Zakaria 10:10 - BAIBLO ALOO NGMAMI KLƆUKLƆU Ɔ

¹⁰ Ma kpale mɛ kɛ maa je Egipt, nɛ ma bua a nya kɛ maa je Asiria kɛ ba we, nɛ a ma ba hi mɛ nitsɛmɛ a zugba nɔ; Gilead kɛ ya pue Lebanon zugba amɛ tsuo po be mɛ kpe.

Zakaria 10:10 ပူးပေါင်းရင်းမြစ်များ

Hosea 11:11

A maa je Egipt kɛ ba kɛ fo kaa lohwe pɛlitsɛmɛ. A maa je Asiria kɛ maa ba kaa lahuɛhi. Ma kpale mɛ kɛ ba a we ɔmɛ a mi ekohu. Imi Yawɛ lɛ i de.”

Zakaria 8:7

Yawɛ Tabohiatsɛ ɔ ke ma ya kpɔ ye ma a kɛ je beleku je, kɛ bonyoku je ma amɛ a mi.

Mika 7:14

Yawɛ, moo hyɛ o ma a nɛ o hla a nɔ kaa bɔ nɛ to hyɛlɔ tsɔɔ e tohi. E ngɛ mi kaa a gbɛ ngɔ fia nga a nɔ mohu, se zugba kpakpa nɛ baa ní bɔle mɛ. Ha nɛ a ya ye Bashan kɛ Gilead zugba kpakpa amɛ a nɔ ní kaa bɔ nɛ a pee blema a.

Obadia 1:20

“Israel bi nɛ a nuu kɛ ho ɔ maa kpale ba ngɔ Kanaan bi a zugba a kɛ yaa si Zarefat. Ni nɛmɛ nɛ a nuu kɛ je Yerusalem kɛ ho Sefarad ya a maa ngɔ Yuda leneyi je ma amɛ.

Yeremia 50:19

Ma kpale Israel bi ɔmɛ kɛ ba mɛ nitsɛmɛ a zugba a nɔ ekohu. A maa ye niye ní nɛ baa ngɛ Karmel yo ɔ nɔ, kɛ Bashan zugba a nɔ ɔ. A ma na ní maa ye bɔ nɛ a suɔ ngɛ Efraim kɛ Gilead zugba a nɔ.

Yeremia 22:6

“Yuda matsɛ we ɔ ngɛ fɛu ngɛ ye hɛ mi kaa bɔ nɛ Gilead zugba a, loo Lebanon yo ɔmɛ ngɛ ɔ. Se kɛ̃ ɔ, ma ha lejɛ ɔ maa pee we doku nɛ nɔ ko be mi.

Yesaya 60:22

Wɛtso nyafii pe kulaa ma ba pee ma kpetekpleenyɛ. Ke be ɔ su ɔ, imi nitsɛ ma ha nɔ́ nɛ ɔ maa ba mi oya. Imi ji Yawɛ!”

Zakaria 8:8

Ma ya kpale mɛ kɛ ba Yerusalem, nɛ a maa pee ye ma, nɛ imi hu ma pee a Mawu. Ma ye mɛ anɔkuale, nɛ ma pee nɔ́ nɛ da.”

Hosea 11:10

“Ke i huã kikɛ nɛ ɔ kaa jata a, ye ma a maa nyɛɛ ye se. A he maa sɔ kɛ maa je bonyoku je kɛ ba.