Yuda 1:16 - BAIBLO ALOO NGMAMI KLƆUKLƆU Ɔ

¹⁶ Daa nɛ ɔ, nimli nɛ ɔmɛ ngɛ munyu huitihuiti tue kɛ ngɛ bee; nɔ́ muɛ a hɛ gblegbleegble. Mɛ nitsɛmɛ a he akɔnɔ yayahi a se nɛ a dii. A fĩaa; a peeɔ nya puu, nɛ a gbee nihi a yi mi, konɛ a kɛ na ni ɔmɛ a he blɔ.

Somi He Ɔ

¹⁶ Nimli nɛ ɔmɛ ji nihi nɛ tuɔ munyu yaya, sieku yeli kɛ nɔ piali nɛ nɔ muɛ́ a hɛ nɛ a nyɛɛ mɛ nitsɛmɛ a kɔnɔ yayahi a se; a peɔ nya puu, nɛ a gbee nimli a yi mi ngɛ se nami he.

Yuda 1:16 ပူးပေါင်းရင်းမြစ်များ

Hiob 32:21

I be nɔ ko hɛ mi hyɛe kɛ tu munyu; nɛ i be munyu dɔkɔdɔkɔ tue ngɛ nɔ ko he.

Hiob 34:19

Mawu hyɛ we ganɔhi a hɛ mi. E bui niatsɛmɛ pe ohiatsɛmɛ; ejakaa lɛ nɛ e bɔ mɛ tsuo.

La 106:25

A tu munyu huitihuiti ngɛ a bo tsu ɔmɛ a mi; nɛ a bui Yawɛ tue.

La 15:4

Nɔ nɛ tuɔ munyu kɛ siɔ yayami peeli, nɛ e woɔ nihi nɛ yeɔ Yawɛ gbeye ɔ a hɛ mi nyami. Nɔ nɛ ke e ka kita, nɛ e kpale we e nya se, ke ji kaa lɔ ɔ maa pee haomi ha lɛ po.

La 17:10

Mɔbɔ nami ko be a mi; he nɔ womi munyuhi lɛ jeɔ a nya.

La 73:8

A yeɔ nɔ he fɛu, nɛ a tuɔ nɔ he munyu yaya. A woɔ a he nɔ, nɛ a toɔ gahi nɛ a kɛ waa nihi yi mi.

Abɛ Womi 28:21

Nɔ hɛ mi hyɛmi hí. Abolo bɔbɔyoo ko nɛ o kɛ maa wo nɔ ko nya mi ɔ ma ha nɛ nɔ ɔ maa pee nɔ́ nɛ dɛ amlɔ.

Yesaya 29:24

Kuasiahi maa le ní, nɛ ni nɛmɛ nɛ tuɔ munyu huitihuiti ɔ maa kase ní.”

Mose III, 19:15

“Nyɛɛ ye dami sane ngɛ kojomi mi; nyɛ ko hyɛ nɔ ko hɛ mi, ohiatsɛ ji lɛ jio, niatsɛ ji lɛ jio.

Mose IV, 14:36

Nyumu ɔmɛ nɛ Mose tsɔ ya slaa zugba a, nɛ a ba gba Israel ma kpekpemi ɔ zugba a he sane yayami, nɛ lɔ ɔ he ɔ, ma a hɔɔ nya si kɛ wo Mose ɔ,

Mose IV, 16:11

Hyɛ, Yawɛ yi nɔ nɛ o kɛ o se nyɛɛli ɔmɛ tsuo ngɛ soe ɔ nɛ. Jehanɛ, Aaron ɔ lɛɛ mɛni e pee nyɛ loko nyɛ ngɛ nya si hɔɔe kɛ ngɛ lɛ woe ɔ?”

Mose IV, 16:41

E nɔ jena a, Israel ma a tsuo hɔɔ nya si kɛ wo Mose kɛ Aaron, nɛ a de ke, “Nyɛ lɛ nyɛ gbe Yawɛ ni ɔmɛ ɔ nɛ.”

Luka 15:2

Farisi bi ɔmɛ, kɛ mlaa tsɔɔli ɔmɛ bɔni munyu huitihuiti tumi ke, “Nyumu nɛ ɔ kɛ yayami peeli bɔɔ, nɛ e kɛ mɛ yeɔ ní po.”

Luka 19:7

Nihi tsuo nɛ na nɔ́ nɛ ɔ, tu munyu huitihuiti ke, “Nyumu nɛ ɔ ya to yayami peelɔ we mi.”

Luka 5:30

Kɛkɛ nɛ Farisi bi komɛ, kɛ mlaa tsɔɔli komɛ tu munyu huitihuiti kɛ si Yesu kaseli ɔmɛ ke, “Mɛni he je nɛ nyɛɛ kɛ tó tsuli, kɛ yayami peeli ngɛ ní yee, nɛ nyɛɛ kɛ mɛ ngɛ ní nue ɔ?”

Yohane 6:41

Benɛ Yesu de ke, “Imi ji abolo nɛ je hiɔwe ɔ”, ni ɔmɛ tu munyu huitihuiti kɛ si lɛ;

Yohane 6:61

Benɛ Yesu kɔ se kaa e kaseli ɔmɛ ngɛ munyu huitihuiti tue ngɛ níhi nɛ e de mɛ ɔ a he ɔ, e bi mɛ ke, “Anɛ enɛ ɔ maa wo nyɛ nine mi nyu lo?

1 Korintobi 10:10

Wa ko tu munyu huitihuiti kaa bɔ nɛ a ti ni komɛ pee, nɛ bɔfo nɔ́ puɛlɔ ɔ kpata a hɛ mi ɔ.

Galatabi 5:16

I ngɛ nyɛ dee ke, nyɛ ha nɛ Mawu mumi ɔ nɛ tsɔɔ nyɛ bɔ nɛ nyɛ maa ba nyɛ je mi ha, konɛ nyɛ ko tsu nɔmlɔ tso ɔ suɔmi nya ní.

Galatabi 5:24

Nihi nɛ ji Kristo Yesu we bi ɔ, akɔnɔ, kɛ he lo nya níhi nɛ a suɔ ɔ, a ngmɛɛ he kulaa kaa nɔ́ nɛ pe a sɛu ní ɔmɛ tsuo ngɛ sɛumi tso nɔ.

Mose V, 1:27

nɛ nyɛ tu munyu huitihuiti ke, ‘Akɛnɛ Yawɛ sume wa sane he je ɔ, e je wɔ kɛ je Egipt zugba a nɔ kɛ ba ha Amor bi ɔmɛ, konɛ a kpata wa hɛ mi.

Filipibi 2:14

Nɔ́ tsuaa nɔ́ nɛ nyɛ ngɛ pee ɔ, nyɛ ko wo nyɛ mi mi la, nɛ nyɛ ko sã nya ngɛ he.

1 Tesalonikabi 4:5

Nyɛ ko di akɔnɔ se kaa bɔ nɛ nihi nɛ li Mawu ɔ peeɔ ɔ.

1 Timoteo 6:5

nɛ a sãã nya be tsuaa be. A juɛmi be tutuutu, nɛ a li nɔ nɛ ji anɔkuale hu. E peeɔ mɛ kaa Mawu jami ji blɔ ko nɛ a guu nɔ kɛ naa ní kpɔtɔɔ.

2 Timoteo 4:3

Be ma nɛ nihi be suɔe kaa a maa bu tsɔɔmi kpakpa tue. Mohu ɔ, a ma hla ní tsɔɔli ha a he; a ma hla nihi nɛ maa tsɔɔ mɛ níhi nɛ maa ngɔ ngɛ a tue mi.

1 Petro 1:14

Nyɛɛ bu Mawu tue. Akɔnɔhi nɛ hao nyɛ benɛ nyɛ li anɔkuale ɔ lolo ɔ, nyɛ ko ya nyɛɛ se hu.

1 Petro 2:11

Nyɛmimɛ nɛ i suɔ! I ngɔ sane nɛ ɔ kɛ ngɛ nyɛ hɛ mi fɔe kaa nibwɔhi, kɛ blɔ hiali ngɛ je nɛ ɔ mi. Nyɛ ko ya di he lo mi níhi a se, ejakaa a kɛ nyɛ klaa ngɛ ta hwue daa.

1 Petro 4:2

Lɔ ɔ he ɔ, kɛ je be nɛ ɔ mi kɛ yaa si nyɛ maa gbe nyɛ je nɛ ɔ mi si himi nya a, nyɛɛ hi si kaa bɔ nɛ Mawu suɔ, se pi kaa bɔ nɛ nyɛ tsui suɔ.

2 Petro 2:10

Nimli nɛ ɔmɛ a ti nihi pɔtɛɛ ji ni nɛmɛ nɛ ya nyɛɛɔ he lo mi akɔnɔ yaya se, se Mawu mlaa a lɛɛ a bui. Kikɛmɛ a lakpa tsɔɔli nɛ ɔmɛ a tsui wa; a woɔ a he nɔ, nɛ nibɔ ní kpakpahi nɛ ngɛ hiɔwe po a bui; se mohu a jɛɔ mɛ.

2 Petro 2:18

Akɛnɛ nya puu munyu nguahi jeɔ a nya he je ɔ, a guu he lo akɔnɔ níhi a nɔ nɛ a kɛ ya sisiɔ nihi nɛ je si himi yaya nɛ dɛ blɔ mi kɛ́ we.

2 Petro 3:3

Kekleekle ɔ, nyɛ na nɛ nyɛɛ le kaa nyagbe ligbi ɔmɛ a mi ɔ, nɔ he fɛu yeli komɛ maa ba, nɛ nɔ́ nɛ a we akɔnɔ de mɛ ke a pee ɔ, lɔ ɔ a maa pee.

Yuda 1:15

E maa kojo nimli tsuo; nihi nɛ li Mawu ɔ, e maa gbla a tue bɔ nɛ sa ngɛ a ní yayami ɔmɛ, kɛ musu bɔmi munyuhi nɛ a tu kɛ si Mawu ɔ a he.”

Yuda 1:18

A de ke, “Nyagbe be ɔ mi ɔ, nihi maa ba nɛ a maa ye nyɛ he fɛu; a maa pee ní yayamihi nɛ mɛ nitsɛmɛ a tsui suɔ.”