Zakaria 10:1 - BAIBLO ALOO NGMAMI KLƆUKLƆU Ɔ

¹ Nyɛɛ fa kue ha Yawɛ, konɛ e ha nɛ hiɔmi nɛ nɛ gbo kɛ gbiɛ. Ejakaa Yawɛ lɛ haa bɔku hiaa ngɛ ahumi mi; lɛ nɛ e haa hiɔmi nɛɛɔ, nɛ nɔ tsuaa nɔ ngmɔ baa ní.

Zakaria 10:1 ပူးပေါင်းရင်းမြစ်များ

Yesaya 44:3

“Nihi nɛ kuma ngɛ mɛ yee ɔ, ma ha mɛ nyu nɛ a nu. Ma ha zugba gbigbli ɔ nyu, nɛ pahi maa hia. Ma ngɔ ye mumi ɔ kɛ wo o bimɛ ɔmɛ a mi, nɛ ma gbaa o nina a.

Yakobo 5:7

Ye nyɛmimɛ nɛ i suɔ, e hia kaa nyɛɛ to nyɛ tsui si kɛ ya su be nɛ Nyɔmtsɛ ɔ maa ba. Nyɛɛ hyɛ bɔ nɛ ngmɔ hulɔ toɔ e tsui si, nɛ e mlɛɔ kɛ ya siɔ zugba a baa ní saminya. E toɔ e tsui si, nɛ e mlɛɔ kɛ ya siɔ gbo kɛ gbiɛ nyu nɛɔ pueɔ dumi ní ɔ nɔ.

Ezekiel 36:37

Nyɔmtsɛ Yawɛ ke, “Nɔ́ kake nɛ Israel bi ɔmɛ ma bi mi nɛ ma pee ha mɛ ji, ma ha a he nɛ hiɛ babauu kaa to kuu.

Yesaya 30:23

Ke nyɛ du ní ɔ, Yawɛ ma ha hiɔmi maa nɛ kɛ pue zugba a nɔ, nɛ niye ní babauu maa ba; jamɛ a be ɔ mi ɔ, nyɛ na amɛ ma na zugba agbo nɛ a maa ye ní ngɛ nɔ.

La 65:9

O slaa zugba a, o haa lɛ nyu, nɛ e baa ní babauu. Ke o ha pa a hyi kikɛ nɛ ɔ, ngmɔ ɔmɛ baa ní saminya. Bɔ nɛ o peeɔ lɛ ha ji nɛ ɔ nɛ.

Mose V, 28:23

Hiɔmi be nɛe, nɛ zugba a he maa wa kaa dade.

Yohane 16:23

“Jamɛ a ligbi ɔ, e be hiae kaa nyɛ bi mi nɔ́ ko hu. I ngɛ nyɛ dee anɔkuale mi ke, nɔ́ tsuaa nɔ́ he pɛɛ nɛ nyɛ ma kpa Tsɛ ɔ ngɛ ye biɛ mi ɔ, e maa pee ha nyɛ.

Mika 5:7

Israel ma nɛ piɛ ɔ ma ha nɛ je mahi babauu ma na bua jɔmi ekohu kaa bɔ́ nɛ je Yawɛ ngɔ, aloo hiɔmi nɛ́ nɛ ngɔ pue nga nɔ. A maa ngɔ a hɛ ngɔ fɔ Mawu nɔ, se pi nɔmlɔ nɔ.

Amos 4:7

Yawɛ ke, “Benɛ e piɛ nyɔhiɔ etɛ nɛ a ma kpa nyɛ ngmɔ niba ní ɔ, i tsi hiɔmi nya. I ha nɛ hiɔmi nɛ ngɛ ma ko mi, se ma kpa ko mi lɛɛ e nɛ́. Hiɔmi nɛ ngɔ pue ngmɔ ko nɔ, se ngmɔ ko lɛɛ e nɔ gbli.

Hosea 10:12

I de ke, ‘Nyɛɛ ye dami sane, konɛ ma suɔ nyɛ, nɛ ma gbaa nyɛ. Nyɛ tsake nyɛ tsui; ejakaa be ɔ su nɛ nyɛ ma hla imi Yawɛ, ye se blɔ. Kɛkɛ ɔ, ma ha dami sane yemi ma he si kaa bɔ nɛ hiɔmi nɛɛ ɔ.’

Ezekiel 34:26

“Ma gbaa mɛ; nɛ ma ha a maa hi ye yo klɔuklɔu ɔ he tsuo kɛ kpe. Ma ha hiɔmi maa nɛ bɔ nɛ sa ngɛ e be mi ha mɛ. Ma gbaa mɛ kɛ hiɔmi babauu.

Yeremia 14:22

Je ma amɛ a we amaga amɛ ekoeko be nɛ ma ha nɛ hiɔmi maa nɛ ha wɔ; hiɔwe tete po be nyɛe ma ha nɛ hiɔmi maa nɛ. Yawɛ, wa Mawu, o nɔ wa ngɔ wa hɛ kɛ fɔ, ejakaa mo lɛ o peeɔ ní nɛ ɔmɛ tsuo.

Yeremia 10:13

Ke e wo gbi kikɛ nɛ ɔ, nyu nɛ ngɛ hiɔwe ɔ keɔ wawɛɛ nitsɛ; Yawɛ lɛ haa afua teɔ si kɛ jeɔ zugba a nyagbe he ɔmɛ. E haa oslabai gbaa be mi nɛ hiɔmi ngɛ nɛe, nɛ e jeɔ kɔɔhiɔ kpo kɛ jeɔ e nito he ɔ.

Yesaya 5:6

Ma ha nɛ ngmɔ ɔ mi nɛ hɛ. I be wai tso ɔmɛ a he sãe, nɛ ngmɔ ɔ mi hu i be hue. Nɔ́ nɛ ma pee mohu ji, ma ngmɛ blɔ nɛ mio tso, kɛ mio maa puɛ ngɛ ngmɔ ɔ nɔ. Pi lɔ ɔ kɛkɛ, se mohu i be hae nɛ hiɔmi nɛ nɛ ngɔ pue ngmɔ ɔ nɔ hu.”

Abɛ Womi 16:15

Nihi nɛ matsɛ suɔ mɛ ɔ, e naa mɛ mɔbɔ. A wami si himi peeɔ kpakpa, kaa bɔ nɛ bɔku haa nɛ gbo nyu nɛɔ pueɔ si ɔ.

La 104:13

O haa nɛ nyu nɛɛ kɛ jeɔ hiɔwe kɛ pueɔ yo ɔmɛ a nɔ; nɛ je ɔ mi hyi tɔ kɛ o gbaami sɔuu.

Yeremia 51:16

Ke e wo gbi kikɛ nɛ ɔ, nyu nɛ ngɛ hiɔwe ɔ keɔ wawɛɛ nitsɛ; Yawɛ haa nɛ afua teɔ si kɛ jeɔ zugba a nyagbe he ɔmɛ. E haa oslabai gbaa, be mi nɛ hiɔmi ngɛ nɛe, nɛ e jeɔ kɔɔhiɔ kpo kɛ jeɔ e nito he ɔ.

Matsɛmɛ I, 17:1

Gbalɔ ko nɛ a tsɛɛ lɛ Eliya, nɛ je Tishbe ngɛ Gilead ɔ de Matsɛ Ahab ke, “Ina Yawɛ, Israel Mawu ɔ nɛ i jaa lɛ ɔ kaa bɔ́, aloo hiɔmi be nɛe ngɛ hiɛmɛ nɛ ɔ jeha enyɔ, loo etɛ kɛ yaa si be nɛ ma tsɔɔ.”

1 Korintobi 3:6

Imi lɛ i ba ma tso ɔ. Apolo ba pue nɔ nyu, se Mawu lɛ ha nɛ tso ɔ wa.

Hosea 6:3

Nyɛ ha waa bɔ mɔde nɛ waa le Yawɛ saminya. Kaa bɔ nɛ je naa daa ligbi, nɛ hiɔmi hu nɛɛɔ ngɔ pueɔ zugba daa gbo kɛ gbiɛ ɔ, ke wa hla Yawɛ se blɔ ɔ, lɛ hu e maa ba wa ngɔ.”

La 72:6

Ha nɛ matsɛ ɔ yi nɔ nɛ jɔ kaa hiɔmi nɛ nɛɛ pueɔ ngmɔ nɔ nɛ haa zugba a nyu ɔ.

Hiob 29:23

Ke pee ɔ, a hyɛɛ mi blɔ nɛ ma ba tu mɛ munyu kaa bɔ nɛ nihi nɛ nyu he hia mɛ hyɛɛ gbo hiɔmi nɛmi blɔ ɔ.

La 135:7

Lɛ nɛ e haa bɔku teɔ si ngɛ je ɔ nyagbe he; e pee oslabai kɛ ha hiɔmi, nɛ e jeɔ kɔɔhiɔ kpo kɛ jee e to he ɔmɛ.

Yeremia 5:24

Nyɛ susuu we hyɛ kaa e sa kaa nyɛɛ wo imi Yawɛ, nyɛ Mawu ɔ, ye hɛ mi nyami: imi nɛ i haa nɛ gbo kɛ gbiɛ nyu nɛɛ ha nyɛ ngɛ be nɛ sa mi, nɛ i haa nɛ nyɛ kpaa ní daa jeha a!