Zakaria 10:5 - BAIBLO ALOO NGMAMI KLƆUKLƆU Ɔ

⁵ Ma ha nɛ Yuda bi a he maa wa. Mɛ tsuo a maa pee kaa ta buli katsɛmɛ ngɛ ta nya; a maa naa a he nyɛli a nɔ, nɛ a maa pee mɛ kaa zugba zu. I kɛ ye ma a ngɛ saminya, lɔ ɔ he ɔ, ma ha a kɛ a he nyɛli ɔmɛ maa to ní, nɛ ta okpɔngɔ nɔ hili ɔmɛ po a hɛ mi ma pue si.

Zakaria 10:5 ပူးပေါင်းရင်းမြစ်များ

Hagai 2:22

nɛ ma ngɔ nɔ yemi ɔmɛ kɛ a he wami ɔmɛ ngɔ fia si. Ma ha ta zugba lɛ ɔmɛ maa nɔɔ si kɛ a kudɔli ɔmɛ; okpɔngɔ ɔmɛ ma gbo, nɛ a nɔ hili ɔmɛ maa gbe a sibi.

Zakaria 12:8

Ma bu nihi nɛ ngɛ Yerusalem jamɛ a be ɔ a he. A ti nɔ wudɔwudɔ pe kulaa po maa pee kaa David. David nina maa nyɛɛ a hɛ mi kaa Yawɛ bɔfo, loo imi Mawu nitsɛ.

Zakaria 9:13

Yuda maa pee kaa ta bulɔ kɛ̃ɛ̃, nɛ Israel maa pee kaa kɛ̃ɛ̃ mi bi. Zion bi maa pee kaa ye dɛ mi klaate nɛ i kɛ ma jé ta kɛ wo Hela bi.

La 20:7

Ni komɛ fĩaa kɛ fɔɔ a ta zugba lɛhi a nɔ; ni komɛ hu fĩaa kɛ fɔɔ a we okpɔngɔhi a nɔ; se wɔɔ lɛɛ Yawɛ, wa Mawu ɔ biɛ mi wa fĩaa ngɛ.

2 Timoteo 4:7

Ta kpakpa a, i hwu; i tu fo ɔ tsuo gbe nya. I pɛtɛ hemi kɛ yemi ɔ he.

2 Korintobi 10:4

Ta hwumi níhi nɛ wa hɛɛ ɔ, pi he lo mi níhi; se mohu Mawu nitsɛ e ta hwumi ní kpakpahi nɛ a kɛ kuɔ mɔ nguahi. Wa tsiɔ yi mi susumi yayami nya,

Ni Tsumi 7:22

A tsɔɔ Mose Egipt nile tsuo, nɛ e na biɛ kpanaa; e he biɛ ngɛ munyu tumi kɛ e ní peepee tsuo mi.

Luka 24:19

E bi ke, “Mɛni sanehi?” A he nɔ ke, “Sanehi nɛ ba Yesu nɛ je Nazaret ɔ nɔ ɔ! Nyumu nɛ ɔ, gbalɔ ji lɛ. E pee nyakpɛ níhi, nɛ e tu munyu nguahi nɛ sa Mawu, kɛ ma a tsuo a hɛ mi.

Mateo 4:3

Kɛkɛ nɛ Abosiami ba e ngɔ ba de lɛ ke, “Ke Mawu Bi ji mo ɔ, fa tɛ nɛ ɔmɛ nɛ a plɛ abolo.”

Zakaria 14:13

Jamɛ a be ɔ, Yawɛ ma ha nɛ a juɛmi ma tsaka, nɛ a maa nu a sibi a kɔni si, nɛ a maa hi a sibi nɔ́ fiae.

Zakaria 14:3

Jehanɛ, Yawɛ kɛ je ma amɛ maa to ní kaa bɔ nɛ e peeɔ ngɛ ta nga nɔ ɔ.

Zakaria 12:4

Jamɛ a be ɔ, ma ha gbeye maa nu okpɔngɔ ɔmɛ tsuo, nɛ okpɔngɔ nɔ hili ɔmɛ maa nu godo. Ma bu Yuda ma a he, se a he nyɛli ɔmɛ a we okpɔngɔ ɔmɛ lɛɛ ma ha a hɛ ma yu.

Mika 7:10

Wa he nyɛli ɔmɛ maa na nɔ́ nɛ ɔ, nɛ zo maa gbe mɛ. Mɛ lɛ a ye wa he fɛu nɛ a bi wɔ ke, “Jije Yawɛ, nyɛ Mawu ɔ ngɛ?” Wa maa na kaa a ye a nɔ kunimi, nɛ a naa a nɔ kaa mɔsɔ ngɛ gbɛjegbɛ nɔ.

Amos 2:15

Kɛ̃ɛ̃ tsɛ̃li maa gbee senyasenya; ni nɛmɛ nɛ a nane nya sɔɔ a he be mi jee, nɛ ta buli ngɛ ta okpɔngɔhi a nɔ po a yi be wami nae.

Ezekiel 38:15

kɛ je omleyi je tsitsaa he nɛ o ngɛ ɔ, kɛ o ta buli kpanakpanaa nɛ hi okpɔngɔhi a nɔ kɛ je je mahi babauu a mi kɛ ba.

Yesaya 41:12

Nihi tsuo nɛ kɛ mo ná a, o be mɛ nae hu; nihi nɛ hia ta wo mo ɔ, a hɛ mi ma kpata pɛsɛpɛsɛ.

Yesaya 25:10

Yawɛ maa bu Zion yo ɔ he, se Moab bi ɔmɛ lɛɛ, a maa naa a nɔ kaa a naa nga nɔ kɛ woɔ dwɔmi mi kɛ ya pueɔ kuku nɔ.

Yesaya 10:6

I tsɔ Asiria bi ɔmɛ ke a ya tua ma ko nɛ li Mawu, ma nɛ wo ye mi mi la a. I tsɔ mɛ ke a ya ha ní, nɛ a kpɔ níhi pani nya; nɛ a naa ni ɔmɛ a nɔ kaa mɔsɔ ngɛ blɔ mi.”

Yesaya 8:9

Nyɛ je ma amɛ, nyɛɛ ye gbeye, nɛ nyɛ bua nyɛ he nya! Nyɛ nihi nɛ nyɛ ngɛ tsitsaa hu, nyɛɛ bu tue. Nyɛɛ mia kɛ ha ta, se kɛ̃ ɔ, nyɛɛ ye gbeye! Ee, nyɛɛ mia, se kɛ̃ ɔ, nyɛɛ ye gbeye!

La 45:3

Matsɛ nguaa, moo ngɔ o klaate ɔ kɛ wo o fiɔ he, konɛ a na o hɛ mi nyami, kɛ o we agboje ɔ tsuo.

La 33:16

Pi ta buli babauu nɛ haa matsɛ yeɔ kunimi; ta bulɔ be nyɛe maa ngɔ e kã kɛ he lɛ nitsɛ e yi wami.

La 18:42

I wɛɛ mɛ mɔnyɔmɔnyɔ kaa bunyuku nɛ kɔɔhiɔ sɛ mi. I naa a nɔ kaa blɔ nɔ mɔsɔ.

Samuel II, 22:43

I wɛɛ mɛ mɔnyɔmɔnyɔ nɛ a pee kaa tabo zu; i naa a nɔ, nɛ i gbɛ mɛ fĩa kaa gbɛjegbɛ nɔ mɔsɔ.

Samuel II, 22:8

Kɛkɛ nɛ zugba a mimiɛ nɛ e hoso; hiɔwe sisi tomi ɔmɛ hɛ a he, nɛ a mimiɛ; ejakaa Mawu mi mi fu!

Samuel I, 16:18

Nihewi ɔmɛ a ti nɔ kake de lɛ ke, “I kpa mo pɛɛ, i le Ishai, Betlehem no ɔ binyumuyo ko nɛ le saku fiami saminya. Nyumu katsɛ kɛ ta hwulɔ ji lɛ. E nya mi tsɔ, nɛ e he ngɛ fɛu, nɛ Yawɛ kɛ lɛ ngɛ.”

Yoshua 10:42

Yoshua ye matsɛmɛ nɛ ɔmɛ kɛ a zugba amɛ tsuo a nɔ ngɛ ta nɛ e gba si kake too ɔ mi; ejakaa Yawɛ, Israel Mawu ɔ hwu ta ha Israel.

Yoshua 10:14

Nɔ́ nɛ ba nɛ ɔ, kaa Yawɛ bu nɔmlɔ kake kue fami tue, nɛ e ha pu kɛ nyɔhiɔ nyɛ da si nɛ a nyɛɛ we ɔ, eko bɛ hyɛ. Yawɛ hwu ta ha Israel!

Mose V, 20:1

“Ke o hia ta, nɛ o kɛ o he nyɛli yaa hwu, nɛ o na kaa he nyɛli ɔmɛ ngɛ zugba ta lɛhi, okpɔngɔhi, kɛ ta buli babauu pe mo ɔ, koo ye mɛ gbeye. Yawɛ, o Mawu ɔ nɛ kpɔ mo kɛ je Egipt zugba a nɔ ɔ kɛ mo ngɛ.

Kpojemi 19:17

Jehanɛ ɔ, i na bɔfo ko nɛ daa si ngɛ pu ɔ nɔ. E kpa ngmlaa wawɛɛ, nɛ e tsɛ lohwe pɛlitsɛmɛ tsuo nɛ teɔ ngɛ kɔɔhiɔ mi ɔ, nɛ e de mɛ ke, “Nyɛɛ ba nɛ nyɛ ba bua ngɛ Mawu we okplɔɔ nguaa a he!

2 Timoteo 4:17

Se Nyɔmtsɛ ɔ piɛ ye he, nɛ e wo mi he wami, nɛ i nyɛ fiɛ sane kpakpa a kɛ ha ma je li ɔmɛ tsuo. Bɔ nɛ Mawu je mi kɛ je gbenɔ nya mi ji nɛ ɔ nɛ. Ee, e je mi kɛ je gbenɔ mi.

Ni Tsumi 18:24

Jamɛ a be ɔ mi ɔ, Yuda no ko nɛ a tsɛɛ lɛ Apolo, nɛ e se je Aleksandria a ba Efeso. Nyumu nɛ ɔ nya mi tsɔ saminya, nɛ e le ngmami ɔmɛ a mi fitsofitso.

Mateo 28:20

nɛ nyɛɛ tsɔɔ mɛ nɛ a ye níhi tsuo nɛ i fa nyɛ ke nyɛɛ pee ɔ a nɔ. Hyɛ, i kɛ nyɛ maa hi si daa kɛ yaa su je mi nyagbe.”

La 44:5

Mo lɛ o haa nɛ wa yeɔ wa he nyɛli ɔmɛ a nɔ. Nihi nɛ teɔ si kɛ woɔ wɔ ɔ, o biɛ waa kɛ jɔɔ a he.

Yesaya 41:25

“I ha nɛ nɔ ko je beleku je kɛ ma nɛ e kɛ nyɛ ba kpe. E maa ba ngɛ ye biɛ mi. E ma ba tua nyɛ kɛ je omleyi je. E maa naa nɔ yeli a nɔ kaa a naa zu, loo kaa buɛ puɛlɔ pɔtɔɔ zu.

Mika 5:8

Israel bi nɛ maa piɛ ngɛ je ma amɛ a kpɛti ɔ, a he ma ba wa kaa jata ngɛ pu mi lohwehi, loo we mi lohwehi a kpɛti. Ke e sɛ a kpɛti kikɛ nɛ ɔ, e maa naa a nɔ, nɛ e ma tsɔtslɔɔ a mi nɛ nɔ ko be nyɛe ma kpɔ mɛ.

Matsɛmɛ II, 9:33

Yehu de mɛ ke, “Nyɛ tsitsɛɛ lɛ ngɔ fia si!” A pee ja, nɛ Yezebel muɔ fĩa pue gbogbo ɔmɛ a he, kɛ okpɔngɔ ɔmɛ a nɔ; nɛ a naa e nɔ kɛ be.

Yesaya 31:1

Musu tloo nihi nɛ yaa Egipt ya biɔ yemi kɛ buami ngɛ lejɛ ɔ. Musu tloo mɛ, ejakaa a ngɔɔ a hɛ kɛ fɔɔ Egipt ta zugba lɛhi, kɛ okpɔngɔ ta buli a nɔ; ejakaa a hiɛ babauu, nɛ a he wa hulɔ. Se a ngɔɛ a hɛ kɛ fɔ we Yawɛ, Israel Mawu klɔuklɔu ɔ mohu nɔ; ga womi hu a bi we lɛ.