Zakaria 11:11 - BAIBLO ALOO NGMAMI KLƆUKLƆU Ɔ

¹¹ A po somi ɔ mi jamɛ a ligbi ɔ nɔuu, nɛ to je juali ɔmɛ nɛ na nɔ́ nɛ i pee ɔ yɔse kaa Yawɛ sɛ gbi ji nɛ ɔ nɛ.

Zakaria 11:11 ပူးပေါင်းရင်းမြစ်များ

Zefania 3:12

Ma si nihi nɛ peeɔ a he humi, kɛ ohiatsɛmɛ ngɛ nyɛ kpɛti, nɛ a maa ngɔ a hɛ kɛ fɔ imi Yawɛ ye nɔ.

Luka 19:48

Se a li blɔ nɔ nɛ a maa gu kɛ pee ja; ejakaa ma a tsuo ngɛ e munyu ɔ tue bue kɛ mwɔɔ, nɛ a sume kaa a ma si lɛ.

Luka 7:22

Yesu ha Yohane tsɔli ɔmɛ heto ke, “Nyɛɛ kpale kɛ ho nɛ nyɛ ya de Yohane níhi nɛ nyɛ na, kɛ níhi nɛ nyɛ nu: hɛ yuyuili ngɛ nɔ́ hyɛe, glɔtsɛmɛ ngɛ nyɛɛe, nihi nɛ he womi nɔ hiɔ yaya ngɛ a he ɔ, a he tsɔ, tue kpokutsɛmɛ ngɛ nɔ́ nue, a ngɛ gbogboehi si tlee, nɛ a ngɛ sane kpakpa a fiɛe kɛ ngɛ ohiatsɛmɛ tsɔɔe.

Luka 2:38

Jamɛ a ngmlɛfia a nɔuu ɔ, Ana hu ba lejɛ ɔ. E ba je Mawu yi, nɛ e tu bimwɔyo ɔ he munyu ngɔ tsɔɔ nihi tsuo nɛ ngɛ Mawu blɔ hyɛe nɛ e kpɔ Yerusalem ma a.

Luka 2:25

Jamɛ a be ɔ mi ɔ, nyumu ko ngɛ Yerusalem nɛ a tsɛɛ lɛ Simeon. Nyumu nɛ ɔ, nɔmlɔ kpakpa ji lɛ; e yeɔ Mawu gbeye, nɛ daa nɛ ɔ, e ngɛ blɔ hyɛe nɛ Mawu ba he Israel yi wami. Mumi Klɔuklɔu ɔ ngɛ e mi.

Mika 7:7

Se imi lɛɛ, ma hyɛ Yawɛ blɔ. I kɛ ye hɛ maa fɔ Mawu nɔ, ejakaa lɛ ji nɔ nɛ ma he ye yi wami. Ye Mawu ɔ maa bu mi tue.

Yesaya 40:31

Se ni nɛmɛ nɛ ngɔɔ a hɛ ngɔ fɔɔ Yawɛ nɔ ɔ, a naa he wami he kaa kɔle nɛ ngɛ tee; a tuɔ fo, nɛ pɔ tɔɛ mɛ, a nyɛɛɔ, nɛ a gbɔjɔɔ we.

Yesaya 14:32

Mɛni heto wa ma ha tsɔli ɔmɛ nɛ je Filistia kɛ ba a? Wa ma de mɛ ke Yawɛ to Zion sisi saminya, nɛ e ma a nɛ ngɛ amanehlu nae ɔ, a tue mi maa jɔ mɛ ngɛ lejɛ ɔ.

Yesaya 8:17

Yawɛ ngɔ e hɛ mi ngɔ laa e ma a, se imi lɛɛ i heɔ yeɔ, nɛ i ngɔ ye hɛ ngɔ fɔ e nɔ.

La 69:33

Ejakaa Yawɛ buɔ dɛgutsɛmɛ tue, nɛ lɛ nitsɛ e nihi nɛ a wo mɛ tsu ɔ, e hɛ ji a nɔ.

Mose V, 31:29

I le paa kaa ye gbenɔ se ɔ, nyɛ ma puɛ nyɛ he kulaa, nɛ nyɛ maa je blɔ nɛ i tsɔɔ nyɛ ɔ nɔ. Lɔ ɔ he ɔ, e be kɛe nɛ nyɛ maa na amanehlu; ejakaa nyɛ maa pee yayami kɛ si Yawɛ. Nyɛ ní peepee maa wo e mi mi la.”

Mose V, 31:21

nɛ haomi gbeyegbeye babauu maa ba a nɔ. Jamɛ a be ɔ mi tsuo ɔ, a maa hi la nɛ ɔ lae, nɛ e maa pee odase kɛ si mɛ. Amlɔ nɛ ɔ po nɛ i kɛ mɛ sui zugba nɛ i wo si ke ma ha mɛ ɔ nɔ lolo ɔ, i le a yi mi.”

Kronika II, 9:14

slo sika nɛ a tsuɔ ngɛ jua yeli a dɛ, kɛ se nami nɛ jeɔ jua yemi ní tsumi mi. Arabia matsɛmɛ ɔmɛ, kɛ Israel zugba a nɔ amlaalo ɔmɛ hu ngɔɔ sika hiɔ, kɛ sika tsu kɛ ba haa Salomo.

Yeremia 32:8

Nɛ kaa bɔ nɛ Yawɛ de mi ɔ, Hanamel ba ye ngɔ ngɛ kue ɔ mi nɛ e ba de mi ke ma he e zugba a nɛ ngɛ Anatot ngɛ Benyamin zugba a mi ɔ. Hanamel de mi ke imi lɛ i ngɛ he blɔ nɛ i kpɔɔ zugba a kɛ peeɔ ye weto ní, lɔ ɔ he ɔ, ma he zugba a. Kɛkɛ nɛ i na kaa Yawɛ kɛ mi tu munyu niinɛ.