Yuda 1:15 - BAIBLO ALOO NGMAMI KLƆUKLƆU Ɔ

¹⁵ E maa kojo nimli tsuo; nihi nɛ li Mawu ɔ, e maa gbla a tue bɔ nɛ sa ngɛ a ní yayami ɔmɛ, kɛ musu bɔmi munyuhi nɛ a tu kɛ si Mawu ɔ a he.”

Somi He Ɔ

¹⁵ nɛ e maa kojo nimli tsuo, nɛ e ma ka nɔ yayami peeli ngɛ a ni yayami hi tsuo nɛ a tsu ɔ kɛ musu bɔmi munyu tsuo nɛ yayami peeli Mawu kuali tu ngɛ Mawu he ɔ he.”

Yuda 1:15 ပူးပေါင်းရင်းမြစ်များ

La 139:20

Nimli nɛ ɔmɛ tuɔ musu bɔmi munyu, nɛ a teɔ si kɛ woɔ mo.

La 149:9

a gbla je ma amɛ a tue kaa bɔ nɛ a ngma kɛ to ɔ. Mawu ma a tsuo ye kunimi! Nyɛ je Yawɛ yi!

La 31:18

Lakpatsɛmɛ, kɛ he nɔ woli, kɛ nɔ he guɛ gbeli nɛ tuɔ munyu yaya kɛ siɔ dali ɔ, ha nɛ mɛ tsuo a ma a nya.

La 37:6

E maa ye dami sane ha mo; e maa wo mo nguɔ. Nɔ́ nɛ ɔ maa je kpo paa kaa pu la, nɛ nihi tsuo maa na.

La 73:9

A tuɔ munyu kɛ siɔ Mawu ngɛ hiɔwe. A sibi nimli adesahi lɛɛ a kɛ mɛ tuɔ munyu basabasa bɔ nɛ a suɔ.

La 94:4

Yayami peeli maa hi munyu tue puu kɛkɛ, nɛ a maa hi fĩae kɛ yaa si mɛni be?

La 98:9

ejakaa e ma nɛ e ba kojo je ɔ. Yawɛ maa kojo je ɔ ngɛ dami, kɛ anɔkuale nya.

Mose II, 16:8

Mose de mɛ ke, “Yawɛ ma ha nyɛ lo nɛ nyɛɛ ye gbɔkuɛ, kɛ abolo nɛ maa tɔ nyɛ mɔtu; ejakaa e nu nya si nɛ nyɛ hɔɔ kɛ wo e he ɔ. Nyɛ munyu huitihuiti ɔmɛ ɔ, pi wɔ nɛ nyɛ tu kɛ si, se Yawɛ mohu.”

Fiɛlɔ 11:9

Nihewi, nyɛ fiɛ nyɛ yi nɔ ngɛ nyɛ nihe mi; nyɛɛ pee nyɛ suɔmi nya ní, nɛ nyɛ na bua jɔmi. Se nyɛ na nɛ nyɛɛ le kaa Mawu maa kojo nyɛ ngɛ ní nɛ ɔmɛ tsuo a he.

Fiɛlɔ 12:14

Mawu maa kojo wɔ ngɛ níhi tsuo nɛ wa pee ɔ a he. Níhi nɛ wa pee ngɛ laami mi po, e maa kojo wɔ ngɛ a he; kpakpa jio, yaya jio.

Ezekiel 35:13

Pupuupu nɛ o pee, nɛ o tu musu bɔmi munyuhi babauu kɛ si mi ɔ, i nu lɛ tsuo.”

Daniel 11:36

“Siria matsɛ ɔ maa pee e suɔmi nya ní. E ma wo e he nɔ, nɛ e maa pee lɛ kaa e kle pe mawu ɔmɛ tsuo. Mawu Ope ɔ nitsɛ po, e maa tu musu munyuhi kɛ si lɛ hluu kɛ yaa si be nɛ Mawu maa gbla e tue. Ejakaa nɔ́ nɛ Mawu to kaa e maa pee ɔ, ja e pee.

Daniel 7:20

Jehanɛ, i bi koli nyɔngma amɛ nɛ ngɛ lohwe ɔ yi mi ɔ a he sane. Koli kaketsɛ ɔ nɛ ba pee se, nɛ ha nɛ koli etɛ ɔmɛ hia pue si ɔ, lɛ hu i bi he sane. Koli nɛ ɔ ngɛ hɛngmɛhi, kɛ nya nɛ e ngɛ munyu tue putɛputɛɛ. E he ngɛ gbeye pe koli ɔmɛ tsuo.

Yohane 5:27

Tsɛ ɔ ha Bi ɔ he blɔ kaa e kojo nihi, ejakaa lɛ ji Nɔmlɔ Bi ɔ nɛ.

Ni Tsumi 17:31

Ejakaa e to be pɔtɛɛ ko, nɛ e hla nɔ ko nɛ e maa gu e nɔ kɛ kojo je ɔ tsuo ngɛ dami sane yemi nya, ejakaa e tle jamɛ a nɔmlɔ ɔ si kɛ je gbeje kɛ ma enɛ ɔ nɔ mi.”

Romabi 14:10

Lɛɛ mɛni he je moo o kojoɔ o nyɛmi? Aloo pohu mɛni he je nɛ o gbeɔ o nyɛmi he guɛ ɔ? Mawu hɛ mi wɔ tsuo wa maa da si ngɛ nɛ e maa kojo wɔ.

Romabi 2:16

Sane kpakpa a nɛ i ngɛ fiɛe ɔ ngɛ tsɔɔe kaa ligbi ɔ nɛ Mawu maa gu Yesu Kristo nɔ ba kojo nihi tsuo ngɛ a laami mi sanehi a he ɔ, kikɛ nɛ ɔ níhi maa ba.

Romabi 2:5

Se akɛnɛ o kplii o tsui, nɛ o pia we o he ɔ, kojomi ligbi ɔ nɛ Mawu mi mi ma fu, nɛ e maa kojo kɛ dami sane yemi ɔ, o tue gblami ɔ maa pe nine.

1 Korintobi 4:5

Lɔ ɔ he ɔ, nyɛ ko kojo nɔ ko loko be ɔ nɛ su. Nyɛɛ mlɛ kɛ yaa si Nyɔmtsɛ ɔ maa ba. Ke e ba a, e ma je diblii mi níhi, kɛ tsui mi ní yayahi nɛ a kɛ laa a tsuo kpo. Jamɛ a be ɔ, nɔ tsuaa nɔ ma na yi jemi nɛ sa lɛ ɔ kɛ je Mawu dɛ mi.

1 Timoteo 1:9

E sa kaa wa kai kaa mlaa he hia we nimli kpakpahi. Ni nɛmɛ nɛ a woɔ mlaa ha ji mlaa tɔli, awi yeli, nihi nɛ li Mawu, yayami peeli, nihi nɛ Mawu mumi be a mi, nihi nɛ gbee mɛ nitsɛmɛ a tsɛmɛ kɛ a nyɛmɛ, kɛ muɔ si pueli kpahi.

Yuda 1:16

Daa nɛ ɔ, nimli nɛ ɔmɛ ngɛ munyu huitihuiti tue kɛ ngɛ bee; nɔ́ muɛ a hɛ gblegbleegble. Mɛ nitsɛmɛ a he akɔnɔ yayahi a se nɛ a dii. A fĩaa; a peeɔ nya puu, nɛ a gbee nihi a yi mi, konɛ a kɛ na ni ɔmɛ a he blɔ.

Kpojemi 13:11

Jehanɛ ɔ, i na lohwe awi yelɔ kpa ko nɛ je zugba a mi. E ngɛ koli enyɔ; koli ɔmɛ ngɛ kaa to bi kolihi, nɛ lohwe ɔ tu munyu kaa bɔ nɛ sinɔ nguaa a tuɔ munyu.

Kpojemi 22:20

Nɔ nɛ ngɛ ní nɛ ɔmɛ tsuo a he odase yee ɔ ngɛ dee ke, “Ee, i ma nɔuu!” Amen. Nyɔmtsɛ Yesu, ba!

Samuel I, 2:3

Nyɛ kpa fiami munyu puu tumi; he nɔ womi munyu nɛ ko je nyɛ nya mi. Yawɛ ji Mawu nɛ le níhi tsuo, nɛ e kojoɔ nɔ́ tsuaa nɔ́ nɛ nimli peeɔ.