Yuda 1:8 - BAIBLO ALOO NGMAMI KLƆUKLƆU Ɔ

⁸ Jã nɔuu lakpa tsɔɔli nɛ ɔmɛ hu bleɔ he lo ɔ; a teɔ si kɛ siɔ Mawu nɔ yemi ɔ, nɛ a jɛɔ ni klɔuklɔuhi nɛ ngɛ hiɔwe ɔ po.

Somi He Ɔ

⁸ Ja nɔuu ni nɛ ɔmɛ hu bleɔ he lo ɔ ngɛ a nlamihi a mi, nɛ a gbee Mawu nɔ yemi ɔ he guɛ, nɛ a tuɔ bɔfohi a he munyu yaya.

Yuda 1:8 ပူးပေါင်းရင်းမြစ်များ

Mose I, 3:5

Mawu de ja, ejakaa e le kaa ke nyɛ ye jamɛ a tso ɔ yiblii ɔ, nyɛ hɛngmɛ ma bli, nɛ nyɛ maa hi kaa lɛ Mawu ɔ nitsɛ; nyɛ maa le kpakpa kɛ yayami.”

Mose II, 22:28

“Ko jɛ Mawu; nɛ koo gbiɛ o matsɛ.

Abɛ Womi 30:11

Ni komɛ gbiɛɔ a tsɛmɛ, nɛ a gbaa we a nyɛmɛ.

Abɛ Womi 30:17

Nɔ nɛ gbeɔ e tsɛ he guɛ, nɛ e bui e nyɛ ɔ, kuakualabitehi nɛ ngɛ kɔ̃ ɔ mi ma ta e hɛngmɛ, nɛ okpokuhi maa ye lɛ.

Fiɛlɔ 10:20

Koo gbiɛ matsɛ ngɛ o yi mi po; niatsɛ hu koo gbiɛ lɛ ngɛ o se tsu mi. Lohwe pɛlitsɛ ko maa ngɔ o munyu ɔ kɛ ho nɛ e ya de.

Mose IV, 16:3

A kpe kɛ wo Mose kɛ Aaron a he, nɛ a de mɛ ke, “Nyɛ ngɛ nɔ́ ko pee tsɔ. Ma kpekpemi nɛ ɔ tsuo pɛpɛɛpɛ nimli klɔuklɔuhi ji mɛ; nɛ Yawɛ ngɛ a kpɛti. Mɛni he je mɔ nɛ nyɛ ngɛ nyɛ he nɔ woe ngɛ Yawɛ ma kpekpemi ɔ nɔ ɔ?”

Luka 11:25

Ke e ba a, e ba naa kaa a bɛɛ we ɔ mi, nɛ a dla mi.

Luka 12:11

“Ke a ngɔ nyɛ kɛ ba kpe he ɔmɛ, loo matsɛmɛ, loo ganɔhi a hɛ mi ɔ, bɔ nɛ nyɛ ma plɛ kɛ fa nyɛ he, kɛ nɔ́ nɛ nyɛ ma de ɔ, lɔ ɔ nɛ ko hao nyɛ kulaa.

Luka 19:14

Se e ma mi bi ɔmɛ sume lɛ. Lɔ ɔ he ɔ, a tsɔ nihi kɛ fie e se ke a ya de ke, ‘Wa sume nɛ nyumu nɛ ɔ ba ye wa nɔ matsɛ.’

Ni Tsumi 23:5

Paulo he nɔ ke, “Ye nyɛmimɛ Israel bi, i li kaa lɛ ji osɔfo nɔkɔtɔma pe kulaa a. Ngmami ɔ deɔ ke, ‘O ma mi nɔkɔtɔma a, koo tu e he munyu yaya!’ ”

Ni Tsumi 7:27

Se nɔ nɛ nɔ́ dɛ ɔ tsɛ̃ Mose kɛ ya se, nɛ e bi lɛ ke, ‘Mɛnɔ lɛ wo mo wa nɔ matsɛ kɛ kojolɔ?

Ni Tsumi 7:39

“Wa nɛmɛ ɔmɛ bui lɛ, mohu a hɛɛ lɛ soisoi, nɛ a hla kaa a maa kpale a se kɛ ho Egipt ya ekohu.

1 Korintobi 3:17

Ke nɔ ko puɛ Mawu sɔlemi we ɔ, Mawu ma kpata e hɛ mi. Ejakaa Mawu sɔlemi we ɔ ngɛ klɔuklɔu, nɛ nyɛ ji sɔlemi we ɔ nɛ.

1 Tesalonikabi 4:8

Lɔ ɔ he ɔ, nɔ tsuaa nɔ nɛ bui tsɔɔmi nɛ ɔ, pi nɔmlɔ adesa nɛ e bui, se mohu Mawu, nɔ nɛ ha nyɛ e Mumi Klɔuklɔu ɔ.

1 Timoteo 1:10

Ni kpahi hu nɛ a woɔ mlaa ha mɛ ji nihi nɛ fiɛɔ yo kɛ nyumu yakayaka fiɛmi, nyumuhi nɛ kɛ nyumuhi hwɔɔ, nɔmlɔ juli, nihi nɛ ngɔɔ nya, nihi nɛ kaa kita kɛ yeɔ lakpa odase, kɛ nihi tsuo nɛ peeɔ níhi nɛ kɛ tsɔɔmi kpakpa a yɛ́.

Hebribi 13:17

Nyɛɛ bu nyɛ hɛ mi nyɛɛli ɔmɛ tue, nɛ nyɛɛ ba nyɛ he si ha mɛ. Mɛ lɛ a hyɛɔ nyɛ nɔ daa, nɛ a maa bu akɔtaa ha Mawu. Nyɛ ha nɛ a pee enɛ ɔ kɛ bua jɔmi, se pi kɛ mi mi la, ejakaa lɔ ɔ maa ye nyɛ awi.

1 Petro 2:17

Nyɛɛ bu nɔ tsuaa nɔ; nyɛɛ suɔ nyɛmimɛ ɔmɛ nɛ ngɔ a he ngɔ ha Kristo ɔ; nyɛɛ ye Mawu gbeye, nɛ nyɛɛ bu matsɛ ɔ.