Zakaria 10:3 - BAIBLO ALOO NGMAMI KLƆUKLƆU Ɔ

³ Yawɛ ke, “Hyɛ, ye mi mi fu to hyɛli ɔmɛ saminya; ma gbla ma nimeli ɔmɛ a tue kokooko. Yuda a, ye ma ji mɛ, nɛ imi Yawɛ Tabohiatsɛ nitsɛ ma hyɛ a nɔ. Ma ha a he maa wa saminya kaa ta okpɔngɔ.

Zakaria 10:3 ပူးပေါင်းရင်းမြစ်များ

Ezekiel 34:2

E ke, “Nɔmlɔ adesa, gbaa kɛ si Israel nɔ yeli ɔmɛ. De mɛ ke bɔ nɛ imi Nyɔmtsɛ Yawɛ, i ngɛ mɛ dee ji nɛ ɔ nɛ. Musu tloo nyɛ Israel to hyɛli! Nyɛ nitsɛmɛ nyɛ he pɛ nyɛ ngɛ lɛe; nyɛ hyɛ we to ɔmɛ a nɔ! Anɛ pi to ɔmɛ mohu nɛ to hyɛlɔ hyɛɛ lo?

Zakaria 11:17

Ye to hyɛlɔ nɛ o he be se nami lee! To hyɛlɔ nɛ tuɔ fo kɛ jeɔ to kuu ɔ he ɔ, klaate maa po e kɔni, kɛ e hiɔ nɔ hɛngmɛ. Ee, á po e kɔni nɛ je nya, nɛ e hiɔ nɔ hɛngmɛ nɛ yu kulaa.”

Zefania 2:7

Yuda wɛtso ɔ mi nihi bɔɔ nɛ a yi ma na wami ɔ, nyɛ zugba a nɔ lejɛ ɔ ji he nɛ a maa hi. A maa lɛ a lohwe ɔmɛ ngɛ lejɛ ɔ, nɛ a ma ya hwɔ we ɔmɛ a mi ngɛ Ashkelon. Yawɛ, a Mawu ɔ kɛ mɛ maa hi si, nɛ e ma ha nɛ a maa bɔ ekohu.

Yeremia 25:34

Nyɛ ma nɔ yeli nɛ nyɛ hyɛɛ ye ma a nɔ, nyɛɛ wo yana nɛ nyɛ kpa bubuubui! Nyɛɛ ye kɔmɔ, nɛ nyɛɛ ngɔ nyɛ he kɛ wuwlua si ngɛ la zu mi; ejakaa ligbi ɔ nɛ a maa gbe nyɛ ɔ su. A ma tsɔtslɔɔ nyɛ mi kaa bɔ nɛ a tsɔtslɔɔ agbosu mi.

Abɛ Womi 21:31

Adesa dlaa e we okpɔngɔ he kɛ ha ta hwumi; se kunimi yemi ɔ lɛɛ Yawɛ dɛ mi e ngɛ.

1 Petro 2:12

Nyɛɛ ba nyɛ je mi saminya ngɛ ma je li ɔmɛ a kpɛti. Ke nyɛ pee jã, nɛ a po nyɛ nya kaa yayami peeli ji nyɛ po, kpakpa nɛ nyɛ ngɛ pee ɔ, a maa na. Kɛkɛ ɔ, ligbi ɔ nɛ Mawu ma ba kojo je ɔ, a maa wo e hɛ mi nyami.

Luka 1:68

“Nyɛ ha wa je Nyɔmtsɛ, Israel Mawu ɔ yi. Ejakaa e ba piɛ e ma a he, nɛ e ha nɛ a ye a he.

Rut Womi 1:6

Pee se ɔ, Naomi nu kaa Yawɛ ba gbaa e ma a, nɛ e ha a ngmɔ ɔmɛ ba ní saminya; lɔ ɔ he ɔ, e dla konɛ e kɛ e nganyɛmɛ ɔmɛ nɛ hia kɛ je Moab zugba a nɔ.

Mose II, 4:31

Ma a he ye. Benɛ a nu kaa Yawɛ ba na Israel bi ɔmɛ a nɔ́ nami ɔ, nɛ e ma nɛ e ba pee he nɔ́ ko ha mɛ ɔ, a kpla si nɛ a ja Mawu.

Zefania 1:8

Yawɛ ke, “Jamɛ a ligbi ɔ, ma gbla ma tsɔli ɔmɛ, matsɛbimɛ ɔmɛ, kɛ nihi nɛ peeɔ ma se kusumi níhi tsuo kulaa a tue.

Yeremia 50:6

“Ye ma a ngɛ kaa tohi nɛ a hyɛli ɔmɛ ha nɛ a nane kpata ngɛ yo ɔmɛ a nɔ. A ngɛ kaa tohi nɛ a ngmɛɛ a he, nɛ a wo lalaalo ngɛ yo ɔmɛ a nɔ hluu kɛ ya si a hi he po laa mɛ.

Yeremia 25:12

Jeha nyingmi kpaago ɔ se ɔ, ma gbla Babilonia matsɛ ɔ, kɛ ma a tue ngɛ a ní yayami ɔmɛ a he. Ma kpata Babilonia zugba a hɛ mi pɛsɛpɛsɛ kɛ ya neneene.

Yeremia 11:22

Lɔ ɔ he ɔ, Yawɛ Tabohiatsɛ ɔ de mi ke, “Ma gbla a tue kokooko! Nihewi ɔmɛ ma gbo ngɛ ta nga nɔ, nɛ a bimɛ ɔmɛ lɛɛ hwɔ maa gbe mɛ.

Yeremia 10:21

I he nɔ ke, “Wa nɔ yeli ɔmɛ be juɛmi; a bi we Yawɛ ga womi. Enɛ ɔ he je ɔ, a yɛ́ nɔ; nɛ wa ma mi bi ɔmɛ tsuo gbɛ fĩa.

Yesaya 24:21

Be ma nɛ Yawɛ maa gbla hiɔwe ta a, kɛ zugba a nɔ matsɛmɛ ɔmɛ tsuo a tue.

Yesaya 10:12

Se Yawɛ ke, “Ke i gbe nɔ́ nɛ i ngɛ tsue ngɛ Zion yo ɔ nɔ, kɛ Yerusalem ɔ nya a, ma gbla Asiria matsɛ ɔ tue ngɛ e he nɔ womi, kɛ e fiami babauu ɔ he.”

Lahi 1:9

Mo, ye afɛu yo nɛ i suɔ, ma ngɔ mo kɛ to okpɔngɔ ku nɛ gblaa Farao ɔ zugba lɛ he.

Ezekiel 34:12

Bɔ nɛ to hyɛlɔ hlaa e tohi nɛ gbɛ fĩa, nɛ e buaa a nya ekohu ɔ, jã ma hla ye to ɔmɛ a se blɔ. Ma kpaka mɛ kɛ je he tsuaa he nɛ a gbɛ fĩa ligbi ɔ nɛ jamɛ amanehlu kɔɔhiɔ yaya ba fia mɛ ɔ.

Daniel 11:32

Matsɛ ɔ kɛ nya mi ngɔngɔɛ munyu tumi ma puɛ nihi nɛ kua a jami ɔ a juɛmi, nɛ a ma ba nyɛɛ e se. Se ni nɛmɛ nɛ nyɛɛ Mawu se anɔkuale mi ɔ maa da si kpɛii, nɛ a kɛ mɛ maa to ní.

Hiob 39:25

Ke titimati ɔ pɛ kɛkɛ e fli e gugwɔ mi wawɛɛ. E nuɔ ta he fu ngɛ tsitsaa lokoo. E nuɔ nɛ asafoatsɛmɛ ɔmɛ ngɛ gbi woe, nɛ ose ngɛ pɛe ngɛ ta a mi.

Ezekiel 34:11

“Imi Nyɔmtsɛ Yawɛ, i ngɛ nyɛ dee ke, imi nitsɛ ma hla ye to ɔmɛ a se blɔ, nɛ ma hyɛ a nɔ.