Zakaria 10:4 - BAIBLO ALOO NGMAMI KLƆUKLƆU Ɔ

⁴ A ti ni komɛ maa pee kɔ nya tɛ; ni komɛ maa pee bo tsu plɛɛko, ni komɛ maa pee ta hwumi kɛ̃ɛ̃, nɛ ni komɛ hu maa pee asafoatsɛnguahi.

Zakaria 10:4 ပူးပေါင်းရင်းမြစ်များ

Zakaria 9:10

Yawɛ ke, “Ma jé ta zugba lɛ ɔmɛ kɛ je Israel, nɛ ta okpɔngɔhi be Yerusalem hie hu. Kɛ̃ɛ̃hi nɛ a kɛ hwuɔ ta a, ma ku a mi. O matsɛ ɔ ma ha tue mi jɔmi maa ba je ma amɛ a kpɛti. E maa ye tsɛ kɛ maa je wo kpo kɛ yaa su wo kpo; e maa ye tsɛ kɛ maa je Yufrate pa a nya kɛ yaa su zugba a nyagbe he ɔmɛ tɔɔ.”

Zakaria 9:8

Ma bu ye zugba a he nɛ nɔ ko kó ba tua mɛ. I be yiwutsotsɛmɛ blɔ ngmɛe hu nɛ a ba ye ye ma a nɔ. Imi nitsɛ i ngɛ hyɛe kɛ ye hɛngmɛ paa.

Mose IV, 24:17

I na lɛ, se e he kɛ; I ngɛ lɛ hyɛe, se e sui hiɛ ɔ lolo. Dodoe ko maa je Yakob mi kɛ ba; Matsɛ tso ko maa je Israel; E maa fia Moab ma nimeli ɔmɛ ní, nɛ e ma kpata Set bi ɔmɛ a hɛ mi.

Kpojemi 17:14

Lohwe ɔ, kɛ matsɛmɛ ɔmɛ ma ya tua To bi ɔ. Se To bi ɔ, kɛ e se nyɛɛli ɔmɛ maa ye a nɔ kunimi. Lɛ ji nyɔmtsɛmɛ a nyɔmtsɛ, kɛ matsɛmɛ a matsɛ, nɛ e se nyɛɛli ɔmɛ ji nihi nɛ Mawu tsɛ, nɛ e hla mɛ ngɔ to, nɛ a yeɔ lɛ anɔkuale.”

2 Timoteo 2:4

Ke ta bulɔ ngɛ ta hwue ɔ, e suɔ kaa e maa pee nɔ́ nɛ maa sa e tatsɛ ɔ hɛ mi be tsuaa be; lɔ ɔ he ɔ, e peeɔ klaalo kɛ haa e tatsɛ ɔ pɛ; e kɛ e he wui ma mi sanehi a mi.

Mateo 9:38

Lɔ ɔ he ɔ, nyɛ kpa ngmɔtsɛ ɔ pɛɛ, konɛ e wo apaatsɛmɛ blɔ kɛ ba bua ní nya.”

Yeremia 1:18

Yeremia, bu tue! Nɔ tsuaa nɔ nɛ ngɛ zugba nɛ ɔ nɔ ɔ: Yuda matsɛmɛ ɔmɛ, ganɔ ɔmɛ, osɔfo ɔmɛ, kɛ ma mi bi ɔmɛ maa te kɛ wo mo. Se mwɔnɛ ligbi nɛ ɔ, i ngɛ mo he wami hae nɛ o ye a nɔ. I pee mo kaa ma nɛ a fia gbogbo ngɔ wo he, aloo dade titima, aloo gbogbo nɛ a kɛ akɔblee pee. A be mo nyɛe; ejakaa i kɛ mo ngɛ, nɛ ma je mo kɛ je a dɛ mi. Imi, Yawɛ lɛ i de.”

Yesaya 54:16

“Imi ji nɔ nɛ bɔ sɔ̃lɔ nɛ huu la mi, nɛ e sɔ̃ɔ̃ ta hwumi níhi. Imi nɔuu ji nɔ nɛ bɔ ta hwulɔ ɔ nɛ ngɔɔ ta hwumi dade kɛ kpataa nɔ hɛ mi.

Yesaya 49:2

E ha ye nya mi munyu pee kaa klaate nɛ nya ba. E ngɔ lɛ nitsɛ e nine kɛ bu ye he. E pee mi kaa kɛ̃ɛ̃ mi bi nɛ nya ba, nɛ hɔɔ si ngɛ kotoku mi.

Yesaya 19:13

Zoan kɛ Memfis ganɔ ɔmɛ ɔ, kuasiahi sɔuu ji mɛ. Mɛ nɛ́ a ko tsɔɔ ma a blɔ ɔ, mɛ mohu a ha ma a laa blɔ.

La 118:22

Tɛ ɔ nɛ tsu fiali ɔmɛ sake fɔ he ɔ, lɔ ɔ nɔuu ba pee kɔ nya tɛ.

Ezra 9:8

Jehanɛ Yawɛ, wa Mawu, pee se ɔ, o na wɔ mɔbɔ, nɛ wa ti ni komɛ kɛ̃ ngɛ je mi, nɛ o ha wa ba ngɛ o ma klɔuklɔu ɔ mi, konɛ wa hɛ mi nɛ tsɔ wɔ nɛ waa ye wa he kɛ je nyɔguɛ yemi mi.

Samuel I, 14:38

Kɛkɛ nɛ Saul de ma nikɔtɔma amɛ ke, “Nyɛ tsuo nyɛɛ ba hiɛ ɔ nɛ nyɛ ba hyɛ kaa nɔ ko pee yayami mwɔnɛ ɔ lo.

Mose I, 49:24

Se Yosef lɛɛ e kɛ̃ɛ̃ ɔ ji e dɛ gblegbleegble. E he wami ɔ je Yakob Mawu Ope ɔ dɛ mi, To hyɛlɔ ɔ, nɛ ji Israel he bulɔ ɔ.

Luka 20:17

Yesu hyɛ mɛ kɛ kpe, nɛ e bi ke, “Lɛɛ mɛni ji ngmami nɛ ɔ sisi mɔ? ‘Tɛ ɔ nɛ tsu fiali ɔmɛ sake fɔ he ɔ, lɔ ɔ nɔuu nɛ ba plɛ kɔ nya tɛ nɛ ɔ nɛ.’

Efesobi 2:20

Sisi tomi nɛ a fia nyɛ ngɔ ma nɔ ji sɛ gbi ɔ nɛ bɔfo ɔmɛ, kɛ gbali ɔmɛ fiɛ ɔ; nɛ Kristo Yesu nitsɛ ngɛ kaa tsu ɔ kɔ nya tɛ.

1 Petro 2:6

Ejakaa ngmami ɔ ke, “I hla tɛ ko nɛ he jua wa saminya, nɛ i kɛ ngɛ si mae ngɛ Zion kaa kɔ nya tɛ. Nɔ tsuaa nɔ nɛ heɔ lɛ yeɔ ɔ, zo be lɛ gbee kɔkɔɔkɔ.”

Yeremia 51:20

Yawɛ ke, “Babilonia, ye hamle ji mo; o ngɛ kaa ye ta hwumi ní. I ngɔ mo kɛ kpata je mahi, kɛ matsɛ yemihi a hɛ mi.

Yesaya 28:16

Lɔ ɔ he ɔ, nɔ́ nɛ Nyɔmtsɛ Yawɛ ngɛ dee ji nɛ ɔ nɛ: “I ngɛ sisi tomi ko nɛ he wa nɛ maa si kpɛii fiae ngɛ Zion; nɛ i ngɔ kɔ nya tɛ agbo ko kɛ ma mi. Nɔ́ nɛ a ngma ngɛ nɔ ji nɛ ɔ nɛ: ‘Nɔ nɛ heɔ yeɔ ɔ, e toɔ e tsui si.’