Zakaria 1:2 - BAIBLO ALOO NGMAMI KLƆUKLƆU Ɔ

² “Imi Yawɛ, ye mi mi fu nyɛ nɛmɛ ɔmɛ wawɛɛ nitsɛ,

Zakaria 1:2 ပူးပေါင်းရင်းမြစ်များ

Yeremia 44:6

Enɛ ɔ he je ɔ, ye mi mi la nɛ nya wa a puɛ ní ngɛ Yuda ma amɛ a mi, kɛ Yerusalem gbɛjegbɛ ɔmɛ a nɔ kaa bɔ nɛ la sãã nɔ́ ɔ. Nɛ ma amɛ a hɛ mi kpata, nɛ a pee ma dokuhi kaa bɔ nɛ a ngɛ mwɔnɛ ɔ.

Ezekiel 22:31

Lɔ ɔ he ɔ, i ngɔ abofu nɛ nya wa kɛ gbla a tue. Ye mi mi la a kpata a hɛ mi pɛsɛpɛsɛ ngɛ a ní yayamihi nɛ a pee ɔ a he!” Nyɔmtsɛ Yawɛ lɛ de.

Kɔmɔ Yemi 5:7

Wa nɛmɛ ɔmɛ pee yayami, se amlɔ nɛ ɔ, a be je mi, nɛ wa ba ngɛ nɔ́ nae ngɛ a yayami ɔmɛ a he.

Ni Tsumi 7:52

Gbali ɔmɛ nɛ hi si sa a, nyɛ nɛmɛ ɔmɛ wa mɛ yi mi. A gbe ni nɛmɛ nɛ de to ke dalɔ ɔ maa ba a. Amlɔ nɛ ɔ, lɛ nitsɛ hu nyɛ tsɔɔ e se blɔ, nɛ nyɛ gbe lɛ.

La 60:1

Mawu lee, o sake wɔ kɛ pue he. O mi mi fu wɔ, nɛ o gbɛ wɔ ngɔ fĩa. Se kpale wɔ kɛ ba wa glɛ nɔ ekohu koo!

Ezra 9:13

Níhi nɛ ba wa nɔ ɔ ji yayami nɛ wa pee, kɛ tɔmihi nɛ wa tɔ̃ ɔ a he tue gblami. Se kɛ̃ ɔ, wa na kaa o na wɔ mɔbɔ; o gbla we wa tue bɔ nɛ sa wɔ, nɛ o ha wa ti ni komɛ ngɛ je mi kɛ mwɔɔ.

Matsɛmɛ II, 23:26

Se kɛ̃ ɔ, Yawɛ mi mi fu Yuda wawɛɛ nitsɛ ngɛ níhi nɛ Manase pee ɔ a he; nɛ kɛ ba si jamɛ a be ɔ, e mi mi fumi ɔ nya bɛ si.

Matsɛmɛ II, 22:19

nɛ o pia o he, nɛ o ba o he si ha mi. Benɛ o nu bɔ nɛ i to nɛ ma gbla Yerusalem, kɛ ma mi bi ɔmɛ a tue, kɛ bɔ nɛ i to nɛ ma pee ma a ma doku, nɛ a ma tsɛ ma a biɛ kɛ gbiɛ nɔ ɔ, o kɛ aywilɛho hía o tade ɔmɛ, nɛ o fo ya. Kue nɛ o fa ha mi ɔ, i nu.

Ezekiel 8:18

Lɔ ɔ he ɔ, i kɛ abofu nɛ nya wa ma kple a nɔ. A be mɔbɔ nami ko kulaa nae ngɛ ye hɛngmɛ mi, nɛ i be a yi bae hulɔ. A maa fa kue boboobo kɛ tsɛ mi, se i be mɛ tue bue.”

Zakaria 1:15

Se mahi nɛ a he mi jɔ mɛ, nɛ a tue mi hu jɔ mɛ ɔ, ye mi mi fu mɛ wawɛɛ nitsɛ. Ejakaa imi lɛɛ be bɔɔ ko kɛkɛ ye mi mi fu ye ma a, se jamɛ a ma kpa amɛ lɛɛ a ha ye ma a nɔ́ nami ɔ ngɛ nɔ yae mohu.

Yeremia 32:23

Se benɛ a ba su zugba a nɔ nɛ a ngɔ kɛ pee a weto ní ɔ, a bui mo tue; o mlaa amɛ hu a yi nɔ fɛɛ. Níhi nɛ o fa mɛ ke a pee ɔ, a pee we ekoeko fɛɛ. Enɛ ɔ he je nɛ o kɛ haomi nɛ ɔmɛ tsuo ba a nɔ ɔ nɛ.

Zakaria 7:12

A kplii a tsui konɛ a ko nu mlaahi, kɛ níhi nɛ i ha gbali ɔmɛ nɛ sɛ a hlami ɔ tsɔɔ mɛ ɔ. Enɛ ɔ he ɔ, imi Yawɛ Tabohiatsɛ ɔ, ye mi mi fu mɛ wawɛɛ nitsɛ.

Zakaria 8:14

Bɔ nɛ Yawɛ Tabohiatsɛ ɔ de ji nɛ ɔ nɛ: “Benɛ nyɛ nɛmɛ ɔmɛ wo ye mi mi la a, i kpata nyɛ hɛ mi kaa bɔ nɛ i to ye yi mi ɔ, nɛ mɔbɔ nami ko kulaa be mi.