Zakaria 1:18 - BAIBLO ALOO NGMAMI KLƆUKLƆU Ɔ

¹⁸ I na nina kpa; i na lohwe koli eywiɛ.

Zakaria 1:18 ပူးပေါင်းရင်းမြစ်များ

Matsɛmɛ I, 22:11

Gbali ɔmɛ a ti nɔ kake nɛ a tsɛɛ lɛ Zedekia, Kenaana binyumu ɔ, pee dade kolihi, nɛ e de Ahab ke, “Bɔ nɛ Yawɛ de ji nɛ ɔ nɛ: ‘Enɛ ɔmɛ ji níhi nɛ o kɛ ma tsitsɛɛ Siria bi ɔmɛ kɛ ya se kɛ yaa si o ma kpata a hɛ mi pɛsɛpɛsɛ.’ ”

Matsɛmɛ II, 15:29

Israel matsɛ, Peka yi nɔ ɔ, Asiria matsɛ, Tiglat Pileser ba ngɔ Iyon, Abel Bet Maaka, Yanoa, Kedesh, Hazor, Gilead, kɛ Galilea-Naftali zugba a tsuo; nɛ e ngɔ nimli nɛ ɔmɛ nyɔguɛ kɛ ho Asiria ya.

Zakaria 1:17

Bɔfo ɔ de mi hulɔ ke ma fiɛ ke, “Yawɛ Tabohiatsɛ ɔ ke e ma amɛ ma ná ní kpɔtɔɔ ekohu. Yawɛ maa kpale ba ngɔ Yerusalem ekohu kaa lɛ nitsɛ e ma; nɛ e maa wo Zion bua.”

Zakaria 1:19

Kɛkɛ nɛ i bi Yawɛ bɔfo ɔ nɛ kɛ mi tu munyu ɔ ke, “Koli nɛ ɔmɛ ɔ, mɛni a tsɔɔ?” E he nɔ ke, “Mɛ ji je ɔ mi he wami ɔmɛ nɛ gbɛ Yuda, Israel, kɛ Yerusalem bi ɔmɛ fĩa a nɛ.”

Zakaria 2:1

I na nina kpa ko hulɔ. I na nɛ nyumu ko hɛɛ nɔ́ susumi kpa ngɛ e dɛ mi.

Zakaria 5:1

Jehanɛ i na nina kpa ko. I na womi kpo ko nɛ te kɛ bee.

Zakaria 5:5

Bɔfo ɔ nɛ kɛ mi tu munyu ɔ ba je e he si tsɔɔ mi ekohu, nɛ e de mi ke, “Wo o hɛ nɔ nɛ o hyɛ nɔ́ nɛ je kpo kɛ ma nɛ ɔ!”

Zakaria 5:9

Benɛ ma wo ye hɛ nɔ nɛ ma hyɛ ɔ, ne yi enyɔ komɛ nɛ ngɛ tee kɛ ma ye ngɔ kɛ a pɛlihi kaa pa nɔ kayo pɛli. Kɛkɛ nɛ a ba ngɔ kusii ɔ kɛ ho kɔɔhiɔ mi ya.

Zakaria 6:1

I na nina kpa hulɔ. Jehanɛ lɛɛ i na ta zugba lɛ eywiɛ komɛ nɛ je kpo ngɛ yo enyɔ komɛ a kpɛ kɛ ma. Akɔblee sɔuu ji yo ɔmɛ.

Yoshua 5:13

Benɛ Yoshua su Yeriko haa nɛ e wo e yi nɔ ɔ, e na nyumu ko nɛ hɛɛ klaate kɛ daa si ngɛ e hɛ mi. Yoshua ya e ngɔ nɛ e ya bi lɛ ke, “Wa nɔ ji mo, loo wa he nyɛlɔ ji mo?”