Yuda 1:7 - BAIBLO ALOO NGMAMI KLƆUKLƆU Ɔ

⁷ Nyɛ kai Sodom kɛ Gomora, kɛ mahi nɛ bɔle mɛ kɛ kpe ɔ. Ma nɛ ɔmɛ a mi bi ɔmɛ fiɛ yo kɛ nyumu yakayaka fiɛmi, nɛ a ya nyɛɛ akɔnɔ yayahi a se kaa bɔ nɛ jamɛ a bɔfo ɔmɛ pee ɔ nɔuu. Nimli nɛ ɔmɛ a tue gblami ji kaa a ngɔ mɛ ngɔ wo la nɛ gbo we mi, konɛ a pee okadi kɛ ha nihi tsuo.

Somi He Ɔ

⁷ Nyɛ kai Sodoma kɛ Gomora kɛ mahi nɛ bɔle mɛ nɛ a bɔ ajuama nɛ a nyɛɛ he lo se hluu kaa bɔfo ɔmɛ nɔuu ɔ; a neneene la ami hiɔwo nɛ a naa a ngɛ kaa okadi ko kɛ ha nihi tsuo.

Yuda 1:7 ပူးပေါင်းရင်းမြစ်များ

Mose I, 13:13

Sodom ma a, yiwutsotsɛmɛ ji mɛ, nɛ a pee yayami kɛ si Yawɛ.

Mose I, 18:20

Kɛkɛ nɛ Yawɛ de Abraham ke, “I nu Sodom kɛ Gomora he sane yaya babauu nitsɛ, kaa a yayami ɔ nya wa.

Mose I, 19:5

A tsɛ Lot nɛ a bi lɛ ke, “Nyumu ɔmɛ nɛ ba to mo gbɔkuɛ nɛ ɔ, jije a ngɛ? Je mɛ kpo ha wɔ nɛ waa kɛ mɛ nɛ hwɔ!”

Matsɛmɛ I, 22:46

Nyumuhi nɛ ngɔ a he ngɔ ha ajuama bɔmi, nɛ a sɔmɔɔ ngɛ wɔ piɛ ɔmɛ a mi ngɛ Matsɛ Asa yi nɔ ɔ, Yehoshafat fie a ti ni nɛmɛ nɛ piɛ ɔ tsuo pɛpɛɛpɛ kɛ je zugba a nɔ.

Yesaya 1:9

Kaa Yawɛ Tabohiatsɛ ɔ ha we nɛ wa ti ni komɛ a yi nɛ na wami ɔ, wa ko pee kaa Sodom kɛ Gomora.

Yesaya 13:19

Babilonia nɔ yemi ɔ ji nɔ yemi ko nɛ hɛ mi ngɛ nyami pe kulaa; nɛ lɔ ɔ he ɔ, e mi bi ɔmɛ fĩaa. Se imi Yawɛ, ma kpata Babilon hɛ mi pɛsɛpɛsɛ kaa bɔ nɛ i pee Sodom kɛ Gomora a!

Yesaya 33:14

Yayami peeli nɛ ngɛ Zion ɔ nu sawale, nɛ a he ngɛ doe blibliibli. Nɔ́ nɛ a ngɛ a he bie ji, “La nɛ ngɛ ní puɛe nɛ ɔ, wa ti mɛnɔ ma nyɛ nya maa da? La nɛ ngɛ tsoe nɛ gbo we gblegbleegble nɛ ɔ nɛ, wa ti mɛnɔ ma nyɛ nya maa da?”

Yeremia 20:16

Ha nɛ jamɛ a nyumu ɔ nɛ pee kaa jamɛ a ma amɛ nɛ Yawɛ kpata a hɛ mi nɛ mɔbɔ nami ko be mi ɔ pɛ. Mɔtu ɔ, ha nɛ bubuubui nɛ pɛ kɛ wo lɛ; piani lɛɛ e nu nɛ a he ose ngɛ ta mi,

Yeremia 50:40

Ma kpata Babilon hɛ mi pɛsɛpɛsɛ kaa bɔ nɛ i pee Sodom, kɛ Gomora, kɛ kɔpehi nɛ bɔle ɔ. Nɔ ko nɔ ko be lejɛ ɔ hie hu. Imi, Yawɛ lɛ i de.

Kɔmɔ Yemi 4:6

A gbla ye ma a tue wawɛɛ pe Sodom. Sodom lɛɛ e tue gblami ɔ ba ngɛ hɛngmɛfia mi, nɛ adesa nine be mi.

Hosea 11:8

“Israel ma, kɛ maa pee kɛɛ nɛ ma ngmɛɛ nyɛ he? Kɛ maa pee kɛɛ nɛ ma kua nyɛ? Kɛ maa pee kɛɛ nɛ ma kpata nyɛ hɛ mi kaa bɔ nɛ i pee Adma a? Kɛ maa pee kɛɛ nɛ ma wa nyɛ yi mi kaa bɔ nɛ i pee Zeboyim ɔ? Ye tsui be mi blɔ ngmɛe kaa ma pee jã! Suɔmi nɛ i ngɛ kɛ ha nyɛ ɔ nya wa tsɔ!

Amos 4:11

“I kpata nyɛ ti ni komɛ a hɛ mi kaa bɔ nɛ i pee Sodom kɛ Gomora ma amɛ ɔ. Ni nɛmɛ nɛ a he je mi ɔ ngɛ kaa la tso nɛ a hia kɛ je la mi. Se loloolo ɔ, nyɛ kpale we kɛ bɛ ye ngɔ.” Yawɛ lɛ de.

Mateo 10:15

Niinɛ, i ngɛ nyɛ dee ke, kojomi ligbi ɔ, Mawu maa gbla jamɛ a ma a tue kulaa pe Sodom kɛ Gomora tete.

Mateo 11:24

I ngɛ mo dee ke kojomi ligbi ɔ, Mawu maa na Sodom mɔbɔ kulaa pe mo.”

Mateo 25:41

“Kɛkɛ ɔ, e ma de ni nɛmɛ nɛ ngɛ e muɔ nɔ ɔ ke, ‘Nyɛ nihi nɛ Mawu gbiɛ nyɛ, nyɛɛ je ye nɔ! Neneene la nɛ a dla ngɔ to Abosiami, kɛ e bɔfo ɔmɛ ɔ, nyɛ ya sɛ mi!

Luka 17:29

Ligbi ɔ nɛ Lot je Sodom ɔ, Mawu ha nɛ la nɛ ngɛ tsoe gegeege je hiɔwe ba kpata mɛ tsuo a hɛ mi.

1 Korintobi 6:9

Anɛ nyɛ li kaa yayami peeli be blɔ nya ko ngɛ Mawu matsɛ yemi ɔ mi lo? Nyɛ ko sisi nyɛ he! Yaholi, loo amaga jali, loo gba puɛli, loo nyumuhi kɛ yihi sɔuu nɛ kɛ a sibi peeɔ yakayaka ní,

Mose V, 29:23

La zu, kɛ ngo maa ha ngmɔ ɔmɛ tsuo a nɔ. Nɔ́ ko nɔ́ ko be hie dumi ngɛ nɔ hu, nɛ nga po be puɛe ngɛ nɔ. Nyɛ zugba a maa pee kaa Sodom kɛ Gomora, kɛ Adma kɛ Zeboiim nɛ Yawɛ kpata a hɛ mi benɛ e mi mi fu wawɛɛ ɔ.

2 Tesalonikabi 1:7

Nɛ nyɛ ni nɛmɛ nɛ nyɛ ngɛ nɔ́ nae ɔ, e ma ha waa kɛ nyɛ tsuo he jɔmi. E maa pee enɛ ɔ, be mi nɛ Nyɔmtsɛ Yesu maa hia kpo kɛ je hiɔwe kɛ e bɔfo katsɛmɛ ɔmɛ,

2 Tesalonikabi 1:8

kɛ la nɛ ngɛ tsoe plamplam. Nihi nɛ li Mawu, kɛ ni nɛmɛ nɛ bui Nyɔmtsɛ Yesu sane kpakpa a, e kɛ mɛ maa to ní.

2 Petro 2:2

Nihi babauu maa nyɛɛ a se kɛ yakayaka je mi bami, nɛ a he ɔ, nihi maa tu munyu kɛ si Kristo, kɛ e blɔ ɔ.

2 Petro 2:6

Mawu gbla Sodom kɛ Gomora ma amɛ a tue. E ngɔ la kɛ kpata ma nɛ ɔmɛ a hɛ mi ngɔ to okadi kɛ tsɔɔ nɔ́ nɛ maa ba yayami peeli a nɔ.

2 Petro 3:7

Se hiɔwe kɛ zugba a nɛ ngɛ amlɔ nɛ ɔ, munyu nɛ je Mawu nya a nɔuu lɛ hɛɛ mɛ, konɛ a kɛ la nɛ ba kpata a hɛ mi hwɔɔ se. Jamɛ a ligbi ɔ, a maa kojo nihi tsuo nɛ li Mawu, nɛ a ma kpata a hɛ mi.