Zakaria 1:8 - BAIBLO ALOO NGMAMI KLƆUKLƆU Ɔ

⁸ Nyɔ mi ɔ, i na Yawɛ bɔfo ko ngɛ okpɔngɔ tsutsuu ko nɔ. E ha e we okpɔngɔ ɔ da si ngɛ mɔmɔ tso komɛ a kpɛti ngɛ kɔ̃ ko mi. Okpɔngɔ kpahi daa si ngɛ a se, okpɔngɔ tsutsuuhi, okpɔngɔ futaahi, kɛ ekomɛ nɛ hɛɛ kɔbɛi su.

Zakaria 1:8 ပူးပေါင်းရင်းမြစ်များ

Mose I, 20:3

Ligbi ko nyɔ mi ɔ, Mawu je e he kpo ngɔ tsɔɔ Abimelek ngɛ nlami mi, nɛ e de lɛ ke, “Akɛnɛ o ya ngɔ yo nɛ ɔ he je ɔ, o ma gbo; nɔ ko yo ji lɛ.”

Mose I, 46:2

Nyɔ mi ɔ, Mawu kɛ lɛ tu munyu ngɛ nina mi. Mawu tsɛ lɛ ke, “Yakob, Yakob!” Yakob he nɔ ke, “I ngɛ hiɛ ɔ.”

Matsɛmɛ I, 3:5

Jamɛ a nyɔ ɔ mi ɔ, Yawɛ je e he kpo ngɔ tsɔɔ Salomo ngɛ nlami mi, nɛ e bi lɛ ke, “Mɛni o suɔ nɛ ma ha mo?”

Nehemia 8:15

Lɔ ɔ he ɔ, a fa nɛ a tsɔ kɛ ya Yerusalem, kɛ ma kpa amɛ a mi, nɛ a ya de nɔ tsuaa nɔ ke, “Nyɛɛ je kpo kɛ ya yoku ɔmɛ a nɔ, nɛ nyɛ ya poo oliv tso, ayɔ nu tso, mɔmɔ tso, tã, kɛ tso kpahi nɛ bɔ kusuu a kɔnihi, nɛ nyɛ kɛ ba ma gbahi kaa bɔ nɛ mlaa a tsɔɔ ɔ.”

Hiob 4:13

Munyu nɛ ɔ he susumi ha nɛ dekla nu mi, nɛ i hwɔ we mahe nyɔ ɔ mi tsuo.

Lahi 2:16

I ngɔ ye he ngɔ ha ye suɔlɔ ɔ, nɛ lɛ hu e ngɔ e he ngɔ ha mi. He nɛ nga nɔ mɔmɔhi ngɛ ɔ, lejɛ ɔ e haa e to ɔmɛ ní ngɛ.

Lahi 6:2

Ye suɔlɔ ɔ ho e abɔɔ ɔ mi ya; lejɛ ɔ nɛ tsopa kɛ e he via tso ɔmɛ ngɛ. E ngɛ e to ɔmɛ hyɛe ngɛ lejɛ ɔ, nɛ e ngɛ nga mi mɔmɔhi a nya buae.

Yesaya 41:19

Ma ha seda tso, akasia tso, mɔmɔ tso, kɛ oliv tso maa bɔ ngɛ nga kplanaa a nɔ. Ma ha zugba nɛ nɔ́ ko be nɔ ɔ ma plɛ pee hue nɛ sɛsɛo, papao, kɛ nga mi tsohi ngɛ mi.

Yesaya 55:13

Mio tso nane mi ɔ, sɛsɛo maa puɛ. Tso kpakpa maa puɛ ngɛ mio tso nane mi. E maa pee okadi nɛ maa hi si kɛ maa ya neneene, nɛ a kɛ ma kai nɔ́ nɛ Yawɛ tsu.”

Yesaya 57:15

“Imi ji Mawu klɔuklɔu nɛ hii hiɔwe kɛ yaa neneene ɔ nɛ. I hii he klɔuklɔu ngɛ hiɔwe lokoo; se nɔ nɛ baa e he si ngɛ e mumi mi, nɛ e tsui mi tsɔ ɔ, i kɛ lɛ hiɔ si; i woɔ e mumi kã, konɛ e ngɔ e hɛ ngɔ fɔ ye nɔ, nɛ e na wami he.

Daniel 2:19

Jamɛ a nyɔ ɔ mi nɔuu ɔ, a je laami sane ɔ kpo ngɔ tsɔɔ Daniel ngɛ nina mi, nɛ e je Mawu nɛ ngɛ hiɔwe ɔ yi.

Daniel 7:13

Enɛ ɔ se, nyɔ mi benɛ i ngɛ ní nɛ ɔmɛ hyɛe kɛ mwɔɔ ɔ, i na nɔ́ ko kaa nɔmlɔ adesa nɛ nyɛɛ bɔku mi kɛ ma ye ngɔ. E be kɛ ho nɔ nɛ ngɛ daa a ngɔ ya, nɛ a kɛ lɛ tsɔɔ nɔ nɛ ngɛ daa a.

Daniel 7:2

I na nɛ wo nɔ kɔɔhiɔ nɛ nya wa te ngɛ wo ɔ nɔ, nɛ kɔɔhiɔ ngɛ fiae kɛ je he tsuaa he.

Zakaria 1:10

Jehanɛ ɔ, nyumu ɔ nɛ daa si ngɛ mɔmɔ tso ɔmɛ a kpɛti ɔ he nɔ ke, ‘Ni nɛ ɔmɛ ji nihi nɛ Yawɛ tsɔ mɛ ke a ya slaa je ɔ mi tsuo.’ ”

Zakaria 1:11

Nihi nɛ hii si ngɛ okpɔngɔ kpa amɛ a nɔ ɔ bɔ Yawɛ bɔfo amaniɛ ɔ ke, “Wa ya slaa je ɔ mi tsuo, nɛ wa na kaa tue mi jɔmi ngɛ je ɔ mi he tsuaa he.”

Zakaria 1:7

Matsɛ Darius tsɛ yemi be ɔ jeha enyɔne ɔ, nyɔhiɔ nyɔngma kɛ kakene nɛ a tsɛɛ Shebat ɔ we ligbi nyingmi enyɔ kɛ eywiɛne ɔ, Yawɛ ha imi Zakaria, Berekia bi ɔ sɛ gbi kɛ gu nina ko mi.

Zakaria 13:7

Yawɛ Tabohiatsɛ ɔ ke, “Klaate, tee si ngɔ wo ye huɛ to hyɛlɔ nɛ ngɛ ní tsue ha mi ɔ! Moo fia lɛ nɔ konɛ to ɔmɛ nɛ a gbɛ fĩa. I kɛ tsɔwitsɔwi nɛ ɔmɛ maa to ní.

Mose IV, 12:6

Yawɛ de mɛ ke, “Jehanɛ, nyɛɛ bu mi tue! Ke gbalɔ ko ngɛ nyɛ kpɛti ɔ, ní nami mi nɛ imi Yawɛ, i jeɔ ye he si kɛ tsɔɔ lɛ ngɛ. Nlami mi nɛ i kɛ lɛ tuɔ munyu ngɛ.

Yoshua 5:13

Benɛ Yoshua su Yeriko haa nɛ e wo e yi nɔ ɔ, e na nyumu ko nɛ hɛɛ klaate kɛ daa si ngɛ e hɛ mi. Yoshua ya e ngɔ nɛ e ya bi lɛ ke, “Wa nɔ ji mo, loo wa he nyɛlɔ ji mo?”

Kpojemi 2:1

Nɛ e de ke, “Bɔfo ɔ nɛ ngɛ Efeso asafo ɔ nya a, ngmaa womi nɛ ɔ ya ha lɛ ke, “Nɔ nɛ hɛɛ dodoe kpaago ɔmɛ ngɛ e hiɔ nine mi, nɛ e ngɛ nyɛɛe ngɛ sika tsu kane tso kpaago ɔmɛ a kpɛti ɔ, sɛ gbi nɛ je e ngɔ ji nɛ ɔ nɛ.

Kpojemi 6:2

Benɛ i ke i hyɛɛ ɔ, nyumu ko ji nɛ ɔ nɛ hii si ngɛ okpɔngɔ hiɔ ko nɔ kɛ e dɛ mi kɛ̃ɛ̃. A ha lɛ jlasi, nɛ e je kpo kaa kunimi yelɔ nɛ yaa nɛ e ya ye kunimi.

Kpojemi 6:4

Kɛkɛ nɛ okpɔngɔ kpa ba, nɛ lɛɛ e tsuɔ. Mawu ha okpɔngɔ nɔ hilɔ ɔ he blɔ nɛ e kɛ ta nɛ ba je ɔ mi, konɛ nimli nɛ gbe a he. A ha lɛ klaate gagaa ko.