Zakaria 10:6 - BAIBLO ALOO NGMAMI KLƆUKLƆU Ɔ

⁶ “Ma wo Yuda ma a he wami; ma he Yosef we ɔ yi wami. Ma na mɛ mɔbɔ, nɛ ma kpale mɛ tsuo kɛ ba we ekohu. A maa pee kaa nihi nɛ i kua we mɛ hyɛ. Imi ji Yawɛ, a Mawu ɔ nɛ; ma he a kue fami ɔ nɔ.

Zakaria 10:6 ပူးပေါင်းရင်းမြစ်များ

Zakaria 13:9

Ma ngɔ mi dlami etɛ mi kake nɛ ɔ kɛ wo la mi, nɛ ma tsu a he kaa bɔ nɛ a tsuɔ sika hiɔ he ɔ. Ma tsu a he kaa bɔ nɛ a tsuɔ sika tsu he. Kɛkɛ ɔ, a maa fa kue ma tsɛ mi, nɛ ma he nɔ. Ma de mɛ ke, ‘Ye ma ji nyɛ,’ nɛ a ma de ke, ‘Yawɛ ji wa Mawu.’ ”

Zakaria 10:12

Ma ha ye ma a he wami he; nɛ a maa nyɛɛ ngɛ ye biɛ mi.” Yawɛ lɛ de.

Yeremia 3:18

Jamɛ a be ɔ mi ɔ, Israel bi, kɛ Yuda bi maa ye a he kɛ je nyɔguɛ si himi mi ngɛ omleyi je zugba a nɔ, nɛ a ma tsa bo nya kɛ kpale kɛ ba zugba a nɛ i ngɔ kɛ ha nyɛ nɛmɛ ɔmɛ kaa a weto ni ɔ nɔ ekohu.”

Zakaria 8:11

Se amlɔ nɛ ɔ lɛɛ nihi nɛ piɛ ngɛ ma a mi ɔ, i kɛ mɛ be ní toe hu kaa sa a. Yawɛ Tabohiatsɛ ɔ lɛ de.

Hosea 1:11

Yuda bi, kɛ Israel bi ma ba pee kake; a maa hla nɔ kake nɛ da a nya, nɛ a maa hi si ngɛ he jɔmi mi ngɛ zugba a nɔ. Niinɛ, Yezreel ma ba plɔke.

Ezekiel 36:37

Nyɔmtsɛ Yawɛ ke, “Nɔ́ kake nɛ Israel bi ɔmɛ ma bi mi nɛ ma pee ha mɛ ji, ma ha a he nɛ hiɛ babauu kaa to kuu.

Yesaya 41:10

Koo ye gbeye. I kɛ mo ngɛ! Ko ha nɛ nɔ́ ko nɛ wo o he gbeye. Imi ji o Mawu ɔ nɛ! Ma wo mo he wami; ma piɛ o he; Ma bu o he, nɛ ma baa o yi.

Mika 7:16

Je ma amɛ maa na enɛ ɔ, nɛ zo maa gbe mɛ. A ma yɔse kaa mamoo a he wami ɔ sui he ko saasaa. Sawale maa nu mɛ; a ma ma a nya, nɛ a kɛ a nine nguɛhi maa hɔɔ a tue puɔ mi.

Mika 5:8

Israel bi nɛ maa piɛ ngɛ je ma amɛ a kpɛti ɔ, a he ma ba wa kaa jata ngɛ pu mi lohwehi, loo we mi lohwehi a kpɛti. Ke e sɛ a kpɛti kikɛ nɛ ɔ, e maa naa a nɔ, nɛ e ma tsɔtslɔɔ a mi nɛ nɔ ko be nyɛe ma kpɔ mɛ.

Mika 4:13

Yawɛ ke, “Nyɛ Yerusalem bi, nyɛɛ ya nɛ nyɛ ya gbla nyɛ he nyɛli ɔmɛ a tue! Ma ha nyɛ dade tso nyɛ, kɛ dade tso mi bihi nɛ nyɛɛ kɛ maa gbee je mahi babauu. Nyɛ ma kpata a hɛ mi, nɛ níhi nɛ a kpɔ pani nya ngɛ nihi a dɛ ɔ, nyɛ maa ngɔ kɛ ba ha imi, je ɔ tsuo Nyɔmtsɛ ɔ.” Mawu lɛ de.

Hosea 2:23

Ma to ye ma a sisi, nɛ a ma plɔke ngɛ zugba a nɔ. Nihi nɛ a tsɛɔ mɛ ke, “Asumemo” ɔ, ma je suɔmi kpo ha mɛ; nɛ ni nɛmɛ nɛ a tsɛɔ mɛ ke “Piyema” a, ma de mɛ ke, “Ye ma ji nyɛ.” Kɛkɛ ɔ, mɛ hu a ma he nɔ ke, “Mo ji wa Mawu.”

Yesaya 14:1

Yawɛ maa na e ma Israel mɔbɔ ekohu, nɛ e ma ná a he tsui kaa lɛ nitsɛ e ma. E maa to mɛ si ngɛ mɛ nitsɛmɛ a zugba nɔ. Nibwɔhi ma ba to mɛ, nɛ a kɛ mɛ maa hi si.

Ezekiel 39:25

Nyɔmtsɛ Yawɛ ke, “Jehanɛ lɛɛ, ma na Yakob nina a mɔbɔ; ma na Israel ma a tsuo mɔbɔ, nɛ ma ha a maa bɔ ekohu. Ma pee enɛ ɔ, konɛ a na kaa nɔ klɔuklɔu ji mi.

Ezekiel 37:16

E ke, “Nɔmlɔ adesa, yaa ngɔ tso, nɛ o ngma ngɛ nɔ ke, ‘Yuda nɔ yemi ɔ.’ Lɔ ɔ se ɔ, yaa ngɔ tso kpa nɛ o ngma ngɛ nɔ ke ‘Israel nɔ yemi ɔ.’

Ezekiel 36:11

Nimli, kɛ lohwehi a he ma ba hiɛ babauu ngɛ zugba a nɔ; a ma plɔke, nɛ a ma fɔ bimɛ. Ma ha a maa hi zugba a nɔ kaa bɔ nɛ a hi nyɛ zugba a nɔ sa a. Ma ha nyɛ maa bɔ pe kekle ɔ po. Kɛkɛ ɔ, nyɛ maa le kaa imi ji Yawɛ.

Yeremia 31:31

Yawɛ ke, “Be ma nɛ i kɛ Israel ma a, kɛ Yuda ma a maa so somi he.

Yeremia 31:20

“Israel, mo ji ye bi nɛ i suɔ saminya; mo ji bi nɛ i suɔ pe bimɛ ɔmɛ tsuo. Be tsuaa be nɛ ma de nɔ́ ko kɛ si mo ɔ, ja i kɛ suɔmi kai mo kɛ̃. Ye hɛ jaa ngɛ o he, lɔ ɔ he ɔ, ma na mo mɔbɔ kɛ̃.

Yeremia 31:1

Yawɛ ke, “Be ma nɛ ma ba pee Israel wɛtso ɔmɛ tsuo a Mawu, nɛ mɛ hu a maa pee ye ma.

Yeremia 30:18

Yawɛ ke, “Ma kpale ye ma a kɛ ba a zugba a nɔ ekohu, nɛ ma na we puɔ nya tsuaa we puɔ nya mɔbɔ. A maa ma Yerusalem ekohu ngɛ kpo ɔ nɔ, nɛ matsɛ we ɔ maa ma si ngɛ e ma he.

Yeremia 23:6

E yi nɔ ɔ, a ma he Yuda yi wami, nɛ tue mi jɔmi maa ba Israel. A ma tsɛ lɛ ke ‘Yawɛ ji wa yi wami hemi.’ ”

La 89:21

Ye nine maa hi e he be tsuaa be, nɛ ma wo lɛ he wami.

Mika 4:6

Yawɛ ke, “Nihi nɛ i gbla a tue, nɛ a na nɔ́ ngɛ nyɔguɛ si himi mi ɔ, be ma, nɛ ma bua jamɛatsɛmɛ ɔmɛ a nya ekohu.

Obadia 1:18

“Yakob we ɔ maa pee kaa la; Yosef we ɔ maa pee kaa la lilɛ. Nɛ a maa sã Esau we ɔ kaa a sãã blɛfo tso gbigbli. Esau nina ko be piɛe.” Imi, Yawɛ lɛ i de.

Hosea 1:7

Se Yuda ma a lɛɛ, ma suɔ a sane. Imi Yawɛ, a Mawu ɔ, ma he a yi wami. Pi ta nga nɔ nɛ ma pee nɔ́ nɛ ɔ ngɛ; pi klaate, loo kɛ̃ɛ̃ kɛ kɛ̃ɛ̃ mi bi, loo okpɔngɔhi kɛ a nɔ hili nɛ ma ngɔ kɛ tsu nɔ́ nɛ ɔ.”

Yesaya 11:12

Yawɛ maa si aflangaa kɛ pee okadi kɛ tsɔɔ je ma amɛ kaa Israel, kɛ Yuda ma amɛ nɛ a gbɛ fĩa je ɔ mi tsuo ɔ, e ngɛ a nya buae ekohu, konɛ e kpale mɛ kɛ ba we.

Yesaya 54:4

Koo ye gbeye, ejakaa zo be mo gbee! O tsui ko po, ejakaa a be o hɛ mi si puee hu. Zo ní nɛ o tsu ngɛ o yihe be mi ɔ, o hɛ maa je nɔ, nɛ si nɛ o hi mɔbɔmɔbɔ kaa yalɔyo ɔ, o be kaie hu.

Yesaya 54:8

Ye mi mi fu mo wawɛɛ. Kɛkɛ nɛ i je hɛ ngɛ o he be kuku, se jehanɛ lɛɛ ma je ye suɔmi kpo kɛ tsɔɔ mo kɛ maa ya neneene.” Imi Yawɛ yi wami helɔ ɔ, nɛ i de.

Zakaria 1:16

Lɔ ɔ he ɔ, i kpale kɛ ba Yerusalem, konɛ ma ba na ma a mɔbɔ. A maa ma ye sɔlemi we ɔ ekohu, nɛ a ma dla maa fia Yerusalem ma a hulɔ.”

Zakaria 9:16

Jamɛ a ligbi ɔ, Yawɛ, a Mawu ɔ ma he a yi wami, ejakaa e tohi ji mɛ. E ma a ma kpɛ́ ngɛ zugba a nɔ kaa bɔ nɛ june kpɛɔ ngɛ matsɛ pɛɛ he ɔ.

Yeremia 30:20

A bimɛ ɔmɛ ma ba hi si kaa bɔ nɛ a nɛmɛ ɔmɛ hi si ɔ; nɛ ma to ma a si wawɛɛ ekohu. Nihi tsuo nɛ maa wa mɛ yi mi ɔ, ma gbla a tue.

Hosea 14:9

Mɛnɔ ji ní lelɔ? Ha nɛ e nu ní nɛ ɔmɛ a sisi. Mɛnɔ lɛ nuɔ nɔ́ sisi? Ha nɛ e yɔse. Ejakaa Yawɛ blɔ ɔmɛ da tlɔmɔɔ, nɛ nihi nɛ peeɔ nɔ́ nɛ da a nyɛɛɔ nɔ tɛɛ. Se yayami peeli lɛɛ a tɛɔ nɔ́, nɛ a nɔɔ si.

Mika 5:3

Lɔ ɔ he ɔ, Yawɛ maa ngmɛɛ e ma a he kɛ yaa si be nɛ nɔ nɛ nu kɔɔmi ɔ ma fɔ e bi ɔ. Lɔ ɔ se ɔ, bi nɛ ɔ nyɛmimɛ nɛ piɛ ɔ, maa kpale kɛ ba a nyɛmimɛ Israel bi ɔmɛ a ngɔ ekohu.