Zakaria 1:12 - BAIBLO ALOO NGMAMI KLƆUKLƆU Ɔ

¹² Kɛkɛ nɛ Yawɛ bɔfo ɔ de ke, “Yawɛ Tabohiatsɛ, jeha nyingmi kpaago sɔuu ji nɛ ɔ nɛ Yerusalem kɛ Yuda ma amɛ ha nɛ o mi mi wo la. Mɛni be nɛ o bua maa jɔ, nɛ o maa na mɛ mɔbɔ?”

Zakaria 1:12 ပူးပေါင်းရင်းမြစ်များ

Zakaria 7:5

“Bi ni ɔmɛ tsuo, kɛ osɔfo ɔmɛ ke, nɛ a ha hwɔ daa nyɔhiɔ enuɔne ɔ, kɛ kpaanyɔne ɔ jeha nyingmi kpaago ɔ, imi a ha hwɔ ha lo?

Daniel 9:2

Benɛ e ngɛ tsɛ yee ɔ kekleekle jeha a mi ɔ, imi Daniel hu i ya kpa womi klɔuklɔu ɔmɛ a mi. I na ngɛ womi ɔmɛ a mi kaa Yerusalem maa pee ma doku kɛ yaa si jeha nyingmi kpaago. Bɔ nɛ Yawɛ de gbalɔ Yeremia ji nɛ ɔ nɛ.

Yeremia 29:10

“Yawɛ ke, ‘Babilonia jeha nyingmi kpaago ɔ se ɔ, ma kai nyɛ. Nɛ, si nɛ i wo ke ma ngɔ nyɛ kɛ ba we ekohu ɔ, ma ye jamɛ a siwo ɔ nɔ.

La 102:13

O maa te si, nɛ o maa na Zion mɔbɔ. Be ɔ su nɛ o maa na lɛ mɔbɔ; be ɔ nɛ a to ɔ su.

La 74:10

Mawu, kɛ yaa si mɛni be lɛ wa he nyɛli ɔmɛ maa muɔ mo? Anɛ a maa gbe o biɛ ɔ he guɛ kɛ maa ya neneene lo?

Kpojemi 6:10

A kpa ngmlaa wawɛɛ ke, “Nyɔmtsɛ Ope, mo nɛ o ngɛ klɔuklɔu, nɛ o yeɔ anɔkuale! Mɛni be o maa mlɛ kɛ yaa si? Ni ɔmɛ nɛ ngɛ je ɔ mi nɛ a gbe wɔ ɔ, kojo mɛ nɔuu nɛ o gbla a tue!”

Zakaria 1:8

Nyɔ mi ɔ, i na Yawɛ bɔfo ko ngɛ okpɔngɔ tsutsuu ko nɔ. E ha e we okpɔngɔ ɔ da si ngɛ mɔmɔ tso komɛ a kpɛti ngɛ kɔ̃ ko mi. Okpɔngɔ kpahi daa si ngɛ a se, okpɔngɔ tsutsuuhi, okpɔngɔ futaahi, kɛ ekomɛ nɛ hɛɛ kɔbɛi su.

Kronika II, 36:21

Lɔ ɔ he ɔ, nɔ́ nɛ Yawɛ de to kɛ gu gbalɔ Yeremia nɔ ɔ ba mi. Yawɛ lɛ de ke, “Zugba a maa fɔ si jeha nyingmi kpaago, konɛ Hejɔɔmi ligbi ɔmɛ nɛ a yi ɔ, a kɛ tsɔ.”

Hebribi 7:25

Lɔ ɔ he ɔ, nihi tsuo nɛ maa gu e nɔ kɛ ba Mawu ngɔ, amlɔ nɛ ɔ jio, hwɔɔ se jio, e ma he a yi wami. Ejakaa e ngɛ kɛ yaa neneene, nɛ e ngɛ Mawu pɛɛ kpae ha mɛ.

Yesaya 63:9

kɛ je a haomi tsuo kulaa mi. Pi bɔfo ko nɛ e tsɔ, se lɛ nitsɛ lɛ e he a yi wami. E suɔmi, kɛ e mɔbɔ nami he je ɔ, e kpɔ mɛ, nɛ e hɛɛ mɛ saminya ngɛ blema be ɔmɛ tsuo a mi.

La 69:5

Mawu, o le kaa i je kuasia, nɛ ye tɔmi ɔmɛ ngɛ o hɛ mi paa.

La 102:10

ejakaa o mi mi fu mi wawɛɛ nitsɛ. O wo ye nɔ, nɛ o sake mi kɛ fɔ he.

Yeremia 12:4

Wa ngmɔ ɔmɛ a nɔ nga a tsuo gbli. Pu mi lohwehi, kɛ lohwe pɛlitsɛmɛ ngɛ tae. Wa zugba a pee mɔbɔmɔbɔ, ejakaa wa ma mi bi ɔmɛ pee yayami. Nɔ́ nɛ a deɔ ji, “Nɔ́ nɛ wa ngɛ pee nɛ ɔ, Mawu tsa nɛ.” Mɛni be nɔ́ nɛ ɔ maa ya nɔ kɛ yaa si?

Yeremia 15:17

I ya piɛ we nihi nɛ ngɛ mle yee ɔ a he; i kɛ mɛ muɛ, nɛ i kɛ mɛ nya we. Se imi nɔ kake too i hi si kaa bɔ nɛ o fa mi ke ma pee ɔ; ejakaa o ha nɛ ye mi mi fu wawɛɛ nitsɛ.

Yeremia 30:18

Yawɛ ke, “Ma kpale ye ma a kɛ ba a zugba a nɔ ekohu, nɛ ma na we puɔ nya tsuaa we puɔ nya mɔbɔ. A maa ma Yerusalem ekohu ngɛ kpo ɔ nɔ, nɛ matsɛ we ɔ maa ma si ngɛ e ma he.

Daniel 12:6

Kɛkɛ nɛ nɔ kake bi bɔfo ɔ nɛ wo kploba tade kɛ daa si ngɛ pa a yiti je ɔ ke, “Mɛni be kikɛmɛ a nyakpɛ ní nɛ ɔmɛ maa hi si kɛ yaa si loko a se maa po?”

Habakuk 1:2

Yawɛ lee, kɛ yaa su mɛni be ma fa kue kɛ tsɛ mo loko o maa bu mi tue, nɛ o ma kpɔ wɔ kɛ je yi wu tso níhi nɛ a ngɛ wɔ pee ɔ mi?

La 79:5

Yawɛ, mɛni be o mi mi ma fu wɔ kɛ yaa si? O mi mi ma fu wɔ kɛ maa ya neneene lo? Anɛ o mi mi fumi ɔ ma tsa nɔ kaa la nɛ ngɛ tsoe nɛ gbo we lo?

Fiɛlɔ 3:3

Be ngɛ nɛ a gbee; nɛ be ngɛ nɛ a tsaa. Be ngɛ nɛ a kuɔ nɔ́ pueɔ si, nɛ be ngɛ nɛ a maa.

Yesaya 47:6

Ye ma a wo ye mi mi la; lɔ ɔ he ɔ, i bui mɛ kaa ye ma hu. I ngɔ mɛ ngɔ wo o sisi, nɛ o nɛ́ mɛ mɔbɔ ko kulaa; nihi nɛ bwɔ po, o wa mɛ yi mi wawɛɛ nitsɛ.