Zakaria 10:8 - BAIBLO ALOO NGMAMI KLƆUKLƆU Ɔ

⁸ “Ma kpee ye ma a; nɛ ma bua mɛ tsuo a nya; ejakaa imi nɛ i kpɔ mɛ. Ma he a yi wami, nɛ ma ha a he maa hiɛ babauu kaa bɔ nɛ a he hiɛ sa a.

Zakaria 10:8 ပူးပေါင်းရင်းမြစ်များ

Yesaya 5:26

Yawɛ pee okadi ko kɛ tsɛ ma ko kɛ je ma se lokoo. E kpa bɛ kɛ tsɛ mɛ kɛ je je ɔ nyagbe he ɔmɛ. O nɛ mɛ nɛ a ma kɛ fo esɔesɔ.

Yesaya 7:18

“Ke jamɛ a be ɔ su ɔ, Yawɛ ma kpa bɛ kɛ tsɛ Egipt kɛ Asiria bi ɔmɛ. Egipt bi ɔmɛ ma bu kɛ je pa amɛ a nya kɛ ba babauu kaa anunuhi, nɛ Asiria bi ɔmɛ hu maa je a zugba a nɔ ja nɔuu kaa hwo bihi.

Yeremia 33:22

Ma ha nɛ ye tsɔlɔ David nina, kɛ osɔfohi nɛ je Levi wɛtso ɔ mi ɔ a he maa hiɛ babauu kaa hiɔwe dodoehi, loo wo nya zia; nɔ ko nɔ ko be nyɛe maa kane mɛ.”

Hosea 1:10

Israel bi a he ma ba hiɛ babauu kaa wo nya zia, nɛ nɔ ko be nyɛe maa kane mɛ; nɔ ko nɔ ko be nyɛe maa kale a yibɔ. Amlɔ nɛ ɔ, Mawu ngɛ mɛ dee ke, “Pi ye ma ji nyɛ”; se be ma nɛ e ma de mɛ ke, “Imi Mawu hɛ ngmengmletsɛ ɔ, ye bimɛ ji nyɛ!”

Kpojemi 22:17

Mumi ɔ, kɛ ayɛflo ɔ ke, “Ba!” Nɔ tsuaa nɔ nɛ maa nu enɛ ɔ, lɛ hu e de ke, “Ba!” Nɔ tsuaa nɔ nɛ kuma ngɛ lɛ yee ɔ, e ba; nɔ tsuaa nɔ nɛ suɔ ɔ, e ba ngɔ nyu nɛ haa nɔ wami ɔ kaa nike ní.

Mateo 11:28

“Nyɛ nihi tsuo nɛ nyɛ tloo tlomi nɛ pɔ tɔ nyɛ, nyɛɛ ba ye ngɔ, nɛ ma ha nɛ nyɛɛ jɔɔ nyɛ he.

Zakaria 9:11

Moo lɛɛ i ngɔ muɔ kɛ sã bɔ kɛ ma somi nɛ i kɛ mo so ɔ nɔ mi. Lɔ ɔ he ɔ, o bimɛ nɛ a nuu mɛ nyɔguɛ ɔ, ma jé mɛ kɛ je ma se he nɛ ngɛ kaa vu nɛ nyu be mi ɔ kɛ ba we.

Yesaya 51:11

Nihi nɛ mo Yawɛ, o kpɔ mɛ ɔ, a kɛ bua jɔmi ma la kɛ ba Yerusalem. A bua maa jɔ kɛ maa ya neneene; aywilɛho kɛ kɔmɔ yemi tsuo se maa po.

Yesaya 44:22

I je o tɔmi ɔmɛ kɛ je o he kɛ ho kaa bɔku. O yayami ɔmɛ laa kaa mɔtu afua. Kpale kɛ ba ye ngɔ, imi lɛ i he o yi wami ɔ nɛ.”

Matsɛmɛ I, 4:20

Nimli nɛ ngɛ Yuda kɛ Israel ɔ hiɛ babauu kaa wo nya zia; a yeɔ ní, nɛ a nuɔ ní, nɛ a náá bua jɔmi.

Mose II, 1:7

Se a nina nɛ ji Israel bi ɔmɛ ɔ, bi ngɛ a he; a fɔ babauu nɛ a he hiɛ, nɛ a hyi zugba a nɔ tɔ. A he hu wa saminya.

Kpojemi 7:9

Enɛ ɔ se nɛ ma hyɛ ɔ, nimli asafo nɛ nɔ ko be nyɛe maa kane ji nɛ. A je je ma amɛ tsuo a mi, wɛtso munomuno, nimli munomuno, kɛ gbi munomuno. A daa si ngɛ matsɛ sɛ ɔ, kɛ To bi ɔ hɛ mi kɛ a he tade hiɔ klɔiiklɔii; nɛ nɔ tsuaa nɔ hɛɛ tã kũɔmi ngɛ e dɛ.

Yesaya 7:19

A ma ba pue si ngɛ kɔ̃ voovoo ɔmɛ, kɛ tɛ puɔ ɔmɛ a mi, nɛ a maa ha si ngɛ mio tso ɔmɛ a sisi, kɛ lohwe lɛmi he ɔmɛ tsuo.

Yesaya 48:20

Nyɛɛ je Babilon esɔesɔ; nyɛ wo fo! Nyɛ hwɔ lele nɛ a nu ngɛ he tsuaa he ke, “Yawɛ he e tsɔlɔ Israel yi wami!”

Mika 2:12

“Se nyɛ Israel ma nɛ piɛ ɔ, be ma nɛ ma bua nyɛ tsuo nyɛ nya. Ma ngɔ nyɛ kɛ ba he kake kaa tohi nɛ kpale ba a tsu mi. Nimli ma ba ha nyɛ zugba a nɔ tɔ ekohu kɛ a he ngmlaa kaa tohi babauu ngɛ a lɛmi he.”