Zakaria 1:19 - BAIBLO ALOO NGMAMI KLƆUKLƆU Ɔ

¹⁹ Kɛkɛ nɛ i bi Yawɛ bɔfo ɔ nɛ kɛ mi tu munyu ɔ ke, “Koli nɛ ɔmɛ ɔ, mɛni a tsɔɔ?” E he nɔ ke, “Mɛ ji je ɔ mi he wami ɔmɛ nɛ gbɛ Yuda, Israel, kɛ Yerusalem bi ɔmɛ fĩa a nɛ.”

Zakaria 1:19 ပူးပေါင်းရင်းမြစ်များ

Matsɛmɛ I, 22:11

Gbali ɔmɛ a ti nɔ kake nɛ a tsɛɛ lɛ Zedekia, Kenaana binyumu ɔ, pee dade kolihi, nɛ e de Ahab ke, “Bɔ nɛ Yawɛ de ji nɛ ɔ nɛ: ‘Enɛ ɔmɛ ji níhi nɛ o kɛ ma tsitsɛɛ Siria bi ɔmɛ kɛ ya se kɛ yaa si o ma kpata a hɛ mi pɛsɛpɛsɛ.’ ”

Ezra 4:1

Benɛ Yuda bi ɔmɛ, kɛ Benyamin bi ɔmɛ a he nyɛli ɔmɛ nu kaa nihi nɛ kpale kɛ je ma se kɛ ba a ba bɔni Yawɛ, Israel Mawu ɔ we ɔ mami ekohu ɔ,

Ezra 4:4

Se nihi nɛ ngɛ zugba a nɔ ɔ wo Yuda bi ɔmɛ a he gbeye, konɛ a nine mi nɛ je wu, nɛ a ko nyɛ Mawu we ɔ nɛ a ma.

Ezra 4:7

Benɛ Persia matsɛ, Artaherhes ngɛ tsɛ yee ɔ hu Bishlam, Mitredat, kɛ Tabeel kɛ a huɛmɛ ɔmɛ nɛ piɛ ɔ, ngma womi kɛ ya ha matsɛ ɔ. A ngma ngɛ Aram gbi mi, nɛ a tsɔɔ sisi ha matsɛ ɔ.

Ezra 5:3

Jamɛ a be ɔ mi kɛ̃ ɔ, amlaalo Tatenai nɛ ngɛ Yufrate pa a se ɔ, kɛ Sheta Bozenai, kɛ a nyɛmimɛ ɔmɛ ba Yerusalem, nɛ a ba bi ke, “Mɛnɔ ha nyɛ he wami ke nyɛɛ ma Mawu we ɔ, nɛ nyɛɛ fia gbogbo ɔ?”

La 75:4

I ngɛ he nɔ woli dee ke, ‘Nyɛ ko fĩa!’ I ngɛ yiwutsotsɛmɛ dee ke, ‘Nyɛ ko wo nyɛ he nɔ!’

La 75:5

Nyɛ ko wo nyɛ he nɔ kɛ si Hiɔwe No ɔ; nyɛ ko wo nyɛ kuɛ nɔ kɛ tu he nɔ womi munyu.”

Yeremia 48:25

Moab he wami kpetekpleenyɛ ɔ je e dɛ; a kpata Moab hɛ mi. Imi, Yawɛ lɛ i de.”

Daniel 12:7

Bɔfo ɔ wo e nine enyɔ ɔmɛ tsuo a nɔ kɛ tsɔɔ hiɔwe, nɛ e ka kita ngɛ Mawu nɛ ngɛ daa a biɛ mi. I nu nɛ e de ke, “Kɛ yaa si jeha etɛ kɛ fa nɛ a wa Mawu ma a yi mi ta a, kɛkɛ ní nɛ ɔmɛ kulaa maa ba mi.”

Daniel 7:16

I ho ya na ni nɛmɛ nɛ daa si ngɛ lejɛ ɔ a ti nɔ kake, nɛ i de lɛ ke e tsɔɔ mi ní nɛ ɔmɛ tsuo a sisi. Nɛ e pee ja.

Amos 6:13

Nyɛ woɔ nyɛ he nɔ, ejakaa nyɛ ngɔ Lodebar ma a. Nyɛ fĩaa nɛ nyɛ deɔ ke, “Wɔ nitsɛmɛ wa he wami nya nɛ wa ngɔ Karnaim ɔ nɛ.”

Habakuk 3:14

Benɛ he nyɛli ɔmɛ hia ta kɛ ma puu kaa ahumi, konɛ a ba gbɛ wɔ ngɔ fĩa, nɛ e pee mɛ kaa peepee ta wa he, nɛ balɔ ko be, lɔ ɔ a nine gbe wɔ ɔ, o tsɛ o kɛ̃ɛ̃ mi bi ɔmɛ kɛ ya na a tatsɛ nɔkɔtɔma a.

Zakaria 1:18

I na nina kpa; i na lohwe koli eywiɛ.

Zakaria 1:21

I bi ke, “Mɛni nimli nɛ ɔmɛ hu ma peemi?” E he nɔ ke, “Ni nɛ ɔmɛ ba konɛ koli ɔmɛ nɛ kpata Yuda hɛ mi pɛsɛpɛsɛ, nɛ a gbɛ ye ma a ngɔ fĩa a, a ba wo a he gbeye, nɛ́ a kpata a hɛ mi.”

Zakaria 1:9

I bi Yawɛ bɔfo ɔ ke, “Ye nyɔmtsɛ, okpɔngɔ nɛ ɔmɛ ɔ, mɛni a tsɔɔ?” E he nɔ ke, “Ma tsɔɔ mo.

Zakaria 2:2

I bi lɛ ke, “Jije o yaa?” E he nɔ ke, “I yaa susu Yerusalem, nɛ ma na e kami kɛ e blimi.”

Zakaria 8:14

Bɔ nɛ Yawɛ Tabohiatsɛ ɔ de ji nɛ ɔ nɛ: “Benɛ nyɛ nɛmɛ ɔmɛ wo ye mi mi la a, i kpata nyɛ hɛ mi kaa bɔ nɛ i to ye yi mi ɔ, nɛ mɔbɔ nami ko kulaa be mi.