Zakaria 1:17 - BAIBLO ALOO NGMAMI KLƆUKLƆU Ɔ

¹⁷ Bɔfo ɔ de mi hulɔ ke ma fiɛ ke, “Yawɛ Tabohiatsɛ ɔ ke e ma amɛ ma ná ní kpɔtɔɔ ekohu. Yawɛ maa kpale ba ngɔ Yerusalem ekohu kaa lɛ nitsɛ e ma; nɛ e maa wo Zion bua.”

Zakaria 1:17 ပူးပေါင်းရင်းမြစ်များ

Yesaya 51:3

“Ma jɔɔ Yerusalem bua; nihi tsuo nɛ ngɛ Yerusalem we doku ɔmɛ a mi ɔ, ma jɔɔ a bua. E zugba a pee nga kplanaa lɛɛ, se ma ha e ma plɛ pee ngmɔ kaa ngmɔ ɔ nɛ i pee ngɛ Eden ɔ. Ma a mi bi ɔmɛ a bua maa jɔ saminya, a ma nya nɛ a ma la yi jemi, kɛ sina lahi.

Zakaria 2:12

Jehanɛ, Yawɛ maa ngɔ Yuda kaa e nɔ́ nɛ he hia saminya ngɛ e zugba klɔuklɔu ɔ nɔ, nɛ Yerusalem maa pee ma nɛ e suɔ pe kulaa ekohu.

Yesaya 14:1

Yawɛ maa na e ma Israel mɔbɔ ekohu, nɛ e ma ná a he tsui kaa lɛ nitsɛ e ma. E maa to mɛ si ngɛ mɛ nitsɛmɛ a zugba nɔ. Nibwɔhi ma ba to mɛ, nɛ a kɛ mɛ maa hi si.

Obadia 1:20

“Israel bi nɛ a nuu kɛ ho ɔ maa kpale ba ngɔ Kanaan bi a zugba a kɛ yaa si Zarefat. Ni nɛmɛ nɛ a nuu kɛ je Yerusalem kɛ ho Sefarad ya a maa ngɔ Yuda leneyi je ma amɛ.

Ezekiel 36:33

Nyɔmtsɛ Yawɛ ke, “Ke i tsu nyɛ he kɛ je nyɛ he yayami ɔmɛ tsuo a mi ɔ, ma ha nyɛ ma ba hi nyɛ ma amɛ a mi ekohu, nɛ nyɛ ma dla maa ma we doku ɔmɛ.

Yesaya 66:13

Bɔ nɛ binyɛ haa e bi naa bua jɔmi ɔ, jã ma ha nyɛ bua maa jɔ nyɛ he ngɛ Yerusalem.

Yesaya 54:8

Ye mi mi fu mo wawɛɛ. Kɛkɛ nɛ i je hɛ ngɛ o he be kuku, se jehanɛ lɛɛ ma je ye suɔmi kpo kɛ tsɔɔ mo kɛ maa ya neneene.” Imi Yawɛ yi wami helɔ ɔ, nɛ i de.

Yesaya 52:9

Nyɛ Yerusalem tsu kokoehi, nyɛ bua nɛ jɔ, nɛ nyɛ hwɔ lele! Ejakaa Yawɛ ma he e ma a yi wami, nɛ e maa jɔɔ e ma mi bi ɔmɛ a bua.

Yesaya 44:26

Ke i tsɔ ye tsɔlɔ ke e ya je ye yi mi tomi kpo kɛ tsɔɔ ɔ, munyu nɛ e tuɔ ɔ, i maa nɔ mi, nɛ gbami ɔmɛ tsuo baa mi pɛpɛɛpɛ. I ngɛ Yerusalem dee ke, nihi ma ba hi ma a mi ekohu; a maa ma Yuda ma amɛ ekohu, nɛ nimli ma ba hi a mi. A maa to jamɛ a ma amɛ si ekohu ngɛ ma doku ɔmɛ a nane mi.

La 69:35

Ejakaa Mawu ma he Yerusalem yi wami, e maa pee Yuda ma amɛ ehe ekohu. E tsɔli ɔmɛ maa hi lejɛ ɔ, nɛ zugba a maa pee a nɔ́.

Nehemia 11:20

Israel ma nɛ piɛ ɔ, a kɛ osɔfo ɔmɛ, kɛ Levi bi nɛ piɛ ɔ hi mɛ nitsɛmɛ a zugba nɔ ngɛ Yuda ma kpa amɛ a mi.

Kronika II, 6:6

Se jehanɛ lɛɛ i hla Yerusalem, konɛ a ja mi ngɛ lejɛ ɔ; i hla mo David hulɔ, nɛ o ye ye ma Israel ɔ nɔ.’ ”

Efesobi 1:4

Benɛ a na we nɛ a bɔ je ɔ tete po ɔ, Mawu hla wɔ ngɔ pee lɛ nitsɛ e nihi momo ngɛ Kristo mi. E pee enɛ ɔ, konɛ wa he nɛ tsɔ, nɛ piami ko kó hi wa he ngɛ e hɛ mi. Mawu suɔ wɔ saminya, enɛ ɔ he ɔ,

Zakaria 3:2

Yawɛ de Abosiami ke, “Abosiami, Yawɛ nɛ wo mo hiɔ! Yawɛ, nɔ nɛ hla Yerusalem kɛ pee e nɔ́ ɔ nɛ wo mo hiɔ. Nyumu nɛ ɔ, anɛ pi la tso nɛ ngɛ tsoe nɛ a hia kɛ je la nya nɛ ɔ.”

Amos 9:14

Ma kpale nyɛ, ye ma a kɛ ba nyɛ zugba a nɔ ekohu. Nyɛ ma ba dla nyɛ ma doku ɔmɛ, nɛ nyɛ maa hi a mi. Nyɛ ma du wai yiblii, nɛ nyɛ ma na wai maa nu. Nyɛ ma hu ngmɔ, nɛ nyɛ maa ye e mi ní.

Yeremia 33:13

Ngɛ yo nɔ ma amɛ, kɛ nga nɔ ma amɛ a mi, kɛ Yuda leneyi je, Benyamin zugba a nɔ, Yerusalem kɔpe ɔmɛ, kɛ Yuda ma amɛ a mi ɔ, to hyɛli maa kane a tohi ekohu. Imi, Yawɛ lɛ i de.”

Yeremia 31:13

Jamɛ a be ɔ, yihewi ɔmɛ maa do kɛ bua jɔmi, nɛ nihewi ɔmɛ kɛ nimowi ɔmɛ tsuo ma nya. Ma jɔɔ a bua; ma ha nɛ a kɔmɔ yemi ɔ maa plɛ pee bua jɔmi, nɛ a we aywilɛho ɔ ma plɛ pee nyami.

Yesaya 51:12

Yawɛ ke, “Imi ji nɔ nɛ woɔ mo he wami. Nɔmlɔ adesa nɛ gboɔ, nɛ e wami se kɛmi pi kaa nga nɔ́ po ɔ, mɛni he je o yeɔ lɛ gbeye?

Yesaya 49:13

Nyɛ hiɔwe níhi, nyɛ la kɛ bua jɔmi! Zugba, hwɔ lele! Nyɛ yo ɔmɛ hu nyɛ la! Yawɛ maa jɔɔ e ma a bua; nihi nɛ ngɛ nɔ́ nae ɔ, e maa na mɛ mɔbɔ.

Nehemia 11:3

Israel ma a, osɔfo ɔmɛ, Levi bi ɔmɛ, sɔlemi we ɔ ní tsuli ɔmɛ, kɛ Salomo tsɔli ɔmɛ a nina amɛ lɛɛ a hi mɛ nitsɛmɛ a zugba nɔ, ngɛ a ma amɛ kɛ kɔpe ɔmɛ a mi. Yuda zugba a nɔ ma nimeli nɛ hi Yerusalem ji nɛ ɔmɛ nɛ.

Zakaria 1:14

Bɔfo ɔ de mi ke ma fiɛ nɔ́ nɛ Yawɛ Tabohiatsɛ ɔ de ɔ ke, “Yerusalem, ye ma klɔuklɔu Zion ɔ, i suɔ e sane saminya, nɛ e he nɔ́ dɔɔ mi.

Zakaria 1:18

I na nina kpa; i na lohwe koli eywiɛ.

Zakaria 2:4

Kekle bɔfo ɔ de e nyɛmi ɔ ke, “Tú fo nɛ o ya de niheyo ɔ nɛ hɛɛ nɔ́ susumi kpa a ke nimlihi kɛ nahi babauu maa ba Yerusalem, nɛ e he be hiae kaa a fia gbogbo kɛ wo ma a he.

Yeremia 33:9

Yerusalem ma ha nɛ ma na biɛ, yi jemi, kɛ hɛ mi nyami ngɛ je ma amɛ tsuo a kpɛti, ke je ma amɛ nu ní kpakpahi tsuo nɛ i pee ha ma a. Ke je ma amɛ nu ní nɛ ɔmɛ a he, nɛ a na bɔ nɛ kplɔkɔtɔ, kɛ he jɔmi ba ma a mi ɔ, a tsui maa po nɛ a he maa do blibliibli.”