Zakaria 11:1 - BAIBLO ALOO NGMAMI KLƆUKLƆU Ɔ

¹ Lebanon, bli o sinya amɛ, konɛ la nɛ sã o seda tso ɔmɛ!

Zakaria 11:1 ပူးပေါင်းရင်းမြစ်များ

Yeremia 22:23

Nyɛ ngɛ tue mi jɔmi si himi mi ngɛ seda tsohi nɛ a kɛ je Lebanon kɛ ba a a mi. Se kɛ̃, haomi kɛ he hiami maa ba nyɛ nɔ kaa yo nɛ nu kɔɔmi; nyɛ ní maa pee mɔbɔ wawɛɛ nitsɛ.

Zakaria 10:10

Ma kpale mɛ kɛ maa je Egipt, nɛ ma bua a nya kɛ maa je Asiria kɛ ba we, nɛ a ma ba hi mɛ nitsɛmɛ a zugba nɔ; Gilead kɛ ya pue Lebanon zugba amɛ tsuo po be mɛ kpe.

Hagai 1:8

Nyɛ ya kuɔ yoku ɔmɛ; nyɛɛ poo tso kɛ ba nɛ nyɛ ba ma Mawu we ɔ ekohu; kɛkɛ ɔ, ma na bua jɔmi, nɛ nyɛ ma ja mi ngɛ lejɛ ɔ.

Habakuk 2:17

O poo Lebanon hue mi tso ɔmɛ ngɔ pue si; jehanɛ lɛɛ pu mi lohwe ɔmɛ nɛ o kpata a hɛ mi ɔ, maa wo o he gbeye. Bɔ nɛ e maa ba ji nɛ ɔ nɛ, ejakaa o kpata nihi a hɛ mi; o pee yi wu tso níhi kɛ si zugba a, kɛ ma a, kɛ nihi nɛ ngɛ ma amɛ a mi ɔ tsuo.

Habakuk 2:8

Nyɛ nɛ nyɛ ha je mahi babauu a ní ɔ, jehanɛ lɛɛ, je ma amɛ nɛ piɛ ɔ maa ha nyɛ hu nyɛ níhi; ejakaa nyɛ kpata nihi a hɛ mi, nɛ nyɛ pee yi wu tso níhi kɛ si zugba a, kɛ ma a, kɛ nihi nɛ ngɛ ma a mi ɔ tsuo.

Mose V, 32:22

Ye mi mi fumi nya maa wa wawɛɛ kaa la nɛ ngɛ tsoe; e maa sã nɔ́ tsuaa nɔ́ ngɛ je ɔ mi kɛ ya su gbeje tɔɔ; e maa sã yo ɔmɛ a sisi tomi ɔmɛ hulɔ.

Ezekiel 31:3

O ngɛ kaa seda tso ko nɛ bɔ kusuu ngɛ Lebanon, e kɔni saminyawiiwi ɔmɛ pee hɔ; e ka gagaa kɛ su bɔku mi tɔɔ.

Zakaria 11:2

Nyɛ sɛsɛo tsohi, nyɛ nya awe, ejakaa seda tso ɔmɛ nɔɔ si; a kpata jamɛ a tso kpakpa amɛ a hɛ mi! Nyɛ Bashan tso nguahi, nyɛ nya awe, ejakaa a gba hue kusuu ɔ ngɔ pue si.

Zakaria 12:6

“Jamɛ a be ɔ, ma ha Yuda we puɔ nya amɛ maa pee kaa buɛ kɛ e he la gegeege nɛ a to lɛ́ ngɔ wo sisi, loo kaa blɛfo nɛ a kpɔ, nɛ a bua nya pue jatɛ kɛ e nya la nɔ. Je ma amɛ nɛ bɔle mɛ ɔ tsuo a hɛ mi ma kpata, se Yerusalem lɛɛ e maa ma e ma he ɔ nɔuu.