Yuda 1:19 - BAIBLO ALOO NGMAMI KLƆUKLƆU Ɔ

¹⁹ Nimli nɛ ɔmɛ ji nimli nɛ kɛ mi gbami baa a nɛ. A he lo ɔ lɛ yeɔ a nɔ; a be mumi ɔ.

Somi He Ɔ

¹⁹ Nimli nɛ ɔmɛ ji nihi nɛ kɛ mi gbami baa a nɛ, he lo mi nimli nɛ be mumi.

Yuda 1:19 ပူးပေါင်းရင်းမြစ်များ

Abɛ Womi 18:1

Nihi nɛ suɔ mɛ nitsɛmɛ a he ɔ, a kɛ nɔ kpa pee we nɔ́ ko. Nɔ́ ko nɛ nihi tsuo le kaa e hi ɔ, mɛɛ lɛɛ a deɔ ke e hí.

Yesaya 65:5

Se bɔ nɛ mɛ mohu a deɔ ni kpahi ji, ‘Nyɛɛ hɛ nyɛ kɛ ya se; nyɛ ko ba wa kasa nya; wɔɔ lɛɛ wa he tsɔ!’ Kikɛmɛ a nimli nɛ ɔmɛ ngɛ kaa la su ku nɛ ngɛ ye gugwɔ mi sɛe, kɛ la nɛ ngɛ tsoe daa ligbi!

Ezekiel 14:7

“Ke Israel fɔfɔɛ ko, loo nɔ ko nɛ ba to Israel bi ɔmɛ nubwɔ tsɔ e he kɛ je ye he, nɛ e ngɔ e hɛ ngɔ fɔ e we amaga amɛ a nɔ kɛ e tsui tsuo, nɛ lɔ ɔ he je yayami pɛ e peeɔ ɔ, ke e ba gbalɔ ko ngɔ nɛ e ba bi ní ɔ, imi Yawɛ nitsɛ ma ha lɛ heto.

Hosea 4:14

Ke nyɛ biyi ɔmɛ ya pee a he yaholi, nɛ nyɛ binyumu ɔmɛ a yi ɔmɛ ya puɛ gba a, i be a tue gblae; ejakaa nyɛ nitsɛmɛ hu nyɛ ya nyɛɛɔ yaholi nɛ ɔmɛ a se, nɛ nyɛɛ kɛ mɛ tsuo nyɛ ya sãã bɔ kɛ haa a wɔ ɔmɛ. Ejakaa ‘Ma nɛ li nɔ́ ɔ, a hɛ mi kpataa.’

Hosea 9:10

Yawɛ ke, “Benɛ i na Israel ma a kekleekle ɔ, a ngɛ kaa wai yiblii ngɛ nga nɔ. Benɛ i na nyɛ nɛmɛ ɔmɛ ɔ, a ngɛ kaa ngmɔkɔ he nɛ fu ngɛ e be mi. Se benɛ a ba su Peor yo ɔ he ɔ, a ba bɔni Baal jami. A kɛ nɔ́ nɛ ɔ ble a he, nɛ a he pee tai kaa nɔ́ ɔ nɛ a ngɛ jae ɔ nɔuu.

Romabi 8:9

Ke Mawu mumi ɔ ngɛ nyɛ mi ɔ, he lo ɔ be nyɛ nɔ he wami; mumi ɔ mohu lɛ tsɔɔ nyɛ blɔ. Ke nɔ ko be Kristo mumi ɔ, pi Kristo nɔ ji lɛ.

1 Korintobi 2:14

Nɔ nɛ be mumi ɔ na we Mawu mumi ɔ nike níhi. Nɔmlɔ kaa kikɛ nɛ ɔ nui mumi ɔ nike níhi a sisi saminya. Enɛ ɔmɛ peeɔ kuasiahi a sane kɛ haa lɛ; ejakaa ni nɛ ɔmɛ ɔ, mumi mi hɛngmɛ a kɛ naa.

1 Korintobi 6:19

Mumi Klɔuklɔu ɔ nɛ Mawu ha nyɛ, nɛ ngɛ nyɛ mi ɔ, anɛ nyɛ li kaa e sɔlemi tsu ji nɔmlɔ tso ɔ lo? Nyɛ be nyɛ dɛ he; Mawu níhi ji nyɛ.

Hebribi 10:25

Nyɛ ko ha wa jɔɔ wa he nya buami kaa bɔ nɛ ni komɛ hlaa peemi ɔ. Mohu ɔ, nyɛ ha waa ya nɔ nɛ waa wo wa sibi he wami wawɛɛ, titli ɔ, akɛnɛ nyɛ le kaa Nyɔmtsɛ ɔ bami be ɔ su ta a.

Yakobo 3:15

Kikɛmɛ a nile nɛ ɔ, pi hiɔwe nɛ e je; zugba nɛ ɔ nɔ nɔ́; Mawu mumi be mi, mumi yayami sɔuu.