Yuda 1:23 - BAIBLO ALOO NGMAMI KLƆUKLƆU Ɔ

²³ nyɛ je ni komɛ hu kɛ je la a mi; nyɛɛ na ni kpa komɛ hu mɔbɔ nɛ gbeye yemi ngɛ mi. Se tadehi nɛ a wo ɔ tete po nyɛɛ hie; ejakaa a kɛ he lo akɔnɔ wo he mu.

Somi He Ɔ

²³ nyɛ je mɛ kɛ je la a mi. Nyɛɛ na ni kpahi hu mɔbɔ kɛ mɔbɔ nami nɛ gbeye yemi ngɛ mi; se nyɛɛ hie sa tade nɛ a kɛ he lo akɔnɔ wo lɛ mu ɔ.

Yuda 1:23 ပူးပေါင်းရင်းမြစ်များ

Abɛ Womi 7:8

E nyɛɛ kɛ ya be ngɛ gbɛjegbɛ ɔ kɔ nya he ko, he nɛ yo ko hii ɔ.

Yesaya 64:6

Wɔ tsuo wa pee yayami, nɛ wa plɛ pee nihi nɛ a he tsɔ we. Kpakpa nɛ wa peeɔ ɔ po ngɛ kaa tade sɛmusɛmu ngɛ o hɛ mi. Wa yayami ɔmɛ ha wɔ tsuo wa pee kaa ba gbigbli nɛ kɔɔhiɔ muɔ kɛ yaa.

Kɔmɔ Yemi 4:14

A hii nyɛɛe kɛ hii yae kɛ hii bae ngɛ gbɛjegbɛ ɔmɛ a nɔ kaa hɛ yuyuili. A kɛ muɔ ble a he, lɔ ɔ he ɔ, nɔ ko nɔ ko nyɛ we nɛ e ta a tade ɔmɛ a he.

Mose III, 14:47

Nɔ tsuaa nɔ nɛ maa hwɔ we ɔ mi, loo e maa ye ní ngɛ we ɔ mi ɔ, é fɔ e tade ɔmɛ a he.

Mose III, 15:17

Sa nɔ bo, loo nɔ́ ko nɛ a kɛ lohwe he womi pee, nɛ nyumu ɔ he nyu nɛ ɔ ma pue nɔ ɔ, á fɔ he. E he be tsɔe kɛ yaa si du ma bu.

Amos 4:11

“I kpata nyɛ ti ni komɛ a hɛ mi kaa bɔ nɛ i pee Sodom kɛ Gomora ma amɛ ɔ. Ni nɛmɛ nɛ a he je mi ɔ ngɛ kaa la tso nɛ a hia kɛ je la mi. Se loloolo ɔ, nyɛ kpale we kɛ bɛ ye ngɔ.” Yawɛ lɛ de.

Romabi 11:14

Eko ɔ, gɛjɛmi nɛ i kɛ ngɛ nyɛ he ní tsue ɔ ma ha ye nyɛmimɛ Yuda bi ɔmɛ maa je hunga, nɛ ye he ɔ, Mawu ma he a ti ni komɛ a yi wami.

1 Korintobi 15:33

Nyɛ ko ha nɛ a sisi nyɛ. “Huɛ yaya bɔmi puɛɔ je mi bami kpakpa.”

1 Korintobi 3:15

Ke nɔ ɔ tsu ɔ sã a, nɔ́ laa lɛ; se lɛ nitsɛ lɛɛ a ma he e yi wami kaa nɔ ko nɛ a gbla lɛ kɛ je la mi.

2 Korintobi 5:11

Lɔ ɔ he ɔ, wɔ nɛ waa kɛ bu yee Nyɔmtsɛ ɔ gbeye ɔ, wa bɔɔ mɔde tuɔ munyu tsɔɔ nihi. Wɔ nitsɛmɛ lɛɛ, Mawu le bɔ nɛ wa ngɛ ha. Nɛ i heɔ yeɔ kaa nyɛ hu nyɛ le wɔ kɛ pi si jã nɔuu.

2 Tesalonikabi 3:14

Ke nɔ ko sume kaa e maa ye nɔ́ nɛ wa ngma nyɛ nɛ ɔ nɔ ɔ, nyɛ kadi lɛ, nɛ nyɛɛ kɛ lɛ ko bɔ. Kɛkɛ ɔ, zo maa gbe lɛ.

1 Timoteo 4:16

Timoteo, hyɛ mo nitsɛ o he nɔ saminya; nɔ́ nɛ o ngɛ tsɔɔe ɔ hu hyɛ nɔ bɔ nɛ sa. Ejakaa ke o pee ja a, o ma he mo nitsɛ o yi wami, kɛ nihi nɛ buɔ mo tue ɔ hulɔ.

2 Yohane 1:11

Ke nɔ ko ha lɛ hɛ mi ɔ, e tsɔɔ kaa e kɛ lɛ peeɔ kake kɛ tsuɔ ní yayamihi.

Yuda 1:22

Ni nɛmɛ nɛ a yi mi peeɔ mɛ sikɔsikɔ ɔ, nyɛɛ na mɛ mɔbɔ;

Kpojemi 3:18

Lɔ ɔ he ɔ, i ngɛ mo ga woe nɛ o ba he sika tsu ngɛ ye dɛ; ee, ba he sika tsu ngmingmiingmi ngɛ ye dɛ, konɛ o na ní. He ní hiɔ hu nɛ o wo, nɛ a ko na kaa o hɛɛ o he gu, ejakaa e ngɛ zo. Jehanɛ, he tsopa nɛ o nga ngɔ pue o hɛngmɛ nɔ, konɛ o hyɛ nɔ́.

Kpojemi 3:4

Se kɛ̃ ɔ, o ngɛ nihi bɔɔ ko ngɛ Sarde, nihi nɛ wui a tade ɔmɛ mu. Mɛɛ a maa wo nɔ́ hiɔ, nɛ a kɛ mi maa nyɛɛ, ejakaa a sa ja.