɔ ko nɔ ko mɔbɔ nae hu ngɛ zugba a nɔ. Imi nitsɛ ma ha ni ɔmɛ tsuo a ti nɔ tsuaa nɔ maa sɛ e nyɛmi kpá mi. Ee, a maa sɛ matsɛ ɔ kpá mi. A ma kpata zugba a hɛ mi, nɛ nɔ ko nɔ ko he be mi jee.”

Ezekiel 37:22

Ma pee mɛ ma kake ngɛ zugba a nɔ ngɛ Israel yo ɔmɛ a nɔ. Matsɛ kake maa ye a nɔ. A be je ma enyɔ pee hu. A mi be gbae kɛ pee nɔ yemi enyɔ hu.

Marko 3:24

Ke ma ko mi bi gba ta ngɔ wo mɛ nitsɛmɛ a he ɔ, jamɛ a ma a be nyɛe maa da si.