Yuda 1:3 - BAIBLO ALOO NGMAMI KLƆUKLƆU Ɔ

³ Ye nyɛmimɛ nɛ i suɔ! Jinɛ i ngɛ mɔde bɔe nɛ ma ngma nyɛ womi, nɛ wɔ tsuo wa yi wami hemi sane ɔ, ma tsɔɔ nyɛ nya saminya. Se i na kaa e hia kaa ma ngma nyɛ nɔuu ngɛ nɔ́ kpa he mohu. Lɔ ɔ he ɔ, i kɛ womi nɛ ɔ ngɛ nyɛ mumi mi he wami woe, konɛ hemi kɛ yemi ɔ nɛ Mawu ngɔ ha e nihi nɛ e hla mɛ si kake nyɔngloo ɔ, nyɛɛ hɛɛ mi wawɛɛ.

Somi He Ɔ

³ Mamimɛ, akɛnɛ i ngɛ mɔde bɔe nitsɛ nɛ ma ngma nyɛ wɔ tsuo wa yi wami hemi ɔ he sane ɔ he je ɔ, i na kaa e sa nɛ ma ngma nɛ ma kɛ wo nyɛ he wami konɛ nyɛɛ plee hemi kɛ yemi nɛ a tu ngɔ wo klɔuklɔu bi ɔmɛ a dɛ mi si kake nyɔngloo ɔ he.

Yuda 1:3 ပူးပေါင်းရင်းမြစ်များ

Nehemia 13:25

Lɔ ɔ he ɔ, i ka nyumu ɔmɛ a hɛ mi, nɛ i gbiɛ mɛ; i fia ni komɛ ní, nɛ i hiaa a yi bwɔmi. Jehanɛ, i ha a kɛ Mawu biɛ ka kita ke mɛ nitsɛmɛ, kɛ a binyumu ɔmɛ be nibwɔhi a biyi ɔmɛ ngɔe, nɛ a biyi ɔmɛ hu be nibwɔhi gbae kɔkɔɔkɔ hu.

Yesaya 45:17

Se Israel ma a lɛɛ Yawɛ ma he a yi wami kɛ maa ya neneene; e be hae nɛ a hɛ mi ma pue si kɔkɔɔkɔ.’ ”

Yesaya 45:22

“Nyɛ nimli tsuo ngɛ je ɔ mi, nyɛɛ kpale kɛ ba ye ngɔ jehanɛ, konɛ a he nyɛ yi wami! Ejakaa imi nɔ kake too ji Mawu; Mawu kpa ko be.

Yeremia 9:3

Daa nɛ ɔ, a duɔ a lilɛ nya ngɔ to kaa kɛ̃ɛ̃ nɛ a dɔ mi nɛ a ma tsɛ̃. Lakpa, kɛ sisimi sɔuu ji zugba a nɔ; anɔkuale be. Yawɛ ke, “Ye ma mi bi ɔmɛ peeɔ yayami nɔtonɔto; se imi lɛɛ a li mi kaa a Mawu.”

Ni Tsumi 17:3

E tsɔɔ mɛ níhi a mi faii kaa e sa kaa Kristo ɔ nɛ na amanehlu, nɛ e te si kɛ je gbeje. Paulo de mɛ hulɔ ke, “Yesu, nɛ i ngɛ e he sane jajee kɛ ngɛ nyɛ tsɔɔe nɛ ɔ, lɛ ji Kristo ɔ nɛ.”

Ni Tsumi 18:28

Ejakaa e tu munyu kɛ he wami kɛ ku Yuda bi ɔmɛ a nya la; nɛ e je ngmami ɔmɛ a mi kɛ tsɔɔ mɛ faii kaa Yesu ji Kristo ɔ nɛ.

Ni Tsumi 20:27

Ejakaa i jaje Mawu yi mi tomi ɔ tsuo pɛpɛɛpɛ ngɔ tsɔɔ nyɛ nɛ i laa we nyɛ ba.

Ni Tsumi 28:28

Nyagbe ɔ, Paulo de Yuda bi ɔmɛ ke, “Nyɛ na na nyɛɛ le kaa Mawu ngɔ yi wami hemi munyu ɔ ya ha ma je li ɔmɛ. Mɛɛ lɛɛ a maa bu tue!” [

Ni Tsumi 4:12

Lɛ nɔ kake too pɛ lɛ ma nyɛ ma he nimli a yi wami. E se ɔ, nɔ ko nɔ ko be je ɔ mi nɛ Mawu ha lɛ kikɛmɛ a he wami nɛ ma nyɛ he wa yi wami.”

Ni Tsumi 6:7

Mawu munyu ɔ ya nɔ nɛ e gbɛ fĩa saminya. Nihi nɛ he ye ɔ a he ba hiɛ babauu ngɛ Yeruslem, nɛ Yuda osɔfo ɔmɛ a kpɛti nihi saii nitsɛ he Mawu munyu ɔ ye.

Ni Tsumi 9:13

Se Anania he nɔ ke, “Nyɔmtsɛ, nihi fuu tu kikɛmɛ a nyumu nɛ ɔ he munyu yaya. A tsɔɔ kaa Mawu bimɛ ɔmɛ nɛ ngɛ Yerusalem ɔ, e ha nɛ a na amanehlu babauu nitsɛnitsɛ.

Ni Tsumi 9:22

Se Saulo ya nɔ nɛ e fiɛ kɛ he wami pe kekle ɔ po kɛ tsɔɔ kaa Yesu ji Kristo ɔ nɛ. Enɛ ɔ ha Yuda bi nɛ ngɛ Yerusalem ɔ a nya mi jɔ.

1 Korintobi 15:3

Sɛ gbi nɛ he hia pe kulaa nɛ imi hu i na a, i ngɔ ba ha nyɛ. Lɔ ɔ ji kaa Kristo gbo ngɛ wa he yayami ɔmɛ a he kaa bɔ nɛ ngmami ɔmɛ tsɔɔ ɔ.

Galatabi 2:5

Akɛnɛ wa suɔ kaa nyɛ nine nɛ su anɔkuale ɔ tsuo nɛ ngɛ sane kpakpa a mi ɔ nɔ sisiisi he je ɔ, wa ngɔɛ a munyu ɔ.

Galatabi 3:28

Enɛ ɔ he je ɔ, slɔɔto ko kulaa be nyɛ kpɛti hu: Yuda no be ɔ, Hela no be; nyɔguɛ be ɔ, odehe be; nyumu be ɔ, yo be. Nɛ́ nyɛ tsuo nyɛ ngɛ Kristo Yesu mi nɛ ɔ, nyɛ tsuo nyɛ peeɔ nɔ kake.

Galatabi 6:11

Nyɛɛ hyɛ bɔ nɛ i kɛ imi nitsɛ ye nine ngma ní agboagbo kɛ mane nyɛ!

Efesobi 1:1

Imi Paulo, nɛ Mawu suɔmi nya nɛ i ba pee Kristo Yesu bɔfo ɔ, imi lɛ i ngma womi nɛ ɔ ya ha ni klɔuklɔu ɔmɛ nɛ ngɛ Efeso, nihi nɛ kɛ je be nɛ a ba le Kristo Yesu ɔ, a ngmɛɛ we a hemi kɛ yemi ɔ he kulaa a.

Mose V, 21:9

Lɔ ɔ he ɔ, moo pee kaa bɔ nɛ Yawɛ ngɛ hlae kaa o pee ɔ, nɛ a be gbenɔ nɛ ɔ he musu woe kɛ tloo mo.

Mose V, 9:10

Lɔ ɔ se ɔ, Yawɛ ngɔ tɛ tɛtlɛɛ enyɔ ɔmɛ ngɔ ha mi. Lɛ nitsɛ nɛ e ngɔ e nine nguɛ kɛ ngma munyu ɔmɛ tsuo nɛ e kɛ nyɛ tu kɛ je la a mi ngɛ yo ɔ nɔ jamɛ a ligbi ɔ nɛ nyɛ bua nyɛ he nya ngɛ yo ɔ sisi ɔ ngɔ fɔ tɛ ɔmɛ a nɔ.

Filipibi 1:1

Imi Paulo kɛ Timoteo, Kristo Yesu sɔmɔli ɔ, ngma womi nɛ ɔ mane Kristo Yesu ni klɔuklɔu ɔmɛ, asafo nya dali ɔmɛ, kɛ sɔmɔli ɔmɛ tsuo nɛ ngɛ Filipi ɔ.

Filipibi 1:27

Lɔ ɔ he ɔ, nɔ́ nɛ hia pe kulaa ji, nyɛɛ ba nyɛ je mi kaa bɔ nɛ sane kpakpa a nɛ kɔɔ Kristo he ɔ tsɔɔ ɔ, konɛ i nyɛ ba na nyɛ jio, i bɛ́ jio, ma nu nyɛ he kaa nyɛ tsuo nyɛɛ kɛ juɛmi kake hɛɛ hemi kɛ yemi ɔ mi kpɛii kɛ ngɛ sane kpakpa a he plee.

Kolosebi 1:2

mane ni klɔuklɔu ɔmɛ nɛ ji wa nyɛmimɛ nɛ ngɛ Kolose, nɛ yeɔ anɔkuale, nɛ a kɛ Kristo pee kake ɔ. Dloomi kɛ he jɔmi nɛ je wa Tsɛ Mawu ɔ dɛ mi ɔ ha nyɛ!

1 Tesalonikabi 2:2

Nyɛ le bɔ nɛ a wa wɔ yi mi, nɛ a jɛ wɔ kɛ pue wa hɛ mi si ngɛ Filipi loko wa ba nyɛ ngɔ ngɛ Tesalonika a. E ngɛ mi kaa níhi fuu ka wɔ blɔ tsimi, se wa Mawu ɔ wo wɔ kã kaa wa ba fiɛ e sane kpakpa a ngɔ tsɔɔ nyɛ.

1 Timoteo 1:18

Ye bi Timoteo, munyuhi nɛ gbali ɔmɛ tu blema ngɛ o he ɔ, lɔ ɔmɛ imi hu i ngɛ mo fae ke o pee. Ha munyu nɛ ɔmɛ nɛ a pee kaa ta hwumi níhi ngɛ o dɛ nɛ o kɛ tsu ní saminya.

1 Timoteo 6:12

Hwuu hemi kɛ yemi ɔ he ta kpakpa a, konɛ o nine nɛ su neneene wami ɔ nɔ. Enɛ ɔ he nɛ Mawu tsɛ mo nɛ o ba ye Kristo he odase wawɛɛ ngɛ nihi babauu a hɛ mi ɔ nɛ.

2 Timoteo 1:13

Anɔkuale ɔ nɛ i tsɔɔ mo ɔ, pɛtɛ he kaa nɔhyɛ nɔ́, nɛ hemi kɛ yemi, kɛ suɔmi nɛ wa na kɛ gu Kristo Yesu mi ɔ, koo ngmɛɛ he.

Tito 1:4

I ngɛ womi nɛ ɔ ngmae ha mo Tito, ye bi nitsɛnitsɛ ngɛ hemi kɛ yemi kake ɔ nɛ i kɛ mo tsuo wa hɛɛ mi ɔ mi. Dloomi kɛ he jɔmi nɛ je Tsɛ Mawu ɔ, kɛ wa kpɔlɔ Kristo Yesu dɛ mi ɔ ha mo!

Hebribi 13:22

Ye nyɛmimɛ, womi nɛ i ngma nyɛ nɛ ɔ nya kɛ we kulaa, lɔ ɔ he ɔ, i kpa nyɛ pɛɛ nɛ nyɛɛ ye slɔmi ɔmɛ a nɔ.

Hebribi 6:9

Wa huɛmɛ nɛ wa suɔ, ke wa ngɛ munyu tue kaa kikɛ nɛ ɔ po, nyɛɛ lɛɛ wa heɔ nyɛ yeɔ kaa nyɛ ngɛ nɔ́ kpakpa pee, nɛ lɔ ɔ ma ha nɛ Mawu ma he nyɛ yi wami.

1 Petro 5:12

I ngɛ nyɛ womi kpiti nɛ ɔ ngmae kɛ gu Silvano nɔ. I buu wa nyɛmi nɛ ɔ saminya kaa Kristo se nyɛɛlɔ nɛ yeɔ anɔkuale. I ngɛ nyɛ he wami woe, nɛ i ngɛ nɔ mi mae ngɛ dee ke Mawu dloomi nitsɛnitsɛ ji nɛ ɔ nɛ. Nyɛɛ pɛtɛ he wawɛɛ.

2 Petro 1:1

Imi Simon Petro, Yesu Kristo tsɔlɔ, kɛ e bɔfo ɔ, i ngɛ womi nɛ ɔ ngmae kɛ yaa ha nihi nɛ a nine su hemi kɛ yemi nɛ he jua wa saminya kaa wɔ hu wa nɔ́ ɔ nɔ. Wa Mawu ɔ, kɛ wa kpɔlɔ Yesu Kristo, nɔ nɛ peeɔ nɔ́ nɛ da a, lɛ ha mɛ kikɛmɛ a hemi kɛ yemi ɔ nɛ.

2 Petro 2:21

Afani nɔ́ nɛ a na we nɛ a le Kristo, pe nɛ a le lɛ, nɛ pee se ɔ, a je mlaa klɔuklɔu ɔ nɛ a ha mɛ ɔ he.

Yuda 1:1

Imi Yuda, Yesu Kristo tsɔlɔ, kɛ Yakobo nyɛminyumu ɔ, i ngɛ womi nɛ ɔ ngmae kɛ ya ha Kristo se nyɛɛli tsuo, nihi nɛ Tsɛ Mawu suɔ, nɛ e hla mɛ, nɛ a ngɔ mɛ ngɔ to ha Yesu Kristo ɔ.

Yuda 1:17

Se nyɛ ye nyɛmimɛ nɛ i suɔ! Nyɛɛ lɛɛ nyɛ kai níhi nɛ wa Nyɔmtsɛ Yesu Kristo bɔfo ɔmɛ de to ɔ.

Yuda 1:20

Se nyɛ ye nyɛmimɛ nɛ i suɔ! Nyɛɛ lɛɛ nyɛɛ hɛɛ nyɛ hemi kɛ yemi klɔuklɔu ɔ mi wawɛɛ nɛ nyɛ nane nɛ pi si ngɛ mi. Nyɛɛ sɔle ngɛ Mumi Klɔuklɔu ɔ he wami ɔ nya.

Kpojemi 12:11

Wa nyɛmimɛ ɔmɛ ye e nɔ kunimi kɛ gu To bi ɔ muɔ ɔ, kɛ odase ɔ nɛ a ye ɔ nɔ. A de we ke a maa baa mɛ nitsɛmɛ a wami yi, se mohu a suɔ kaa a maa ngɔ a wami tete ngɔ ha, nɛ a gbe mɛ.

Kpojemi 2:10

Koo ye amanehlu nɛ ma o nɔ ɔ gbeye! Hyɛ! Abosiami miɔ nɛ e maa wo nyɛ ti ni komɛ tsu, konɛ a kɛ ka nyɛ; nɛ nyɛ maa na nɔ́ ligbi nyɔngma. Ye mi anɔkuale kɛ yaa si gbenɔ mi tete po, nɛ ma ha mo wami kaa kunimi nɛ o ye ɔ he jlasi.