Zakaria 1:5 - BAIBLO ALOO NGMAMI KLƆUKLƆU Ɔ

⁵ Amlɔ nɛ ɔ, jije nyɛ nɛmɛ ɔmɛ ngɛ? Nɛ gbali ɔmɛ nɛɛ! A ngɛ je mi kɛ mwɔɔ?

Zakaria 1:5 ပူးပေါင်းရင်းမြစ်များ

Matsɛmɛ II, 13:14

Ligbi ko, benɛ gbalɔ Elisha fɔɔ si kɛ gbenɔ hiɔ ɔ, Israel matsɛ, Yehoash ba slaa lɛ, nɛ e fo ya pue e nɔ; nɛ e de ke, “Tsaatsɛ! Tsaatsɛ! Mo ji Israel he falɔ kpanaa!”

Matsɛmɛ II, 13:20

Elisha ba gbo, nɛ a pu lɛ. Daa jeha sisije ɔ, Moab ojo fiali baa nɛ a ba tuaa Israel zugba a.

La 90:10

Wa wami be ɔ tsuo ji jeha nyingmi kpaago. Ke wa ngɛ he wami ɔ, wa naa nyingmi kpaanyɔ, se lɛ tsuo peeɔ haomi kɛ aywilɛho sɔuu. Wa wami se poɔ tlukaa; nɛ wa bee kɛ yaa kaa lohwe pɛlitsɛmɛ nɛ te kɛ bee.

Fiɛlɔ 1:4

Yi nɔhi baa, nɛ a beɔ kɛ yaa. Se je ɔ lɛɛ, bɔ nɛ e ngɛ ɔ, jã kɛ̃ e ngɛ; jã kɛ̃ lɛ e maa hi kɛ maa ya neneene.

Fiɛlɔ 12:5

Nɔ́ kuɔmi maa wo o he gbeye, nɛ nyɛɛmi maa pee mo ahuto. O yi bwɔmi ma hiɛ futafuta. O maa nyɛɛ blɛuu blɛuu kaa angmɛɛtɛ nɛ ngɛ si sãe, nɛ o he mi akɔnɔ tsuo se maa po. Wa yaa wa nyagbe he jɔɔmi he ɔ, nɛ a maa wo yana ngɛ blɔ ɔmɛ a mi.

Fiɛlɔ 12:7

Wa nɔmlɔ tso ɔ maa kpale kɛ ya tabo zu mi he nɛ e je ɔ, nɛ mumi ɔ maa ya Mawu ngɔ. Mawu lɛ ha mumi ɔ nɛ.

Yeremia 36:28

ma kɛ̃ womi kpo kpa, konɛ níhi tsuo nɛ i ngma kɛ wo kekle womi kpo ɔ mi ɔ, ma ngma kɛ wo enɛ ɔ hu mi.

Kɔmɔ Yemi 5:7

Wa nɛmɛ ɔmɛ pee yayami, se amlɔ nɛ ɔ, a be je mi, nɛ wa ba ngɛ nɔ́ nae ngɛ a yayami ɔmɛ a he.

Yohane 8:52

Yuda bi ɔmɛ de lɛ ke, “Jehanɛ lɛɛ wa ná nɔ mi mami kaa mumi yayami ngɛ o mi. Abraham gbo, nɛ gbali ɔmɛ hu gbo, se moo lɛɛ o ngɛ dee ke nɔ tsuaa nɔ nɛ buu o tsɔɔmi tue ɔ be gboe gblegbleegble.

Ni Tsumi 13:36

David ɔ, benɛ e tsu nɔ́ nɛ Mawu to ha lɛ ke e ba tsu ngɛ e be ɔ mi gbe nya a, e gbo, nɛ a pu lɛ ngɛ he nɛ a pu e nɛmɛ ɔmɛ ngɛ ɔ, nɛ e puɛ.

Hebribi 9:27

Mawu to kaa adesa nɛ gbo si kake, nɛ lɔ ɔ se ɔ, a kojo lɛ.

Samuel I, 25:1

Samuel ba gbo, nɛ Israel ma a tsuo ba bua a he nya nɛ a nyɛ ya ha lɛ. Lɔ ɔ se e, a ya pu lɛ ngɛ e we ɔ mi ngɛ Rama. Pee se ɔ, David pue nɔ kɛ ho Paran nga a nɔ ya.