Yuda 1:5 - BAIBLO ALOO NGMAMI KLƆUKLƆU Ɔ

⁵ Nyɛ le enɛ ɔ momo lɛɛ, se i suɔ kaa ma kai nyɛ. Benɛ Nyɔmtsɛ ɔ jé Israel bi ɔmɛ si kake nyɔngloo kɛ je Egipt se ɔ, e kpata ni nɛmɛ nɛ he we yi ɔ a hɛ mi.

Somi He Ɔ

⁵ Nyɛ le enɛ lɛɛ, se i ngɛ hlae nɛ ma kai nyɛ, kaa benɛ Nyɔmtsɛ je e ma a kɛ je Mizraim ɔ, lɔ ɔ se ɔ, e kpata nihɛmɛ nɛ he we yi ɔmɛ a hɛ mi.

Yuda 1:5 ပူးပေါင်းရင်းမြစ်များ

La 106:26

Enɛ ɔ he je ɔ, e wo e nine nɔ nɛ e ka mɛ kita kaa e ma kpata a hɛ mi ngɛ nga a nɔ,

Mose II, 12:51

Nɛ jamɛ a ligbi ɔ nɔuu ɔ, Yawɛ je Israel bi ɔmɛ kɛ je Egipt zugba a nɔ wɛtso nya wɛtso nya.

Romabi 15:15

Se kɛ̃, i ngma womi nɛ ɔ kɛ ngɛ ní nɛ ɔmɛ ekomɛ a nɔ ta woe kaa a he hia. I kɛ hɛdɔ ngɛ ní nɛ ɔmɛ ngmae kɛ kai nyɛ kaa Mawu dloomi ɔ nya a,

Mose V, 1:32

Se nɛ i de nyɛ nɔ́ nɛ ɔ se po, nyɛ he we Yawɛ, nyɛ Mawu ɔ yi,

Hebribi 3:16

Mɛnɔmɛ lɛ a nu Mawu gbi, nɛ a tsɔ atuã a? Anɛ pi nihi nɛ Mose kɛ mɛ je Egipt ɔ tsuo lo?

2 Petro 3:1

Nyɛmimɛ nɛ i suɔ, enɛ ɔ ji womi enyɔne nɛ i ngɛ nyɛ ngmae. I bɔ mɔde ngɛ womi nɛ ɔmɛ tsuo a mi kaa ma tsɛ nyɛ juɛmi se kɛ ba níhi nɛ nyɛ le momo ɔ a he.

1 Yohane 2:20

Se nyɛɛ lɛɛ, Kristo ha nyɛ Mumi Klɔuklɔu ɔ, nɛ lɔ ɔ he ɔ, nyɛ tsuo nyɛ le anɔkuale ɔ.

1 Yohane 2:21

Pi kaa anɔkuale ɔ nɛ nyɛ li nɛ i ngɛ nyɛ womi nɛ ɔ ngmae. Dɛbi! Akɛnɛ nyɛ le anɔkuale ɔ, lɔ ɔ he mohu nɛ i ngɛ nyɛ womi ɔ ngmae ɔ nɛ; nɛ nyɛ le hu kaa anɔkuale ɔ, lakpa be mi.