Yuda 1:4 - BAIBLO ALOO NGMAMI KLƆUKLƆU Ɔ

⁴ I ngɛ enɛ ɔ dee, ejakaa ni komɛ nɛ li Mawu ju si ba sɛ wa kpɛti. Sɛ gbi nɛ kɔɔ dloomi nɛ Mawu dloo wɔ ɔ he ɔ, nimli nɛ ɔmɛ plɛ hɛ mi ngɔ bu si, bɔ nɛ pee nɛ a kɛ laa a yakayaka ní peemi ɔmɛ a nɔ. Yesu Kristo, wa Tsɔɔlɔ, kɛ wa Nyɔmtsɛ kake too ɔ hu a kua lɛ. Blema lokoo lɛ ngmami ɔmɛ de to kaa a ma kpata nimli nɛ ɔmɛ a hɛ mi.

Somi He Ɔ

⁴ Ejakaa ni komɛ ju si kɛ sɛ mi, nihi nɛ blema lokoo a je nɛ a ngma a he sane ngɔ fɔ si ha kikɛmɛ a fɔ bumi nɛ, nɔ yaya peeli nɛ ngɔɔ wa dloomi ɔ kɛ bɔɔ ajuama, nɛ a kuaa Mawu nɛ ji nɔ yelɔ kake pɛ ɔ, kɛ wa Mawetsɛ Yesu Kristo ɔ.

Yuda 1:4 ပူးပေါင်းရင်းမြစ်များ

Samuel II, 22:5

Gbenɔ oslɔke ɔmɛ bɔle mi kɛ kpe; pa yayamihi hia kɛ wo mi.

La 1:1

A gbaa nɔ nɛ bui nimli yayamihi a ga womi tue, nɔ nɛ kɛ yayami peeli bɔɛ, nɛ e hí he fɛu yeli a hi he;

La 62:2

Lɛ pɛ ji ye wesa he, ye yi wami helɔ, kɛ ye he bulɔ, nɛ nɔ ko nɔ ko be mi nyɛe.

Mateo 13:25

Se nyɔ mi benɛ nɔ tsuaa nɔ hwɔ si ɔ, he nyɛlɔ ko ba du hu kɛ futu ngma a, nɛ e je.

Yohane 17:3

Ke a na le kaa mo ji anɔkuale Mawu ɔ, nɛ a le Yesu Kristo, nɔ nɛ o tsɔ ɔ, a ma na neneene wami.

Ni Tsumi 11:23

Benɛ e ya su lejɛ ɔ, nɛ e na bɔ nɛ Mawu gbaa ni ɔmɛ ɔ, e bua jɔ e he, nɛ e tu munyu tsɔɔ mɛ tsuo ke a ye Nyɔmtsɛ ɔ anɔkuale kɛ a tsui tsuo.

Ni Tsumi 15:24

Wa nu kaa wa ti ni komɛ ba nyɛ ngɔ ba doo nyɛ nya kɛ munyu komɛ, nɛ a kɛ puɛ nyɛ juɛmi, pohu wa ha we mɛ mlaa ko ke a ba wo nyɛ.

Galatabi 2:4

Se nyɛmimɛ ɔmɛ a ti lakpatsɛmɛ komɛ gu ga blɔ nɔ kɛ sɛ asafo ɔ mi nigii kɛ ngɛ hlae nɛ a hyɛ bɔ nɛ a maa pee kɛ puɛ he yemi nɛ Kristo ha wɔ ɔ, konɛ a ye wɔ nyɔguɛ.

Galatabi 5:13

Ye nyɛmimɛ, nyɛɛ lɛɛ pe a hla nyɛ, konɛ nyɛ ba ye nyɛ he. Nyɛ he nɛ nyɛ ye nɛ ɔ, nyɛ ko ngɔ lɛ kaa blɔ nya nɛ nyɛ na nɛ nyɛɛ kɛ maa pee níhi nɛ nyɛ nɔmlɔ tso ɔ suɔ. Mohu ɔ, nyɛ ha nɛ nyɛ suɔmi ɔ nɛ je kpo ngɛ nyɛmimɛ a sɔmɔmi mi.

Efesobi 4:14

Jehanɛ ɔ, wa be si hie hu kaa jokuɛwi nɛ heɔ tsɔɔmi yeɔ kaa kɔɔhiɔ mimiɛɔ nɔ́ kɛ yaa kɛ baa, konɛ nihi nɛ toɔ ga yaya, nɛ a yeɔ kutupɔ kɛ sisiɔ nɔ ɔ a nine ko su wa nɔ.

1 Timoteo 5:8

Kristo se nyɛɛlɔ nɛ hyɛ we e nyɛmimɛ a nɔ, titli ɔ, lɛ nitsɛ e we mi bimɛ ɔ, blɔɔ e ngmɛɛ e hemi kɛ yemi ɔ he. Afani nɔ nɛ he we Kristo yi ngɛ kikɛmɛ a nɔmlɔ nɛ ɔ he.

2 Timoteo 2:12

Ke wa mia wa hɛ mi ngɛ nɔ́ nami mi ɔ, waa kɛ lɛ maa ye matsɛ hulɔ. Ke wa kua lɛ ɔ, lɛ hu e ma kua wɔ.

2 Timoteo 3:6

Nimli nɛ ɔmɛ a ti ni komɛ yaa nihi a we mi, nɛ a ya puɛɔ yihi juɛmi flɛflɛtsɛmɛ a yi mi. Yi nɛ ɔmɛ a he yayami plɛ tlomi ha mɛ nitsɛmɛ ngɛ akɔnɔ ní slɔɔtoslɔɔtohi nɛ ngɛ mɛ gblae ɔ a he.

1 Petro 2:16

Nyɛɛ hi si kaa nihi nɛ ye a he, se nyɛ ko ngɔ he yemi nɛ ɔ kɛ pee yayami nɛ nyɛɛ laa nɔ. Mohu ɔ, nyɛɛ hi si kaa Mawu tsɔli.

1 Petro 2:8

Ngmami kpa ko hu de ke, “Enɛ ɔ ji tɛ nɛ ma ha nɛ nihi a nane ma tɛ nɔ; tɛ sa nɛ ma ha nɛ nihi maa nɔɔ si.” A tɛ nɔ́, ejakaa a yi Mawu sɛ gbi ɔ nɔ; bɔ nɛ Mawu to ha mɛ ji ja a nɛ.

1 Petro 4:18

Kaa bɔ nɛ ngmami ɔ deɔ ɔ, “Ke dengme loko a ma he nimli kpakpahi a yi wami ɔ, lɛɛ yayami peeli nɛ li Mawu ɔ, mɛɛ kɛ a nyagbe maa hi kɛɛ?”

2 Petro 2:10

Nimli nɛ ɔmɛ a ti nihi pɔtɛɛ ji ni nɛmɛ nɛ ya nyɛɛɔ he lo mi akɔnɔ yaya se, se Mawu mlaa a lɛɛ a bui. Kikɛmɛ a lakpa tsɔɔli nɛ ɔmɛ a tsui wa; a woɔ a he nɔ, nɛ nibɔ ní kpakpahi nɛ ngɛ hiɔwe po a bui; se mohu a jɛɔ mɛ.

2 Petro 2:7

E he Lot hu yi wami. Lot nɛ ɔ, nɔmlɔ kpakpa ji lɛ, nɛ nihi nɛ bui mlaa a yakayaka je mi bami haoɔ lɛ wawɛɛ.

2 Petro 3:7

Se hiɔwe kɛ zugba a nɛ ngɛ amlɔ nɛ ɔ, munyu nɛ je Mawu nya a nɔuu lɛ hɛɛ mɛ, konɛ a kɛ la nɛ ba kpata a hɛ mi hwɔɔ se. Jamɛ a ligbi ɔ, a maa kojo nihi tsuo nɛ li Mawu, nɛ a ma kpata a hɛ mi.

1 Yohane 2:22

Lɛɛ mɛnɔ ji lakpatsɛ? Ee, nɔ tsuaa nɔ nɛ deɔ ke pi Yesu ji Kristo ɔ, lɛ ji lakpatsɛ ɔ nɛ. Kikɛmɛ a nɔmlɔ nɛ ɔ ji Kristo he nyɛlɔ ɔ nɛ; e kua Tsɛ ɔ, kɛ Bi ɔ tsuo.

Yuda 1:15

E maa kojo nimli tsuo; nihi nɛ li Mawu ɔ, e maa gbla a tue bɔ nɛ sa ngɛ a ní yayami ɔmɛ, kɛ musu bɔmi munyuhi nɛ a tu kɛ si Mawu ɔ a he.”

Yuda 1:18

A de ke, “Nyagbe be ɔ mi ɔ, nihi maa ba nɛ a maa ye nyɛ he fɛu; a maa pee ní yayamihi nɛ mɛ nitsɛmɛ a tsui suɔ.”

Kpojemi 15:4

Nyɔmtsɛ, nihi tsuo maa wo o hɛ mi nyami! Nihi tsuo ma de ke o kle; ejakaa mo pɛ ji nɔ klɔuklɔu. Nihi tsuo nɛ ngɛ je ɔ mi ɔ maa ba nɛ a ma ba ja mo; ejakaa dami sane nɛ o ngɛ yee ɔ, nɔ tsuaa nɔ na paa!”